رمضان المبارک قرآن، جہاد اور صبر کامہینہ ہے ، مولانا عبدالقدوس احمدانی
اشاعت کی تاریخ: 23rd, February 2025 GMT
میرپورخاص (نمائندہ جسارت)رمضان المبارک قرآن ، جہاد اور صبر کا مہینہ ہے۔رب تعالی کی رضا جوئی کی خاطر بند? مومن روزے کی حالت میں بھوک پیاس اختیار کرتا ہے اور لغو چیزوں سے اپنے آپ کو دور رکھتا ہے .رمضان المبارک مجبور و بے کسوں ضرورت مندوں کی خبر گیری کا مہینہ ہے۔ رب کائنات نے تمام انسانیت کی دنیا و آخرت کی حقیقی فلاح اور کامیابی اور زندگی گذارنے کا چارٹر آف لائف قرآن عظیم الشان کی صورت میں رمضان میں نازل فرمایا۔سندھ باب الاسلام کی سرزمین بھی رمضان المبارک میں مشرف بہ اسلام ہوئی۔پاکستان جیسی عظیم آزاد نظریاتی مملکت بھی رمضان المبارک کی بابرکت ستائیسویں شب میں وجود پذیر آئی۔رمضان المبارک میں فلسطین کے مظلوم مسلمانوں کیلئے اپنا سب کچھ نچھاور کریں غزہ کے مسلمانوں پر عرصہ حیات تنگ کرنے والوں کو نشان عبرت بنانے کا عزم کرنا ہوگا.
ذریعہ: Jasarat News
کلیدی لفظ: رمضان المبارک
پڑھیں:
جماعت اسلامی کا غزہ مارچ، اسلام آباد میں ریڈ زون سیل
اسلام آباد(ڈیلی پاکستان آن لائن)جماعت اسلامی کے فلسطین مارچ کے موقع پر وفاقی دارالحکومت میں آج سیکیورٹی کے غیر معمولی سکیورٹی انتظامات کیے گئے ہیں جبکہ ریڈ زون کو سیل کردیا گیا۔
نجی ٹی وی چینل اے آر وائی نیوز کے مطابق جماعت اسلامی نے اسرائیلی دہشت گردی کا شکار غزہ کے مظلوم مسلمانوں کی حمایت میں آج اسلام آباد میں یکجہتی غزہ مارچ منعقد کرنے کا اعلان کیا ہے۔
تاہم ذرائع کے مطابق وفاقی حکومت نے جماعت اسلامی کے غزہ مارچ کے شرکا سے سختی سے نمٹنے کا فیصلہ کیا ہے، اسلام آباد میں ریڈ زون اور توسیع شدہ ریڈ زون سیل کر دیا گیا ہے۔
فلم ویلکم کے اداکار کا اکشے کمار کے ملازموں سے بھی کم معاوضہ ملنے کا انکشاف
دوسری جانب ریڈ زون جانے والے راستے ہر قسم کی ٹریفک کے لیے بند کر دیے گئے ہیں، مارچ کے پیش نظر فیض آباد کو بھی سیل کر دیا گیا، فیض آباد میں ڈبل لہرز میں کنٹینرز لگا دیئے گئے۔
فیض آباد سے اسلام آباد جانے والی اہم شاہراہ کو بھی بند کر دیا گیا، ذرائع کا کہنا ہے کہ جماعت اسلامی کے قافلوں کو روکنے کے لیے پولیس کی بھاری نفری تعینات رہے گی۔
ذرائع کا کہنا ہے کہ احتجاج کرنے یا احتجاج پر اکسانے والوں کو فوری گرفتار کر کے پیس فل اسمبلی اور پبلک ایکٹ کے تحت مقدمات درج کئے جائیں گے۔
مارچ کے شرکا سے نمٹنے کیلئے ریڈ زون میں اضافی نفری تعینات کر دی گئی جبکہ دیگر صوبوں سے اضافی نفری بھی منگوائی گئی ہے۔
دولہے کے ساتھ انوکھا فراڈ، دلہن کی جگہ ساس سے شادی کرا دی گئی
اس ضمن میں جماعت اسلامی کے ترجمان شکیل ترابی نے غزہ مارچ پر حکومتی رویہ کو افسوس ناک قرار دے دیا ہے۔
جماعت اسلامی کے ترجمان کا کہنا ہے کہ اسلام آباد کے شہریوں کے لیے رکاوٹیں نہ کھڑی کی جائیں، راستے کھولے جائیں راستوں کی بندش ہمارے حوصلے پست نہیں کر سکتی، غزہ مارچ کے راستے روکنا حکومت کی فلسطین سے محبت کا نقاب اتار رہی ہے حکومت امریکی خوشنودی کے لیے مارچ کا راستہ روک رہی ہے۔
جماعت اسلامی کے ترجمان کا کہنا ہے کہ مارچ کی تیاریاں مکمل ہیں، اسلام آباد کی ہر گلی سے لوگ نکلیں گے، دیگر شہروں سے آنے والے قافلوں کو اسلام آباد میں خوش آمدید کہتے ہیں۔
شادی سے انکار پر بیٹی کا قتل، اٹلی میں پاکستانی نژاد والدین کی سزا برقرار
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی