ملک میں عملا مارشل لاہے، اپوزیشن رہنما
اشاعت کی تاریخ: 23rd, February 2025 GMT
کراچی (آن لائن) اپوزیشن رہنماﺅں نے کہا ہے کہ ملک میں عملا مارشل لا ہے، آئین اور قانون ختم ہو چکا، اس وقت جنگل کا قانون ہے۔ 26 ویں آئینی ترمیم کو
پاس کروانے کے لیے پیسے اور لالچ دی گئی۔ ملک میں ایک ہی مجاہد ہے جو جیل میں بیٹھا ہے ، کالے کوٹ والوں کا ملک بنانے میں بھی اہم کردار ہے اب وہی اپنے مجائد کے ساتھ مل کر ملک کو بچائیں گے۔ اپوزیشن رہنما صاحبزادہ حامد رضا نے کراچی وکلاکنونشن سے خطاب کرتے ہوئے کہا کہ 26 ویں آئینی ترمیم کو پاس کروانے کے لیے پیسے اور لالچ دی گئی۔ اپوزیشن کے ارکان کو سلام ہے جنہوں نے تمام آفرز کو ٹھکرا دیا۔ زبردستی ارکان کو تشدد کر کے ایون میں لایا گیا۔ انہوں نے کہا ملک میں قانون اور آئین کے ساتھ کھلواڑ ہو رہا ہے۔ آئین اور قانون کے ساتھ کھڑا ہونے والوں کے ساتھ ظلم کیا جا رہا ہے۔ تاہم ظلم اور چادر اور چار دیواری کے تقدس پامال کرنے والوں کو بھگتنا پڑے گا۔ انہوں نے کہا کہ عمران خان نے جیل سے پیغام دیا کہ میں کبھی اپنی قوم اور آئین پر سمجھوتا نہیں کروں گا۔ ہم عمران خان کے ساتھ کھڑے تھے اور ساتھ کھڑے رہیں گے۔ ہم پر جتنا تشدد اور ظلم کرنا ہے کر لو اب ہم پیچھے ہٹنے والے نہیں ہیں۔
ذریعہ: Jasarat News
پڑھیں:
سنیتا مارشل کی ماہرہ خان سے مشابہت، ماجراہ کیا؟
سنیتا مارشل نے ماہرہ خان سے مشابہت پر اپنی رائے کا اظہار کر دیا۔
پاکستان کی مشہور ماڈل اور اداکارہ سنیٹا مارشل جو فیشن اور ڈرامہ انڈسٹری میں اپنی خوبصورت شخصیت اور محنت سے بے پناہ مقبولیت حاصل کر چکی ہیں، حال ہی میں اداکارہ اُشنا شاہ کے شو کی مہمان بنیں، اس موقع پر انہوں نے اپنی زندگی کے سفر اور کیریئر کے بارے میں دلچسپ گفتگو کی۔
شو کے دوران اُشنا شاہ نے ایک دلچسپ نکتہ اٹھایا کہ سنیتا مارشل کی شکل ماہرہ خان سے کافی مشابہت رکھتی ہے، انہوں نے کہا کہ میں نے پہلے کبھی اس بات پر غور نہیں کیا تھا، لیکن اب یہ مشابہت بہت واضح دکھائی دیتی ہے۔
اسی بات پر اُشنا نے سنیتا سے سوال کیا کہ کیا آپ کو بھی اس سے متعلق لوگوں سے تبصرے موصول ہوتے ہیں؟
سنیتا مارشل نے ہنستے ہوئے اس بات کی تصدیق کی۔
انہوں نے کہا کہ جی ہاں، مجھے اکثر لوگ کہتے ہیں کہ میری شکل ماہرہ خان سے بہت ملتی ہے، جب بھی ہم کہیں ملاقات کرتے ہیں، تو لوگ مذاقاً کہتے ہیں کہ ہم بچپن میں بچھڑنے والی بہنیں ہیں۔
سنیتا نے کہا کہ تصاویر میں یہ مشابہت اور بھی زیادہ نمایاں ہو جاتی ہے، خاص طور پر چہرے کے ساخت، ہونٹوں اور بالوں کی مماثلت کی وجہ سے۔
یہ گفتگو ناصرف شو میں دلچسپی کا باعث بنی بلکہ شائقین نے بھی سوشل میڈیا پر دونوں خوبصورت اداکاراؤں کی مشابہت پر تبصرے شروع کر دیے۔
سنیتا مارشل اور ماہرہ خان دونوں ہی پاکستانی انٹرٹینمنٹ انڈسٹری کا اہم اثاثہ ہیں اور اپنی الگ الگ شناخت رکھنے کے باوجود ان کی یہ ظاہری مشابہت لوگوں کے لیے خوش گوار حیرت کا باعث ہے۔
Post Views: 1
پاک-چین میری ٹائم کے شعبے میں مذاکرات کا پانچواں دور، تعاون برقرار رکھنے کا فیصلہ