پیکا ایکٹ کالا قانون ہے کسی صورت قبول نہیں،حامد میاں شیخ
اشاعت کی تاریخ: 23rd, February 2025 GMT
حیدرآباد:ایچ یو جے کے تحت پیکا ایکٹ کےخلاف دوسرے روز بھی پریس کلب کے سامنے احتجاجی مظاہرہ کیا جارہا ہے
حیدرآباد (اسٹاف رپورٹر ) پی ایف یو جے کے مرکزی صدر رانا محمد عظیم اور سیکرٹری جنرل شکیل احمد کی کال پر پیکاایکٹ کےخلاف ملک بھر میں دو روزہ احتجاج کے سلسلے میں ایچ یو جے کی جانب سے حیدرآباد پریس کلب کے سامنے دوسرےے ویز بھیاحتجاجی مظاہرہ کیا گیا جس میں پی ایف یوجے کے نائب صدرجنیدخانزادہ، ایچ یو جے کے صدرحامد شیخ سیکرٹری علی حمزہ زیدی، سیکرٹری پریس کلب حمید الرحمان محمد حسین خان ،آفتاب میمن ،ہارون آرائیں، ناصر حسن خان، فیروز ببر، محمد حسن ،اخلاق احمد ،عبدالخالق ،ریاست علی ناغڑ، تصور راجپوت، چودھری وقاص، ندیم خان، ارشد انصاری ناظم سعلی، عباس علی، محمد نسیم ،عمران مشتاق، قسیم قریشی ،طیب علی سمیت صحافیوں نے بڑی تعدادمیں شرکت کی۔ مظاہرے کے شرکاءنے ہاتھوں میں احتجاجی بینر اور پلے کارڈ اٹھا رکھے تھے جن پر پیکا ایکٹ کے خلاف نعرے درج تھے اور شرکاءشدید نعرے بازی کررہے تھے اس موقع پر
ایچ یو جے کے صدر حامد میاں شیخ نے خطاب کرتے ہوئے کہاکہ حکومت کی جانب سے عجلت میں پاس کیے گئے پیکا ایکٹ کو ملک بھر کے صحافی مسترد کرچکے ہیں اور اس کالے قانون کو ہر گز تسلیم نہیں کیا جائیگا ۔حامد شیخ نے کہاکہ چیف جسٹس آف سپریم کورٹ عجلت میں منظور کیے گئے پیکا ایکٹ کے خلاف ازخود نوٹس لیکر ملک بھر کے صحافیوں میں پائی جانے والی بے چینی کا خاتمہ کریں ۔ انہوں نے کہاکہ پیکا ایکٹ جیسے کالے قانون کے خلاف صحافی برادری کی جدوجہد وقت گزرنے کے ساتھ تیز سے تیز تر ہوتی چلی جائیگی اور صحافی اس کالے قانون کے خاتمے تک چین سے نہیں بیٹھیں گے حکمران ہوش کے ےناخن لیں ایچ یو جے کے سیکرٹری علی حمزہ زیدی نے کہاکہ ایچ یو جے پی ایف یو جے کے ساتھ پیکا ایکٹ کے خاتمے تک جدوجہد جاری رکھے گی حکومت اس جانب توجہ دے اور پیکا ایکٹ کے خاتمے کا اعلان کرے مظاہرے سے ناصر حسن خان محمد حسن اور فیروز ببر نے بھی خطاب کیا۔
ذریعہ: Jasarat News
کلیدی لفظ: پیکا ایکٹ کے ایچ یو جے کے
پڑھیں:
دو ریاستی حل ہم کبھی بھی اسرائیل کو قبول ہی نہیں کرتے، فخر عباس نقوی
ایم ڈبلیو ایم کے زیراہتمام منعقدہ کربلائے عصر فلسطین سیمینار سے خطاب کرتے ہوئے آئی ایس او پاکستان کے مرکزی صدر کا کہنا تھا کہ آج ہماری ذمہ داری بنتی ہے کہ اسرائیلی مصنوعات کا بائیکاٹ کریں، اسرائیل نواز تنظیم کو آشکار کرنے کی ضرورت ہے، جب تک اس سرزمین پر قائداعظم کے معنوی فرزند موجود ہیں اسرائیل کو تسلیم نہیں کرنے دیں گے۔ اسلام ٹائمز۔ امامیہ اسٹوڈنٹس آرگنائزیشن پاکستان کے مرکزی صدر فخر عباس نقوی نے کہا ہے کہ آج دنیا نے ایک بار پھر دیکھا اگر کوئی انسانیت کا علمبردار ہے تو وہ سید علی خامنہ ای ہے، آج ہماری ذمہ داری بنتی ہے کہ اسرائیلی مصنوعات کا بائیکاٹ کریں، اسرائیل نواز تنظیم کو آشکار کرنے کی ضرورت ہے، جب تک اس سرزمین پر قائداعظم کے معنوی فرزند موجود ہیں اسرائیل کو تسلیم نہیں کرنے دیں گے۔ ان خیالات کا اظہار اُنہوں نے اسلام آباد میں کربلائے عصر فلسطین سیمینار سے خطاب کرتے ہوئے کیا۔ سید فخر عباس نقوی نے مزید کہا کہ حقیقی معنوں میں سید الشہداء کے حقیقی وارث شہدائے یمن، فلسطین، غزہ اور ایران ہیں، آج بھی ہمارا توکل صرف خدا پر ہونا چاہیے، ایک بار پھردشمن اپنا پراپیگنڈہ پھیلا رہا ہے، ہمارے ایوانوں کی شکل میں، ہمارے سینٹرز کی شکل میں اور بہت سارے افراد کی شکل میں اور میڈیا پرسن کی شکل میں، دو ریاستی حل ہم کبھی بھی اسرائیل کو قبول ہی نہیں کرتے، اب اس نظریے کے قائل ہیں جو قائداعظم محمد علی جناح نے نظریہ دیا تھا، ہم کسی صورت اسرائیل کو قبول نہیں کریں گے، جب تک ہماری جان میں جان ہم فلسطین کا راستہ اور مقاومت کا راستہ ترک نہیں کریں گے۔
امریکی شہریت رکھنے والے یرغمالی سے متعلق حماس کا اہم بیان سامنے آگیا