خالد علیم، ایک وسیع المطالعہ شاعر، نستعلیق آدمی
اشاعت کی تاریخ: 22nd, February 2025 GMT
بیسویں صدی کے آسمانِ ادب پر چمکنے والے تابندہ ستاروں کے مانند متعدد نام سامنے آئے جنھوں نے اردو ادب کا دامن اپنی تخلیقاتِ نظم و نثرکے پھولوں سے بھردیا جن کی خوشبو آج بھی کتابوں کے اوراق کھولنے سے عیاں ہوتی ہے۔
ابتدا میں کچھ ادبی شخصیات نے خود کو بہ حیثیت شاعر و نثر نگار پیش کیا توکچھ شاعر خود آگاہی کے تحت ابتدا ہی سے شاعری کرتے رہے، آج وہ اپنے اسلوب اور ندرتِ خیال کی بنیاد پر ’’آبروئے غزل‘‘ بن گئے ہیں۔ ایسی ادبی شخصیات بہت کم ہیں جنھوں نے شاعری کے ساتھ ساتھ نثر نگاری میں بھی اپنے جوہر دکھانے پر دونوں ہی میدانوں میں یکساں مقبول اور کامیاب ٹھہرے۔
ایسے اہلِ قلم میں سے معتبر اور اہم نام خالد علیم کا ہے جن کا شمار اُردو کے بلند فکر شاعروں میں ہوتا ہے۔ جنھوں نے اپنی شاعری کی بنیاد اپنے عہد کے مسائل و افکار پر رکھی۔ ان کے علم و فن کی روشنی سے کائناتِ اُردو ادب میں اُجالا ہی اُجالا ہُوا۔ ان کی علمی استعداد، تعلیمی قابلیت اور خداداد صلاحیت سے کسی کو بھی انکار نہیں۔
ان کے والد گرامی علیم ناصری بھی اُردو کے ممتاز نعتیہ شاعر اور عمدہ نثر نگار تھے۔ حضرت علیم ناصری اور ان کے فرزند ارجمند خالد علیم دونوں اسلامی ادب کے قابلِ احترام نمایندے ہیں۔
خالد علیم ایک ہمہ جہت اور ہمہ صفات شخصیت کے مالک تھے۔ ان کی شخصیت میں کسی قسم کا کوئی تضاد نہیں تھا، وہ ایک وسیع المطالعہ شاعر تھے، وہ زبان و بیان اور اسلوبِ تازہ کے ساتھ فکر و مشاہدات، جذبات و احساسات پر مکمل دسترس رکھتے تھے۔ وہ بنیادی طور پر شعری آہنگ میں انفرادیت کے حامل تھے، ان کا مزاجِ شاعرانہ ترقی پسند اور تلاش و جستجو سے معمور تھا۔
خالد علیم روحانی اقتدارکے حامل، درویش صفت ، شفیق دوست ہونے کے ساتھ ساتھ ظاہر و باطن سے آئینہ دار صفت اور صاف گو، نستعلیق آدمی تھے۔ انھوں نے شاعری کی تمام اصناف میں طبع آزمائی کی اور اس خوش اسلوبی اور انوکھے انداز سے اپنی فنی و فکری صلاحیتوں کو بروئے کار لایا کہ اہلِ دانش دھنگ رہ گئے۔
ان کے حمدیہ کلام کو جب فنی و فکری لحاظ سے پرکھتے ہیں تو اب بات کا گماں بار بار ہوتا ہے کہ ان کے طرزِ احساس میں جدت، سادگی، روانی اور صفائی میں اپنی مثال آپ ہیں۔ کہتے ہیں کہ ’’جب حمد زبان سے دل پر حرفِ دعا بن کر نغمہ ریزی کی جلوہ آرائی کا سامان مہیا کرتی ہے تو قلب و روح منور ہو جایا کرتے ہیں۔ یہی کیفیت ہم پہ خالد علیم کی حمدیہ شاعری پڑھتے ہوئے طاری ہو جاتی ہے۔‘‘
وہ نعت کہتے ہوئے بے حد محتاط شاعرانہ روایہ اختیار کرتے، ان کے نعتیہ کلام میں کوئی ایسی بات نہیں لکھی جو آداب کے منافی ہو۔ انھوں نے اپنے نعتیہ کلام میں فنی پیرائے کا استعمال کرتے ہوئے اپنے نبی کریمؐ کے سچے اُمتی ہونے کا حق ادا کر دکھایا ہے۔
ان کی نعت گوئی کے حوالے سے خورشید رضوی لکھتے ہیں کہ ’’ خالد علیم کی نعت میں جذبے، علم اور ریاضتِ فنی کا ایک ایسا امتزاج ملتا ہے جو عجلت کے اس دور میں بہت کم یاب ہے۔ یہ ریاضتِ فنی ان کے ہاں حسب کے علاوہ نسب کا درجہ بھی رکھتی ہے کہ جس گھر میں ’’ شاہنامہ بالا کوٹ‘‘ اور ’’ طلع البدر علینا‘‘ کا طلوع ہوا ہو، اتنی ریاضت تو اس کی فضا میں رچی ہوئی ہوتی ہے۔ ‘‘ خالد علیم نے صنفِ رباعی کو بھی اپنے حمدیہ، نعتیہ، دعائیہ اور غزلیہ کلام میں خاص جگہ دی ہے۔
صنفِ رباعی کے لیے اہلِ عروض نے ایک خاص بحر مقرر کی ہوئی ہے، اگر اس بحرکے مروجہ چوبیس زحافات کے مقرر ارکان پر کوئی رباعی نہ آتی ہو تو اسے ہرگز رباعی کا نام نہیں دیا جا سکتا۔ وہ چو مصرعی تو ہو سکتی ہے لیکن رباعی نہیں۔
چونکہ رباعی زحافات کی باریک بینیوں کی وجہ سے مشکل شعری صنف تصورکی جاتی ہے، لیکن خالد علیم نے اس صنف میں اپنی جودت طبع اور ندرتِ خیالی کا لوہا منوایا ہے، اس کا اندازہ آپ تنقیدی شعورکے حامل نقاد نوید صادق کی اس بات سے لگا سکتے ہیں ۔خالد علیم کی نثری نظموں پر ایک نظر ڈالیں تو انھوں نے اپنے تلخ و شیریں تجربات، عمیق مشاہدات، شدید جذبات اور نازک خیالات کو بڑے سلیقے سے شعری آہنگ عطا اور عمدہ طریقے سے بیان کیا ہے، ان کا اندازِ تکلم بڑا مودب اور اندازِ تخاطب نہایت مہذب ہے۔
وہ عوام و خواص کی نفسیات سے خوب واقف تھے اور معاشرے پرگہری نظر رکھتے تھے۔ اس معاشرے میں جوکچھ ہو رہا ہے وہ سبھی قریب کی عینک سے اُسے جانچ لیتے تھے، ان کی نثری نظمیں پڑھ کر ن، م راشد، مجید امجد یاد آ جاتے ہیں۔
خالد علیم نے غزل کے پیکر میں بھی نہ صرف اپنے تجربات و مشاہدات کے حسین رنگ بھر دیے ہیں بلکہ انھوں نے اپنے سبھی تلخ جذبات کو محبت کی مٹی میں گوندھ کرکاغذ کے نرم ٹکڑوں پر ستاروں کی مانند رکھ دیے ہیں۔
دنیا میں جہاں بہت سے لوگ فاقہ کشی، انا پرستی اور ذاتی ضروریات کے تحت جھگڑا، فسادات کے معاملات سے گزر رہے ہیں، وہیں خالد علیم جیسا شخص دوسروں سے الگ اپنا مزاج رکھتے تھے۔ ان کے مزاج میں نرمی ہر موسم میں رہتی۔ وہ ایک سدا بہار اور خوشبودار شخصیت کے مالک تھے اسی لیے ان کے مزاج کو سمجھنے کے لیے ان کے یہ اشعارکافی ہونگے۔
یہ تو نہیں کہ بس مجھے وحشت زیادہ ہے
اس شہر کے مزاج میں شدت زیادہ ہے
ہر روز میرے تن سے لہو کھینچتا ہوا
وہ دوست کم ہے، اپنی ضرورت زیادہ ہے
خالد علیم اپنے عہد کے نرم لہجے کے شاعر تھے، بات کو بہت سلیس، سادگی اور سہل انداز میں بیان کرتے تھے۔ وہ عام فہم بات کہنے کا فن بخوبی جانتے تھے۔ ان کو اپنی بات موثر بنانے کا ہنر آتا تھا۔ اسی لیے احمد ندیم قاسمی لکھتے ہیں ’’ اس کی غزل اور نظم جدید تر حسیات کی ترجمان ہیں۔
ان میں وہ عصر بولتا ہے جس میں خالد علیم تخلیقِ فن میں مصروف ہے۔ اس کی غزل خاص طور پر دامنِ دل کو کھینچتی ہے کیوں کہ کلاسیکی غزل کی جملہ مثبت روایات کے احترام کے ساتھ ہی اس کی غزل میں بیسویں صدی کا وہ ربع انعکاس پذیر ہے جس نے جدید غزل کو ایک منفرد تشخص بخشا ہے۔
یہ غزل تغزل سے بھی آراستہ ہے اور شاعر کے گرد و پیش رواں دواں زندگی کے حساس پہلوؤں سے بھی کسبِ جمال کرتی ہے۔‘‘ ان کی تمام شعری اصناف پر جتنا بھی لکھا جائے کم ہوگا۔ ان کی تصانیف میں فغان دل، شام شفق تنہائی،کوئی آنکھ دل سے بھری رہی،’’ بغداد آشوب‘‘ نظموں کا مجموعہ، ’’تمثال‘‘ رباعیات پر مبنی شامل ہیں۔ ان کی اہم تصانیف میں ’’ دائرے میں قدم‘‘(ناولٹ)، کلیات نما، اوصاف (نعتیہ قصدہ)، فغان دل، اردو شاعرات کی نعتیہ شاعری، شام شفق، تنہائی،کوئی آنکھ دل سے بھری رہی قابلِ ذکر ہیں۔
خالد علیم 1956 ء کوکراچی میں پیدا ہوئے، وہ معروف شاعر، افسانہ نگار، ناول نگار اور محقق کے طور پر اپنی پہچان رکھتے ہیں، وہ ’’ فانوس‘‘ رسالے کے مدیر بھی رہے اور ’’الاشراق‘‘ ادارے کے منتظم کے طور پر بھی کام کرتے رہے۔
چند روز قبل معروف نقاد نوید صادق کی فون کال مجھے آئی، جس میں انھوں نے بتایا کہ ’’خالد علیم کی جب وفات ہوئی تو میرے گھر پر میری بانہوں میں تھے۔‘‘ یہ بات سن کر میری آنکھوں سے ایک بار پھر اشکوں کی بارش شروع ہوگئی۔ ہم دونوں، خالد صاحب کی باتیں یاد کر کے ایک دوسرے کو حوصلہ دیتے رہے۔
یہ بات سچ ہے کہ خالد علیم اپنے خالق کے پاس چلے گئے ہیں لیکن وہ اپنی خوشبو نوید صادق میں چھوڑگئے ہیں، اب جس نے بھی خالد علیم سے ملنا ہو وہ پہلے ان سے ضرور ملے۔ خالد علیم کے وفات سے دنیائے ادب کی فضا تا دیر تک سوگوار رہے گی۔ اللہ ان کی قبر پر اپنی رحمتوں کے پھول نچھاورکرے اور آخرت کی منزلوں کو آسان فرما کر دنیا کی طرح روزِ محشر بھی اپنے حبیبؐ کے صدقے عزت و برکت سے نوازیں۔ آخر میں بشیر بدرکے اس شعرکے سوا اورکیا کہا جائے۔
وہ جن کے ذکر سے رگوں میں دوڑتی تھیں بجلیاں
انھیں کا ہاتھ ہم نے چھو کے دیکھا کتنا سرد ہے
.ذریعہ: Express News
کلیدی لفظ: خالد علیم کی انھوں نے کے ساتھ کی غزل
پڑھیں:
مودی حکومت وقف کے تعلق سے غلط فہمی پیدا کررہی ہے، مولانا خالد سیف اللہ رحمانی
مسلم پرسنل لاء بورڈ کے صدر نے کہا کہ ہمارے درمیان مسلکی اور عقیدے کی بنیاد پر اختلافات ہوسکتے ہیں، لیکن اسکو ہمیں اپنے درسگاہوں تک محدود رکھنا ہوگا اور اس لڑائی کیلئے سبھی کو اتحاد کیساتھ آگے بڑھنا ہوگا۔ اسلام ٹائمز۔ آل انڈیا مسلم پرسنل لاء بورڈ کے ذریعہ تال کٹورہ انڈور اسٹیڈیم میں منعقدہ تحفظ اوقاف کانفرنس میں آل انڈیا مسلم پرسنل لاء بورڈ کے صدر مولانا خالد سیف اللہ رحمانی نے صدارتی خطاب میں کہا کہ وقف قانون کے تعلق سے لوگوں میں غلط فہمیاں پیدا کی جا رہی ہیں اور عوام کو گمراہ کرنے کی کوشش کی جا رہی ہے۔ انہوں نے کہا کہ مودی حکومت کے لوگ کہتے ہیں کہ وقف قانون کا مذہب سے تعلق نہیں ہے، تو پھر مذہبی قیدوبند کیوں لگائی ہے، کہا جاتا ہے کہ وقف قانون کا مقصد غریبوں کی مدد کرنا ہے، لیکن ہم پوچھتے ہیں کہ کوئی بھی نکات یا پہلو بتا دیجیئے جس سے غریبوں کو فائدہ ہوسکتا ہو۔ انہوں نے کہا کہ یہ قانون کسی بھی طرح سے غریبوں کے حق میں نہیں ہے، ہمیں احتجاج کرنا ہے، یہ ہمارا جمہوری حق ہے، لیکن احتجاج پُرامن ہونا چاہیئے۔ انہوں نے کہا کہ ہماری صفوں میں لوگ گھس کر امن و امان کو ختم کرنا چاہتے ہیں، لیکن ہمیں اس سے محتاط رہنا ہے۔
مولانا خالد سیف اللہ رحمانی نے کہا کہ ہمیں اپنے اتحاد کو مزید مضبوط کرنا ہے، ہمارے درمیان مسلکی اور عقیدے کی بنیاد پر اختلافات ہوسکتے ہیں، لیکن اس کو ہمیں اپنے درسگاہوں تک محدود رکھنا ہوگا اور اس لڑائی کے لئے سبھی کو اتحاد کے ساتھ آگے بڑھنا ہوگا۔ انہوں نے کہا کہ ہمارے غیر مسلم بھائی اور دوسرے مذاہب کے لوگ بھی ہمارے ساتھ ہیں، ہماری مضبوط لڑائی کو جیت ملے گی۔ انہوں نے کہا کہ آج ہمارے علماء کرام اس کانفرنس میں شیروانی پہن کر آئے ہیں، کل اگر ضرورت پڑی تو وہ کفن بھی پہن کر آئیں گے۔ انہوں نے کہا کہ آج ان کے ہاتھوں میں گھڑی ہے، کل ضرورت پڑی تو ہتکڑی بھی پہننے سے پیچھے نہیں ہٹیں گے۔
آل انڈیا مسلم پرسنل لاء بورڈ کا کہنا ہے کہ ملک کی موجودہ حکومت کہتی ہے کہ یہ قانون مسلمانوں کے مفاد میں ہے اور غریب مسلمانوں کے مفاد میں ہے، لیکن حقیقت یہ ہے کہ موجودہ حکومت ملک میں نفرت پیدا کرکے اوقاف کی زمینوں پر قبضہ کرنا چاہتی ہے۔ بورڈ کا کہنا ہے کہ وقف قانون بناکر حکومت نے اپنی فرقہ وارانہ ذہنیت کو اجاگر کر دیا ہے، لیکن ہم اپنی پُرامن لڑائی کے ذریعہ اس قانون کی مخالفت کرتے رہیں گے۔ اس موقع پر آل انڈیا مسلم پرسنل لاء بورڈ کے صدر مولانا خالد سیف اللہ رحمانی، بورڈ کے جنرل سکریٹری مولانا فضل الرحیم مجددی، امیر جماعت اسلامی ہند سید سعادت اللہ حسینی، بورڈ کے نائب صدر اور مرکزی جمعیت اہل حدیث کے امیر مولانا اصغر علی امام مہدی سلفی، شیعہ مذہبی رہنما مولانا سید کلب جواد، خواجہ اجمیری درگاہ کے سجادہ نشین حضرت مولانا سرور چشتی، محمد سلیمان، صدر انڈین یونین مسلم لیگ، عیسائی رہنما اے سی مائیکل، محمد شفیع، نائب صدر ایس ڈی پی آئی، روی شنکر ترپاٹھی، سردار دیال سنگھ وغیرہ موجود تھے۔
قابل ذکر ہے کہ مودی حکومت نے وقف ترمیمی بل 2024 کو پارلیمنٹ میں پیش کیا تھا، لیکن اپوزیشن کی مخالفت کے بعد اسے جوائنٹ پارلیمنٹری کمیٹی (جے پی سی) میں بھیج دیا گیا۔ جے پی سی کا چیئرمین یوپی کے ڈومریا گنج کے رکن پارلیمنٹ جگدمبیکا پال کو بنایا گیا تھا۔ مختلف ریاستوں میں کئی میٹنگوں کے بعد 14 ترامیم کے ساتھ اس بل کو منظوری دی تھی۔ جس کے بعد پارلیمنٹ میں اس بل کو منظور کیا گیا۔ اس کے بعد صدر جمہوریہ دروپدی مرمو نے بھی مہر لگا دی، جس کے بعد یہ قانون بن گیا۔ اس کے بعد مختلف تنظیموں اور کئی اراکین پارلیمنٹ نے اس قانون کو سپریم کورٹ میں چیلنج کیا، جس پر سماعت جاری ہے۔ حکومت کو جواب داخل کرنے کے لئے ایک ہفتے کا وقت دیا گیا ہے، جبکہ عدالت نے عبوری حکم جاری کرتے ہوئے اس قانون کے کچھ پہلوؤں پر سوال اٹھایا اور چند نکات کے نفاذ پر روک لگا دی ہے۔ عدالت میں اب 5 مئی 2025ء کو اس معاملے کی اگلی سماعت ہوگی۔
بابراعظم کی ناقص فارم؛ پشاور زلمی کی کپتانی» بھی لینےکا مطالبہ