امریکہ، اسرائیل کے ساتھ یوکرائن جیسا برتاو کریگا، علی اکبر ولائتی
اشاعت کی تاریخ: 22nd, February 2025 GMT
رہبر معظم انقلاب کے مشیر سے اپنی ایک ملاقات میں زیاد النخالہ کا کہنا تھا کہ امریکی و مغربی استعمار کے سامنے عرب ممالک کے کمزور موقف نے خطے میں اسرائیل کی پوزیشن کو مضبوط کیا۔ اسلام ٹائمز۔ بین الاقوامی امور میں رہبر معظم انقلاب کے مشیر "علی اکبر ولایتی" نے کہا کہ آج دنیا کی صورت حال بدل چکی ہے۔ اسی لئے مغربی ایشیاء اور دنیا کے دیگر حصوں میں امریکہ کا طریقہ کار بھی بدل رہا ہے۔ امریکہ، اسرائیل کے ساتھ یوکرائن جیسا سلوک کرے گا۔ علی اکبر ولائتی نے ان خیالات کا اظہار فلسطین کی مقاومتی تحریک "جہاد اسلامی" کے سیکرٹری جنرل "زیاد النخالہ" سے ملاقات میں کیا۔ اس موقع پر انہوں نے غزہ میں حماس اور اسلامی مقاومت کو عظیم کامیابی پر مبارک پیش کی۔ انہوں نے کہا کہ یہ عظیم کامیابی صیہونی رژیم کے مقابلے میں فلسطینی عوام اور استقامتی محاذ کے فولادی عزم کی بدولت نصیب ہوئی۔ علی اکبر ولائتی نے اس تاریخی فتح کو باعث افتخار قرار دیا۔ انہوں نے اس جیت کو فلسطینیوں کے جائز، قانونی حقوق کے حصول اور اسرائیلی قبضے کے خاتمے کے نام کیا۔ انہوں نے کہا کہ استقامتی محاذ، حالیہ سالوں میں پیش آنے والے واقعات کی وجہ سے خطے میں فیصلہ کن قوت بن چکی ہے اور اس قوت کا سب سے بڑا دشمن امریکہ ہے۔
دوسری جانب زیاد النخالہ نے فلسطینی مقاومت کی بے دریغ حمایت کرنے پر اسلامی جمہوریہ ایران کا شکریہ ادا کیا۔ انہوں نے اس بات کا یقین دلایا کہ استقامتی محاذ، مضبوط ارادے کے ساتھ صیہونی رژیم کا مقابلہ جاری رکھے گا۔ انہوں نے کہا کہ حالیہ کامیابی، ہمارے سفر کا آغاز ہے۔ ہم صیہونی پنجوں سے سارے فلسطین اور بیت المقدس کی آزادی تک اپنی جدوجہد جاری رکھیں گے۔ جہاد اسلامی کے سیکرٹری جنرل نے مقاومتی گروہوں کے درمیان یکجہتی کی اہمیت اور اس سلسلے میں اسلامی جمہوریہ ایران کے کردار کی جانب اشارہ کیا۔ انہوں نے اس اتحاد کے حوالے سے کہا کہ یہ باہمی یگانگت، آخری فتح اور قابض صیہونی رژیم کو نابود کرنے میں معاون ثابت ہو گی۔ زیاد النخالہ نے مسئلہ فلسطین پر عرب ممالک کو تنقید کا نشانہ بنایا۔ انہوں نے کہا کہ امریکی و مغربی استعمار کے سامنے عرب ممالک کے کمزور موقف نے خطے میں اسرائیل کی پوزیشن کو مضبوط کیا۔
ذریعہ: Islam Times
کلیدی لفظ: انہوں نے کہا کہ زیاد النخالہ علی اکبر اور اس
پڑھیں:
لاہور، اسرائیل کی غزہ پر بربریت کیخلاف آئی ایس او کا احتجاج
مظاہرے میں آئی ایس او پاکستان اور ایم ڈبلیو ایم کے کارکنوں کی بڑی تعداد شریک ہوئی۔ مظاہرین نے ہاتھوں میں پلے کارڈ اور پرچم اٹھا رکھے تھے۔ مظاہرین نے اسرائیل اور امریکہ کیخلاف شدید نعرے بازی کی۔ مظاہرین سے خطاب کرتے ہوئے مقررین نے اسرائیل کی غزہ پر جارحیت کی شدید الفاظ میں مذمت کی۔ انہوں ںے کہا کہ مسئلہ فلسطین پر عالم عرب کی خاموشی اسرائیل کی حمایت کے مترادف ہے۔ اسلام ٹائمز۔ امامیہ سٹوڈنٹس آرگنائزیشن پاکستان لاہور ڈویژن اور مجلس وحدت مسلمین لاہور کے زیراہتمام اسرائیلی بربریت کیخلاف لاہور پریس کلب کے باہر احتجاجی مظاہرہ کیا گیا۔ مظاہرے کی قیادت ایم ڈبلیو ایم کے رہنما علامہ سید حسن رضا ہمدانی، علامہ اسد عباس نقوی، حیدر ثقفی سمیت دیگر نے کی، جبکہ مظاہرے میں آئی ایس او پاکستان اور ایم ڈبلیو ایم کے کارکنوں کی بڑی تعداد شریک ہوئی۔ مظاہرین نے ہاتھوں میں پلے کارڈ اور پرچم اٹھا رکھے تھے۔ مظاہرین نے اسرائیل اور امریکہ کیخلاف شدید نعرے بازی کی۔ مظاہرین سے خطاب کرتے ہوئے مقررین نے اسرائیل کی غزہ پر جارحیت کی شدید الفاظ میں مذمت کی۔ انہوں ںے کہا کہ مسئلہ فلسطین پر عالم عرب کی خاموشی اسرائیل کی حمایت کے مترادف ہے۔
انہوں نے کہا کہ پاکستان کے عوام اپنے مظلوم فلسطینی بھائیوں کے شانہ بشانہ کھڑے ہیں، ہم فلسطین کے دو ریاستی حل کو مسترد کرتے ہیں، فلسطین کا واحد حل اسرائیل کی ناجائز ریاست کا مکمل خاتمہ ہے۔ علامہ حسن رضا ہمدانی نے کہا کہ فلسطین ان شاء اللہ آزاد ہوگا، اور بہت جلد ہم قبلہ اول میں نماز ادا کریں گے۔ انہوں نے کہا کہ پوری دنیا بھی اسرائیل کی حمایت میں نکل آئے، غیور مسلمان، ایران، حزب اللہ، حوثی مجاہدین فلسطینیوں کیساتھ کھڑے رہیں گے۔ انہوں نے کہا کہ ٹرمپ کا غزہ کے حوالے سے للچائی ہوئی نظروں سے دیکھنا، اس کا خواب ہی رہے گا جو کبھی پورا نہیں ہوگا۔ مقررین نے پاکستان میں اسرائیلی حمایت یافتہ تنظیم ’’شراکہ‘‘ کی بڑھتی ہوئی سرگرمیوں پر گہری تشویش کا اظہار کرتے ہوئے اس پر فوری پابندی لگانے کا مطالبہ کیا اور مظاہرین نے کہا کہ اسرائیل کا دورہ کرنیوالے صحافیوں نے پاکستانی پاسپورٹ اور ملکی وقار کیخلاف گھناونی حرکت کی ہے، ان کیخلاف بھی سخت تادیبی کارروائی عمل میں لائی جائے۔ مظاہرے کے اختتام پر مظاہرین نے امریکی و اسرائیلی پرچم نذرآتش کئے۔
امریکی شہریت رکھنے والے یرغمالی سے متعلق حماس کا اہم بیان سامنے آگیا