گورنر انیشیٹیو کے تحت برطانیہ بھر میں مراکز کھولنے کا اعلان
اشاعت کی تاریخ: 22nd, February 2025 GMT
گورنر سندھ نے اوورسیز پاکستانیوں کے اتحاد اور مثبت تشخص کو اجاگر کرنے کی ضرورت پر زور دیتے ہوئے کہا کہ اوورسیز پاکستانیوں نے ریکارڈ زرمبادلہ بھیج کر ملکی معیشت کو نئی قوت بخشی، برطانیہ میں مقیم پاکستانی اور کشمیری اپنے آبادی وطن کی معیشت میں کلیدی کردار ادا کر رہے ہیں۔ اسلام ٹائمز۔ گورنر سندھ کامران خان ٹیسوری نے کہا ہے کہ اوورسیز پاکستانی اور کشمیری کمیونٹی پاکستان کے سفیر ہیں، انہیں چاہیئے کہ قانون کی پاسداری کریں اور اپنی شناخت کو پاکستان کے لئے باعثِ فخر بنائیں، سوشل میڈیا پر غیر مصدقہ خبروں کی ترسیل نہ مہذب معاشرہ کی علامت ہے اور نہ ہی اسلام اس کی اجازت دیتا ہے۔ ان خیالات کا اظہار گورنر سندھ نے برمنگھم میں اوورسیز پاکستانیوں سے اپنے دوسرے خطاب کے دوران کیا۔ اس موقع پر گورنر انیشیٹیو کے تحت برطانیہ بھر میں مراکز کے قیام کا اعلان کرتے ہوئے انہوں نے کہا کہ برطانیہ میں بسنے والے پاکستانیوں نے وطن عزیز کی ترقی میں بے پناہ خدمات انجام دی ہیں اور میں ان کی خدمت کے لئے ہمیشہ حاضر ہوں۔ انہوں نے مزید کہا کہ گورنر انیشیٹیو کے تحت گورنر ہاؤس گیٹ نمبر 1 پر نصب امید کی گھنٹی کے ذریعہ 24 گھنٹے سندھ کی عوام کے مسائل حل کرنے کے لیے موجود عملہ بھر پور معاونت فراہم کررہا ہے۔
گورنر سندھ نے اوورسیز پاکستانیوں کے اتحاد اور مثبت تشخص کو اجاگر کرنے کی ضرورت پر زور دیتے ہوئے کہا کہ اوورسیز پاکستانیوں نے ریکارڈ زرمبادلہ بھیج کر ملکی معیشت کو نئی قوت بخشی، برطانیہ میں مقیم پاکستانی اور کشمیری اپنے آبادی وطن کی معیشت میں کلیدی کردار ادا کر رہے ہیں۔ کامران خان ٹیسوری نے کہا کہ پاکستان نژاد عام شہری برطانیہ میں اعلیٰ سیاسی منصب تک پہنچے ہیں، بس ڈرائیوروں کے بچے برطانوی پارلیمنٹ کے رکن بنے اور صادق خان جیسے عام شہری نے لگاتار تین بار لندن کے میئر کا منصب حاصل کرکے نئی تاریخ رقم کی۔ خطاب کے اختتام پر گورنر سندھ نے برمنگھم کی جامع مسجد میں وطن کی خوشحالی اور ترقی کے لئے خصوصی دعائیں بھی کیں۔
ذریعہ: Islam Times
کلیدی لفظ: اوورسیز پاکستانیوں گورنر سندھ نے برطانیہ میں کی معیشت کہا کہ
پڑھیں:
کوفہ، گورنر سندھ کامران ٹیسوری کی حضرت علی علیہ السلام کے گھر ’’دار امام علی‘‘ پر حاضری
گورنر سندھ کے ترجمان کے مطابق کامران ٹیسوری کی جانب سے عقیدت مندوں میں لنگر بھی تقسیم کیا گیا۔ گورنر سندھ نے وہاں پر وطنِ عزیز کی سلامتی، ترقی اور خوشحالی کے لیے خصوصی دعائیں بھی کیں۔ متعلقہ فائیلیںاسلام ٹائمز۔ گورنر سندھ کامران ٹیسوری نے عراق کے شہر نجف اشرف میں حضرت علی علیہ السلام کے روضے اور کوفہ میں ان کے پر گھر پر حاضری دی۔ گورنر سندھ کے ترجمان کے مطابق کامران ٹیسوری کی جانب سے عقیدت مندوں میں لنگر بھی تقسیم کیا گیا۔ گورنر سندھ نے وہاں پر وطنِ عزیز کی سلامتی، ترقی اور خوشحالی کے لیے خصوصی دعائیں بھی کیں۔ کامران ٹیسوری نے کوفہ میں حضرت علی علیہ السلام کے گھر ’’دار امام علیؑ‘‘ کی زیارت بھی کی۔
سندھ پبلک اکاﺅنٹس کمیٹی کا اجلاس‘کراچی ڈیویلپمنٹ اتھارٹی کے 5سو جعلی پنشنرز کو 66 کروڑ کی ادائیگی پر ڈائریکٹر فنانس معطل