چیمپئینز ٹرافی:انگلینڈ اور آسٹریلیا میچ،انتظامات مکمل، پارکنگ پلان جاری
اشاعت کی تاریخ: 22nd, February 2025 GMT
چیمپئینز ٹرافی کے سلسلہ میں انگلینڈ اور آسٹریلیا کے مابین قذافی سٹیڈیم میں ہونے والے میچ کے حوالہ سے ٹریفک انتظامات مکمل، پارکنگ پلان جاری کر دیا گیا ۔سی ٹی او لاہور کا کہنا ہے کہ میچ کے دوران ایک ہزار سے زائد ٹریفک پولیس اہلکار ڈیوٹی سرانجام دیں گے، رانگ پارکنگ ہرگز نہیں ھونے دینگے،20فورک لفٹرز،4بریک ڈاؤنز ھونگی ہر وقت تیار ہیں، پارکنگ CBD ڈیفنس سے آنے والے شرکاء فردوس مارکیٹ سےسنٹر پوائنٹ سے لیفٹ ٹرن لیکر CBD میں گاڑیاں پارک کریں گے۔پارکنگ گلبرگ کالج، فیروزپور روڈ سے آنے والےکلمہ چوک سے ٹرن لے کر نیشنل پارک سے گورنمنٹ کالج گلبرگ میں پارک کریں گے ،لبرٹی پارکنگ،ڈیفنس، کینٹ سے آنے والے شرکاء حسین چوک کی طرف سے یا شیر پاو برج سے ھوتے ھوئے مین بلیوارڈ گلبرگ سے لبرٹی پارکنگ میں پارک کریں گے۔سن فورٹ ھوٹل پارکنگ، مغل پورہ، گڑھی شاھو سے آنے والے مین بلیوارڈ گلبرگ سے سن فورٹ ھوٹل لبرٹی پارکنگ میں پارک کریں گے، کسی بھی روڈ کو مستقل طور پر بند نہیں رکھا جائے گا،تمام سڑکیں ٹریفک کے لئے کھلی رہیں گی بشمول مال روڈ جیل روڈ کینال روڈ،فیروز پور روڈ اور مین بلیووارڈ گلبرگ پر بھی ٹریفک معمول کے مطابق چلتی رہے گی۔شہریوں اور شائقین کرکٹ کو ٹریفک کا کوئی مسئلہ نہیں ہوگا، ،شہری رانگ پارک ہرگز نہ کریں، مقرر کردہ پارکنگ سٹینڈز میں اپنی گاڑی پارک کریں۔
.ذریعہ: Nawaiwaqt
پڑھیں:
کراچی: شاہ فیصل کالونی میں پارک پر قبضے کیخلاف سندھ ہائیکورٹ میں درخواست دائر
کراچی:شاہ فیصل کالونی میں پارک کی زمین پر قبضے کے خلاف جماعت اسلامی کے یو سی چیئرمین نے سندھ ہائیکورٹ سے رجوع کر لیا۔
درخواست گزار چیئرمین یوسی 2 الفلاح شاہ فیصل ٹاؤن سیف الدین نے درخواست عثمان فاروق ایڈووکیٹ کے توسط سے دائر کی گئی جس میں مؤقف اپنایا گیا کہ شاہ فیصل کالونی کے قائداعظم پارک پر نامعلوم افراد کی جانب سے قبضے کی کوشش کی جا رہی ہے۔
درخواست میں کہا گیا کہ 2022 میں کے ایم سی نے مذکورہ پارک کا کنٹرول ٹاؤن میونسپل کارپوریشن کو منتقل کیا تھا۔ نامعلوم افراد پارک کے گرد دیوار بنا کر غیر قانونی تعمیرات کر رہے ہیں۔
ڈی جی پارکس، کمشنر کراچی سمیت دیگر حکام کو شکایت کے باوجود کوئی اقدامات نہیں اٹھائے گئے۔ سندھ بلڈنگ کنٹرول آرڈیننس کے تحت فلاحی پلاٹ کو کسی اور مقصد کے لیے استعمال نہیں کیا جا سکتا۔
فلاحی پلاٹ پر کمرشل سرگرمیوں کے خلاف سپریم کورٹ کے بھی متعدد فیصلے موجود ہیں۔ قائداعظم پارک میں تجاوزات اور تعمیرات کو غیر قانونی قرار دیا جائے۔
کے ایم سی، کمشنر کراچی، پولیس و دیگر کو تجاوزات ختم کرنے کا حکم دیا جائے۔ فریقین کو پارک کی اراضی کسی مقصد کے استعمال سے روکنے کا حکم دیا جائے۔
خلیل الرحمٰان قمر ہنی ٹریپ اغوا کیس کا فیصلہ آج سنایا جائے گا