مسجد نبوی:ایک ہفتے کے دوران 50 لاکھ سے زائد زائرین کی آمد
اشاعت کی تاریخ: 21st, February 2025 GMT
مدینہ منورہ:مسجد نبوی میں گزشتہ ایک ہفتے کے دوران 50 لاکھ 32 ہزار سے زائد زائرین نے حاضری دی جب کہ 5 لاکھ 49 ہزار سے زیادہ افراد نے روضہ رسولﷺ کی زیارت کی۔
حرمین شریفین کی جنرل اتھارٹی کے مطابق اس دوران زائرین کی سہولت کے لیے بے شمار انتظامات کیے گئے ہیں، جن میں افطار پیکٹس کی تقسیم، زمزم کی فراہمی اور صفائی ستھرائی کے خصوصی اقدامات شامل ہیں۔
حکام کی جانب سے جاری کیے گئے اعداد و شمار کے مطابق گزشتہ ہفتے مسجد نبوی میں 50 لاکھ 32 ہزار سے زائد نمازیوں اور زائرین نے حاضری دی۔ ان میں سے 5 لاکھ 49 ہزار سے زیادہ افراد نے روضہ رسول ﷺ کی زیارت کی جبکہ 2 لاکھ 69 ہزار 238 افراد نے ریاض الجنہ میں نوافل ادا کیے۔
زائرین کی سہولت کے لیے مختلف زبانوں میں ترجمے کی خدمات 10 ہزار 302 افراد کو فراہم کی گئیں، جو غیر عربی بولنے والے زائرین کے لیے انتہائی مفید ثابت ہوئیں۔
اسی طرح روزہ داروں کی سہولت کے لیے مسجد نبوی میں 1 لاکھ 34 ہزار سے زائد افطار پیکٹس تقسیم کیے گئے۔ ان پیکٹس میں روزہ داروں کے لیے صحت بخش کھانے شامل تھے۔اس کے علاوہ1,360 ٹن زمزم کی فراہمی کی گئی، جسے زائرین نے سیر ہوکر نوش کیا۔ زمزم کے معیار کو یقینی بنانے کے لیے 150 سیمپلز لیبارٹری ٹیسٹ کے لیے جمع کیے گئے تھے۔
مسجد نبوی کی صفائی اور سینیٹائزیشن کے لیے بھی خصوصی اقدامات کیے گئے۔ جنرل اتھارٹی کے مطابق 21 ہزار 181 لیٹر جراثیم کش مادے کا استعمال کیا گیا تاکہ زائرین کو صاف ستھرا اور محفوظ ماحول فراہم کیا جا سکے۔ اس کے علاوہ، مسجد کے اندر اور باہر صفائی کے لیے بڑی تعداد میں عملہ تعینات کیا گیا تاکہ زائرین کو بہترین سہولیات فراہم کی جا سکیں۔
ریاض الجنہ میں 2 لاکھ 69 ہزار 238 افراد نے نوافل ادا کیے۔ یہ جگہ زائرین کے لیے خصوصی اہمیت رکھتی ہے۔ جنرل اتھارٹی نے ریاض الجنہ کی دیکھ بھال اور صفائی کے لیے بھی خصوصی انتظامات کیے تاکہ زائرین کو پرسکون ماحول فراہم کیا جا سکے۔
.ذریعہ: Jasarat News
کلیدی لفظ: مسجد نبوی فراہم کی افراد نے کیے گئے کے لیے
پڑھیں:
راولپنڈی میں دفعہ 144 میں توسیع، 4 سے زائد افراد کے اجتماع پر پابندی
راولپنڈی میں عوامی اجتماعات اور ریلیوں پر پابندی عائد کرتے ہوئے دفعہ 144 میں توسیع کر دی گئی ہے۔ اب یہ پابندی 17 دسمبر تک برقرار رہے گی، جس کا مقصد شہر میں امن و امان کو یقینی بنانا اور حساس تنصیبات کی حفاظت کرنا بتایا گیا ہے۔
یہ بھی پڑھیں:شہر میں دفعہ 144 نافذ ہے، شہری کسی غیر قانونی سرگرمی کا حصہ نہ بنیں، اسلام آباد انتظامیہ
ڈپٹی کمشنر راولپنڈی ڈاکٹر حسن وقار چیمہ نے ضلع راولپنڈی میں دفعہ 144 کے نفاذ میں توسیع کا اعلان کیا ہے۔ ضلع انٹیلی جنس کمیٹی کی رپورٹ کے مطابق حساس تنصیبات، اہم سڑکیں اور دیگر اہم جگہوں پر ممکنہ خطرات لاحق ہیں، اور بعض عناصر قانون و انتظامیہ کے خلاف کارروائیاں کر سکتے ہیں۔
ڈپٹی کمشنر نے کہا کہ دفعہ 144 کے تحت ضلع میں 4 یا اس سے زائد افراد کے اجتماع، جلسے، جلوس، ریلیاں، مظاہرے، دھرنے اور دیگر جمع ہونے کی سرگرمیوں پر پابندی ہوگی۔
علاوہ ازیں ہتھیار، سپائکس، پتھر، گولی دار ہتھیار، پٹرول بم، اور دیگر ایسے آلات جو تشدد کے لیے استعمال ہو سکتے ہیں، رکھنے پر بھی پابندی ہوگی۔
اس پابندی کے دوران پِلیئن رائیڈنگ، لاؤڈ اسپیکر کے استعمال، نفرت انگیز تقریر اور پولیس کی ہدایات کی خلاف ورزی بھی ممنوع ہوگی۔ یہ حکم 11 دسمبر سے مؤثر ہے اور 17 دسمبر تک برقرار رہے گا۔
ڈپٹی کمشنر کے مطابق، پابندی کے خاتمے کے بعد بھی اس دوران کیے گئے تمام اقدامات، تحقیقات اور عدالتی کارروائی جاری رکھی جائے گی۔ اس حکم کو عوام میں آگاہی کے لیے سرکاری گزٹ، مقامی اخبارات، تھانوں، عدالتوں اور دیگر عوامی مقامات پر جاری کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اجتماع پر پابندی دفعہ 144 راولپنڈی
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر