کبریٰ خان اور گوہر رشید کی شادی، تصاویر وائرل
اشاعت کی تاریخ: 21st, February 2025 GMT
کبریٰ خان اور گوہر رشید پاکستان کے 2 معروف اداکار ہیں جو اس وقت اپنی شادی کے حوالے سے توجہ کا مرکز بنے ہوئے ہیں، جوڑی کے نکاح کا اہتمام مکہ مکرمہ میں کیا گیا تھا، ان کی شادی سے پہلے کی تقریبات بھی سوشل میڈیا پر وائرل ہوئیں، دونوں اداکاروں نے 10 سال کی گہری دوستی کے بعد شادی کا فیصلہ کیا۔
شوبز برادری اور ان کے مداح اداکاروں کی شادی پر خوش اور پرجوش ہیں، اب اس جوڑی نے اپنے نکاح کی تقریب کی تصاویر مداحوں کے ساتھ شیئر کی ہیں۔
گوہر اور کبریٰ اپنی سادہ اور خوبصورت نکاح کی تقریب میں شاندار لگ رہے تھے۔
جمعے کے روز دونوں اداکاروں کی شادی کی تقریب کراچی میں ہورہی ہے، تقریب میں شوبز انڈسٹری سے تعلق رکھنے والے ان کے کئی دوست شریک ہیں۔
تقریب میں شہزاد شیخ، حنا میر، عائشہ خان، مومل شیخ اور دیگر کو دیکھا گیا۔ کبریٰ خان نے تقریب میں ہلکے سبز رنگ خوبصورت لباس پہنا تھا، جب کہ گوہر رشید نے سفید شلوار قمیض پہنی تھی اور ایک خوبصورت شال کندھوں پر لٹکا رکھی تھی۔
دونوں اداکار اور ان کے اہلخانہ اس پرمسرت موقعے پر بہت خوش دکھائی دے رہے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
پڑھیں:
شادی کی تقریب سے واپسی پر چلتی کار میں جنسی زیادتی کی کوشش، مزاحمت پر 26 سالہ مہندی آرٹسٹ قتل
بھارتی ریاست اتر پردیش کے شہر لکھنؤ میں 26 سالہ بیوٹیشن کو مبینہ طور پر اس وقت قتل کردیا گیا جب وہ شادی سے واپس آرہی تھی۔
بھارتی میڈیا کی رپورٹس کے مطابق لڑکی کی گردن میں چھرا گھونپا گیا جب کہ اس نے چلتی کار میں جنسی زیادتی کی کوشش کے دوران مزاحمت کی۔
رپورٹ کے مطابق تین افراد پر خاتون کے ساتھ جنسی زیادتی کا الزام عائد کیا گیا ہے، ملزمان میں سے 2 کو گرفتار کر لیا گیا جب کہ تیسرا تاحال لاپتا ہے۔
رپورٹ کے مطبق سدھانشو نامی شخص نے مہندی آرٹسٹ کو شادی میں مدعو کیا تھا، اس نے خاتون کو لانے کے لیے کار بھیجی تھی۔
رپورٹ میں مزید کہا گیا کہ خاتون اور اس کی بہن کو تین آدمیوں نے کار میں اٹھایا اور انہیں سیدھے شادی کے مقام پر لے گئے۔
یہ واقعہ اس وقت پیش آیا جب ملزمان بہنوں کو ان کے گھر واپس لے جا رہے تھے، تینوں افراد نے مبینہ طور پر دونوں خواتین کے ساتھ جنسی زیادتی کی کوشش کی۔
متاثرہ لڑکی نے بتایا کہ جب اس کی بہن نے مزاحمت کی تو ایک شخص نے "اس کی گردن میں چھرا گھونپا۔
زندہ بچ جانے والی خاتون نے بتایا کہ کار ڈیوائیڈر سے ٹکرا کر الٹ گئی جس کے بعد دونوں خواتین پھنس گئیں۔
جب تک مقامی لوگ مدد کے لیے آئے تب تک تینوں افراد فرار ہو چکے تھے۔
بہن نے الزام لگایا کہ ملزم نے پولیس کو واقعے کی اطلاع دینے پر اسے اور اس کے اہل خانہ کو جان سے مارنے کی دھمکی دیں۔
مقتولہ بیوٹیشن کے شوہر نے پولیس میں شکایت درج کرائی، قتل کا مقدمہ درج کر لیا گیا، لاش کو پوسٹ مارٹم کے لیے بھیج دیا گیا، مقتولہ کا 3 سالہ بیٹا ہے۔
پولیس نے 2 افراد کو گرفتار کرلیا جب کہ تیسرے ملزم کی تلاش جاری ہے۔
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ