گوگل کا کم قیمت یوٹیوب پریمئم لائٹ متعارف کرانے کا فیصلہ
اشاعت کی تاریخ: 21st, February 2025 GMT
اگر آپ یوٹیوب دیکھنے میں کافی وقت گزارتے ہیں اور پسندیدہ ویڈیوز کے دوران اشتہارات سے پریشان ہیں تو گوگل کی جانب سے ایک نیا حل پیش کیا جا رہا ہے۔
ابھی بھی یوٹیوب میں اشتہارات سے پاک تجربے کے لیے پریمیئم سروس دستیاب ہے مگر اکثر افراد کو اس کی ماہانہ فیس کافی زیادہ لگتی ہے۔یہی وجہ ہے کہ کمپنی کی جانب سے بجٹ فرینڈلی یوٹیوب پریمیئم لائٹ ورژن متعارف کرایا جا رہا ہے۔
بلومبرگ کی ایک رپورٹ کے مطابق پریمیئم لائٹ میں بھی صارفین زیادہ تر ویڈیوز کو اشتہارات کے بغیر دیکھ سکیں گے۔رپورٹ کے مطابق پریمیئم لائٹ میں ایسے صارفین کو ہدف بنایا جائے گا جو میوزک ویڈیوز کی بجائے پروگرامز دیکھنا زیادہ پسند کرتے ہیں۔ابھی یہ واضح نہیں کہ پریمیئم لائٹ کی فیس کیا ہوگی۔
خیال رہے کہ اس سے قبل بھی یوٹیوب کی جانب سے پریمیئیم لائٹ کی آزمائش 2021 میں چند یورپی ممالک میں شروع کی گئی تھی مگر 2023 میں اس منصوبے کو ختم کر دیا گیا تھا۔مگر اب کمپنی کی جانب سے پریمیئم لائٹ کے ایک مختلف ورژن کی آزمائش کی جا رہی ہے۔
کمپنی کے ایک ترجمان نے بتایا کہ ہم ایک نئے یوٹیوب پریمیئیم پروگرام کی آزمائش کر رہے ہیں جس کے تحت بیشتر ویڈیوز کو بغیر اشتہارات کے دیکھنا ممکن ہوگا۔ترجمان نے مزید تفصیلات بتانے سے گریز کیا گیا مگر رپورٹ کے مطابق اس نئی سبسکرپشن سروس کو سب سے پہلے امریکا، آسٹریلیا، جرمنی اور تھائی لینڈ میں متعارف کرایا جائے گا۔رپورٹ میں بتایا گیا کہ اس پریمیئم پروگرام کے صارفین کو یوٹیوب پر میوزک ویڈیوز دیکھنے کے دوران اشتہارات کا سامنا ہوگا۔
.ذریعہ: Daily Ausaf
کلیدی لفظ: پریمیئم لائٹ کی جانب سے
پڑھیں:
انوشے اشرف کے ولیمے کی تصاویر اور ویڈیوز چھا گئیں
انوشے اشرف اور شہاب رضا کے شاندار ولیمے کی خوبصورت تصاویر اور ویڈیوز سوشل میڈیا پر چھا گئیں۔
پاکستان کی مقبول اور پسندیدہ میزبانوں میں شمار ہونے والی انوشے اشرف اپنی مثبت سوچ، خوبصورت انداز اور دلکش شخصیت کی وجہ سے ہر دلعزیز ہیں، وہ جس بھی تقریب کی میزبانی کرتی ہیں وہاں خوشی اور رنگ بکھیر دیتی ہیں۔
انوشے اشرف سماجی مسائل پر بھی کھل کر اپنی رائے کا اظہار کرتی ہیں اور ہمیشہ حق کی آواز بلند کرتی نظر آتی ہیں۔
حالیہ دنوں میں انوشے اشرف نے اپنی زندگی کے ساتھی شہاب رضا کے ساتھ ازدواجی زندگی کا آغاز کر لیا ہے، ان کی شادی کی شاندار تقریب ترکیہ میں منعقد ہوئی، جسے خوبصورتی اور خوشیوں سے بھرپور قرار دیا جا رہا ہے۔
انوشے اشرف نے اپنی شادی کی تقریب میں دل کھول کر رقص کیا اور اپنے قریبی عزیزوں کے ساتھ کیک بھی کاٹا، تقریب میں موجود ہر فرد خوشی سے جھومتا اور اس نئے جوڑے کو اپنی دعاؤں میں یاد کرتا دکھائی دیا۔
ولیمے کی تقریب میں سفید اور سنہری رنگوں کی تھیم نے تقریب کو ایک خوابناک انداز بخشا، تازہ پھولوں، روشنیوں اور نفیس سجاوٹ نے ماحول کو نہایت رومانوی بنایا۔
انوشے اشرف نے ولیمے کے لیے ایک خوبصورت سفید گاؤن زیب تن کیا، جس پر نفیس کام اور جدید طرز کی کڑھائی کی گئی تھی، ان کا میک اپ نہایت قدرتی اور دلکش تھا، جس سے ان کی شخصیت مزید نکھر کر سامنے آئی، شہاب رضا نے اسمارٹ تھری پیس سوٹ میں اپنی دلہن کا بھرپور ساتھ دیا۔
انوشے اشرف اور شہاب رضا نے ولیمے کے آغاز میں ایک دوسرے کے ساتھ انٹری دی جسے مہمانوں نے بھرپور داد دی، تقریب میں لائیو میوزک کا بھی اہتمام تھا، جس نے محفل کا رنگ دوبالا کر دیا۔
یہ خوشیوں بھری شام نہایت یادگار رہی اور نئی زندگی کی شروعات کرتے انوشے اور شہاب کی خوشگوار تصاویر اور ویڈیوز سوشل میڈیا پر خوب مقبول ہو رہی ہیں۔
View this post on InstagramA post shared by Izzah Shaheen Malik (@pictroizzah)
Post Views: 3
پاکستان کا دفاع محفوظ ہے، کوئی میلی آنکھ سے نہیں دیکھ سکتا:وزیراعظم