ڈیپ سیک نے ماڈل کوڈ پبلک کے لیے اوپن کرنے کا اعلان کردیا
اشاعت کی تاریخ: 21st, February 2025 GMT
بیجنگ(نیوز ڈیسک)چین کے چیٹ بوٹ ’ڈیپ سیک‘ نے اپنے ماڈل کوڈ کو پبلک کے لیے اوپن کرنے کا اعلان کردیا۔
کمپنی نے سوشل میڈیا پلیٹ فارم ایکس پر اپنی پوسٹ میں کہا کہ وہ اگلے ہفتے سورس 5 کوڈ ریپوزٹری کھول دے گی۔ اس اقدام کو چھوٹی لیکن مخلصانہ پیش رفت کے طور پر بیان کرتے ہوئے کمپنی کا کہنا تھا کہ وہ ماڈل کوڈ مکمل شفافیت کے ساتھ شیئر کرے گی۔
واضح رہے کہ ڈیپ سیک نے گزشتہ ماہ عالمی اے آئی انڈسٹری میں اس وقت تک تہلکہ مچادیا تھا جب اس نے اپنا اوپن سورس R1 ریجننگ ماڈل جاری کیا جو کم قیمت پر تیار ہونے کے ساتھ ساتھ کارکردگی میں مغربی نظاموں کا مقابلہ کرتا ہے۔
اوپن سورس کے لیے کمپنی کی وابستگی نے اسے چین کی زیادہ تر اے آئی فرموں میں ممتاز کردیا ہے جو اپنے امریکی حریفوں کی طرح بند سورس ماڈلز کی طرف جھکاؤ رکھتی ہیں۔
نیا جاری کردہ اوپن سورس کوڈ ان اے آئی ماڈلز کو سپورٹ کرنے کے لیے انفراسٹرکچر فراہم کرے گا جنہیں ڈیپ سیک پہلے ہی عوامی طور پر شیئر کر چکا ہے اور یہ طریقہ اس کو موجودہ اوپن سورس ماڈل فریم ورکس میں سرفہرست بناتا ہے۔
یہ اعلان منگل کو ڈیپ سیک کی جانب سے ایک نیا الگورتھم جاری کرنے کے بعد سامنے آیا جس کا نام Native Sparse Attention ہے اور جسے طویل سیاق و سباق کی تربیت اور تخمینے کو زیادہ مؤثر بنانے کے لیے ڈیزائن کیا گیا ہے۔
ڈیپ سیک کے صارفین بے تحاشہ بڑھ رہے ہیں اور چین میں یہ سب سے زیادہ معروف چیٹ بوٹ سروس کی حیثیت اختیار کرگئی ہے اور اس کے اب تک 2 کروڑ 22 لاکھ یومیہ فعال صارفین ہوچکے ہیں۔
اس نئے چیٹ بوٹ نے ڈوبن کو پیچھے چھوڑ دیا ہے جس کے ایک کروڑ 69 لاکھ 50 ہزار صارفین ہیں۔
تجارتی نہیں ثقافتی رویہ اپنایا، عزت کمانی ہے، بانی کمپنی
ڈیپ سیک کے بانی لیانگ وینفینگ نے گزشتہ جولائی میں ایک چینی میڈیا آؤٹ لیٹ کو انٹریو دیتے ہوئے کہا تھا کہ ان کی فرم نے اپنے اے آئی ماڈلز کو تجارتی بنانے کو ترجیح نہیں دی۔
لیانگ نے جولائی میں کہا تھا کہ دوسروں کو آپ کی اختراع کی پیروی کرنے سے کامیابی کا زبردست احساس ملتا ہے۔
انہوں نے مزید کہا کہ تھا کہ درحقیقت اوپن سورس ایک تجارتی رویے سے زیادہ ثقافتی رویہ ہے اور اس میں تعاون کرنے سے ہمیں عزت ملتی ہے۔
مزیدپڑھیں:’کینیڈا کو حاصل نہیں کیا جاسکتا‘، آئس ہاکی میں امریکا کو شکست کے بعد جسٹن ٹروڈو کا ٹرمپ کو پیغام
ذریعہ: Daily Ausaf
کلیدی لفظ: اوپن سورس ڈیپ سیک اے ا ئی تھا کہ کے لیے ہے اور
پڑھیں:
بھارتی کرکٹ بورڈ نے سینٹرل کانٹریکٹ کا اعلان کردیا، سب سے زیادہ پیسے کون لے رہا ہے؟
بھارتی کرکٹ بورڈ (BCCI) نے 2024-25 کے سیزن کے لیے کھلاڑیوں کے سالانہ سینٹرل کنٹریکٹس کا اعلان کردیا ہے، جس میں شریاس ایر اور ایشان کشن کی واپسی ہوئی ہے، جنہیں گزشتہ سیزن میں ڈسپلنری مسائل کے باعث کنٹریکٹ سے خارج کر دیا گیا تھا۔
بھارتی کرکٹ بورڈ کے مطابق کیٹیگریA+ میں صرف 4 کھلاڑی میں شامل ویرات کوہلی، روہت شرما، جسپریت بمراہ اور رویندر جڈیجا کیے گئے ہیں۔ ریٹائرمنٹ کے بعد ان تینوں (کوہلی، روہت، جڈیجا) کے A+ سے باہر ہونے کی چہ مگوئیاں ہو رہی تھیں، لیکن بورڈ نے انہیں برقرار رکھا ہے۔
???? ???????????????? ????
BCCI announces annual player retainership 2024-25 – Team India (Senior Men)#TeamIndia
Details ????https://t.co/lMjl2Ici3P pic.twitter.com/CsJHaLSeho
— BCCI (@BCCI) April 21, 2025
شریاس ایر کو کیٹیگری بی میں رکھا گیا ہے، جبکہ ایشان کشن کو کیٹیگری سی میں شامل کیا گیا ہے۔ ایر نے حالیہ چیمپیئنز ٹرافی میں بھارت کی فتح میں کلیدی کردار ادا کیا تھا، جبکہ کشن نے IPL 2025 میں شاندار کارکردگی دکھائی ہے۔
مزید پڑھیں: صاحبزادہ فرحان کی شاندار سینچری، کرس گیل اور ویرات کوہلی کے ساتھ مشترکہ ریکارڈ بنالیا
کیٹیگری اے پلس میں شامل ہر کھلاڑی ویرات کوہلی، روہت شرما، جسپریت بمراہ اور رویندر جڈیجا کی سالانہ انکم 7 کروڑ روپے (پاکستانی 21 کروڑ 29 لاکھ 68 ہزار 76 روپے) ہے۔ کیٹیگری اے میں شامل ہر کھلاڑی محمد سراج، کے ایل راہول، شبمن گل، ہاردک پانڈیا، محمد شامی اور رشبھ پنت کی سالانہ انکم 5 کروڑ روپے (پاکستانی 15 کروڑ 21 لاکھ 2 ہزار 55 روپے) ہے۔
کیٹیگری بی میں شامل ہر کھلاڑی سوریا کمار یادو، کلدیپ یادو، اکشر پٹیل، یشسوی جیسوال، شریاس ایر کی سالانہ انکم 3 کروڑ روپے (پاکستانی 9 کروڑ 12 لاکھ 7 ہزار 2 سو 33 روپے) ہے۔
کیٹیگری بی میں شامل ہر کھلاڑی رنکو سنگھ، تلک ورما، رتو راج گائیکواڑ، شیوم دوبے، روی بشنوئی، واشنگٹن سندر، مکیش کمار، سنجو سیمسن، ارشدیپ سنگھ، پرسیدھ کرشنا، راجت پٹیدار، دھروو جورل، سرفراز خان، نیتیش کمار ریڈی، ایشان کشن، ابھیشیک شرما، آکاش دیپ، ورون چکرورتی اور ہرشیت رانا کی سالانہ انکم 1 کروڑ روپے (پاکستانی 3 کروڑ 42 ہزار 4 سو 11 روپے) ہے۔
مزید پڑھیں: ویرات کوہلی کی دوران میچ دل کی دھڑکنوں کا معائنہ کروانے کی ویڈیو وائرل، مداح پریشان
اس فہرست میں نئے چہروں جیسے ہرشیت رانا، ابھیشیک شرما اور ورون چکرورتی کو بھی پہلی بار کنٹریکٹ دیا گیا ہے، جو بھارت کی اگلی نسل کے ابھرتے ہوئے اسٹارز مانے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
BCCI بھارتی کرکٹ بورڈ جسپریت بمراہ روہت شرما، ویرات کوہلی،
پاکستان کا دفاع محفوظ ہے، کوئی میلی آنکھ سے نہیں دیکھ سکتا:وزیراعظم