دبئی اسٹیڈیم خالی:بھارتی شائقین میچ پاکستان میں کروانے کے خواہشمند
اشاعت کی تاریخ: 21st, February 2025 GMT
دبئی:چیمپئنز ٹرافی کے دبئی میں کھیلے گئے بھارت اور بنگلا دیش کے درمیان میچ کے دوران خالی اسٹیڈیم نے سب کو حیران کر دیا۔
25 ہزار شائقین کی گنجائش رکھنے والا دبئی اسٹیڈیم میچ کے دوران تقریباً خالی رہا، جس پر بھارتی شائقین نے سوشل میڈیا پر آئی سی سی (انٹرنیشنل کرکٹ کونسل) کو تنقید کا نشانہ بناتے ہوئے ٹورنامنٹ کو مکمل طور پر پاکستان منتقل کرنے کا مطالبہ کر دیا۔
سوشل میڈیا پر بھارتی شائقین نے دبئی اسٹیڈیم کی خالی گیلریوں کو دیکھ کر اپنی مایوسی کا اظہار کیا۔ ایک صارف نے لکھا کہ ’’دبئی کا خالی اسٹیڈیم دیکھ کر افسوس ہو رہا ہے۔ اب بھی وقت ہے کہ ٹورنامنٹ کو مکمل طور پر پاکستان منتقل کر دیا جائے۔‘‘ کئی صارفین نے اس خیال کی تائید کرتے ہوئے کہا کہ پاکستان میں کرکٹ کے شائقین کی بڑی تعداد اور جوش و خروش کو دیکھتے ہوئے ٹورنامنٹ کی میزبانی پاکستان کو ہی سونپی جانی چاہیے۔
بعض صارفین نے ون ڈے فارمیٹ پر بھی سوال اٹھائے۔ ایک صارف نے کہا کہ ’’ ون ڈے کرکٹ اب بے کار ہو چکی ہے۔ اس ٹورنامنٹ کو ختم کر دینا چاہیے یا پھر اسے 40 اوورز تک محدود کر دینا چاہیے۔‘‘ دیگر صارفین نے ٹی20 فارمیٹ کو ترجیح دیتے ہوئے کہا کہ کرکٹ کے مستقبل کا یہی فارمیٹ ہے۔
واضح رہے کہ چیمپئنز ٹرافی2025 کی میزبانی پاکستان کے پاس ہے، تاہم بھارت نے روایتی ہٹ دھرمی کا مظاہرہ کرتے ہوئے اپنے کھلاڑیوں کو پاکستان بھیجنے سے انکار کرتے ہوئے اپنے تمام میچز کسی نیوٹرل وینیو پر منعقد کرنے کا فیصلہ کیا تھا، جس پر دبئی کا انتخاب کیا گیا تھا۔
اس غیر مناسب فیصلے پر نہ صرف پاکستانی بلکہ بھارتی شائقین سمیت دنیا بھر سے کرکٹ شوق سے دیکھنے والوں نے بھی سوال اٹھائے تھے۔
یاد رہے کہ گروپ اے کے دوسرے میچ میں بھارت نے بنگلا دیش کو شکست دی ہے۔ بھارتی ٹیم نے جہاں ایونٹ میں اپنا اچھا آغاز کرکے بنگلا دیش کو مشکل میں ڈال دیا ہے وہیں میچ کے دوران خالی اسٹیڈیم نے کھیل کے جوش و جذبے کو بھی کم کر دیا ہے۔
.ذریعہ: Jasarat News
کلیدی لفظ: بھارتی شائقین کر دیا
پڑھیں:
باکس آفس پر ناکام فلم ”سکندر“کےحذف شدہ منظر نے شائقین کو چونکا دیا
ممبئی(شوبز ڈیسک)سلمان خان کی عید کے موقع پر ریلیز ہونے والی فلم ”سکندر“ نہ صرف شائقین بلکہ ناقدین کو بھی متاثر کرنے میں ناکام رہی۔ فلم کو سست کہانی اور کمزور اسکرپٹ کے باعث تنقید کا نشانہ بنایا گیا، اور متعدد ناقدین نے اسے سلمان کی اب تک کی ”بدترین“ یا ”کمزور ترین“ فلم قرار دیا ہے۔
تاہم، حال ہی میں فلم کا ایک حذف شدہ منظر سوشل میڈیا پر وائرل ہو گیا ہے، جس نے شائقین میں نئی بحث چھیڑ دی ہے کہ اگر یہ سین فلم میں شامل ہوتا تو شاید فلم کی قسمت کچھ اور ہوتی۔
یہ منظر ایکس (سابقہ ٹوئٹر) پر سامنے آیا ہے، جس میں کاجل اگروال کے کردار کو اپنی گھریلو پریشانیوں سے تنگ آ کر خودکشی کی کوشش کرتے ہوئے دکھایا گیا ہے۔
جیسے ہی وہ یہ قدم اٹھاتی ہیں، سلمان خان کا کردار منظر میں آتا ہے اور ایک جذباتی مکالمہ ادا کرتا ہے جس میں وہ زندگی کی قدر اور اہمیت پر زور دیتے ہیں، اور کاجل کے سسرال والوں کو ان کی سوچ بدلنے کی تلقین کرتے ہیں۔
ایک صارف نے لکھا ”یہ منظر آج کے نوجوانوں میں خودکشی کے بڑھتے رجحان کے تناظر میں بہت مؤثر ہو سکتا تھا۔ سلمان کا انداز اور جذباتی پیغام دل کو چھو لینے والا تھا۔“
دوسرے صارف نے کہا، ”کاش فلم کا غیر ایڈیٹ شدہ ورژن ریلیز کیا جائے، تب شاید زیادہ لوگ دیکھنے آتے۔“
ایک اور رائے کچھ یوں تھی،”دل کو چھو لینے والا سین تھا، خاص طور پر آنکھوں کے عطیے کی اہمیت کو جو طریقے سے دکھایا گیا، وہ فلم میں ہونا چاہیے تھا۔“
”سکندر“ کی ہدایت کاری معروف فلمساز اے آر موروگدوس نے کی ہے، جنہوں نے اس سے پہلے ”گجنی“ جیسی ہٹ فلمیں دی ہیں۔ فلم میں سلمان خان کے علاوہ راشمیکا مندنا، کاجل اگروال، ستیاراج اور شرمن جوشی بھی اہم کرداروں میں نظر آئے۔
فلم کی کہانی سلمان کے گرد گھومتی ہے جو اپنی بیوی کے اعضاء کے عطیات پانے والے تین افراد کو بچانے کے مشن پر نکلتا ہے۔
فلم کو سست رفتار کہانی اور غیر مؤثر اسکرین پلے کے باعث شدید تنقید کا سامنا کرنا پڑا، اور اس نے دنیا بھر میں صرف 184 کروڑبھارتی روپے کا بزنس کیا ہے۔
مزیدپڑھیں:آئی پی ایل: غیر ملکی کرکٹرز کی خراب کارکردگی، سہواگ نے آڑے ہاتھوں لے لیا
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج