پاکستان اور بھارت کے کرکٹ میچوں کے چند متنازع لمحات
اشاعت کی تاریخ: 21st, February 2025 GMT
اسلام آباد (اُردو پوائنٹ ۔ DW اردو۔ 21 فروری 2025ء) جاوید میانداد کا کرن مورے کو فیلڈ پر تنگ کرنا، ونکٹیش پرساد کا عامر سہیل کو پویلین واپس بھیجنا، یا پھر گوتم گھمبیر اور شاہد آفریدی کے درمیان تکرار - پاکستان اور بھارت کے میچ کے دوران نہ صرف کھلاڑی بلکہ شائقین بھی گرم جوش رہتے ہیں۔
آئیے چیمپئنز ٹرافی کے دوران اتوار کے روز دبئی کرکٹ اسٹیڈیم میں پاکستان اور بھارت کے میچ سے قبل ایسے ہی چند واقعات کو یاد کرتے ہیں۔
میانداد کی کرن مورے کی نقلپاکستان کے لیجنڈ بلے باز جاوید میانداد اپنی بلے بازی کے ساتھ ساتھ اسٹریٹ اسمارٹنیس کے لیے بھی جانے جاتے تھے۔ انہوں نے 1992ء کے ورلڈ کپ کے ایک میچ میں بھارتی وکٹ کیپر کرن مورے کو چڑانے میں کوئی کسر نہیں چھوڑی۔
(جاری ہے)
وکٹ کے پیچھے سے کرن مورے میچ کے دوران مسلسل میانداد کو باتوں میں الجھانے کی کوشش کر رہے تھے۔
ایسے میں تنگ آ کر میانداد نے ایک رن لینے کے بعد اچانک کینگرو کی طرح چھلانگیں لگانا شروع کر دیں۔ بعد میں پتہ چلا کہ وہ مورے کی طرف سے غیر ضروری اپیلوں کی نقل کر رہے تھے۔ عامر سہیل اور پرساد میں تکراربھارتی شہر بینگالورو میں سن 1996 میں کھیلے گئے ورلڈ کپ کوارٹر فائنل میں پاکستان کے اوپنر بلے باز عامر سہیل اپنے جذبات قابو نہ کر سکے۔
انہوں نے بھارتی ٹیم کے 289 رنز کے ہدف کے تعاقب کے دوران میڈیم پیسر ونکٹیش پرساد کی ایک گیند پر عمدہ شاٹ کھیلتے ہوئے چوکا لگانے کے بعد انہیں گھورنا شروع کر دیا اور غصے میں بالر کو باؤنڈری کی جانب اشارہ کرنے لگے۔پرساد نے جواب میں اگلی ہی گیند پر سہیل کو کلین بولڈ کر دیا۔ اس کے بعد نہ صرف بھارتی ٹیم بلکہ اسٹیڈیم میں موجود ہزاروں بھارتی تماشائیوں نے عامر سہیل کو پویلین کا راستہ دکھایا۔
اس کے بعد پاکستانی ٹیم یہ اہم میچ ہار گئی تھی۔ انضمام کو تماشائی نے 'آلو' کہہ دیاعام طور پر اپنے ٹھنڈے مزاج کی وجہ سے جانے جانے والے مڈل آرڈر بلے باز انضمام الحق بھی ہائی پریشر گیم میں اپنے غصے پر قابونہیں رکھ سکے۔ سن 1997 میں ٹورونٹو میں کھیلے گئے ایک میچ میں انضمام باؤنڈری پر فیلڈنگ کر رہے تھے تو اچانک تماشائیوں نے انہیں "آلو، آلو" کہہ کر تنگ کرنا شروع کر دیا۔
جب یہ نعرے بڑھنے لگے تو انضمام نے ڈریسنگ روم سے بیٹ منگوایا اور آوازیں لگانے والے شخص کے پیچھے فیلڈ سے باہر اسٹینڈز میں چلے گئے۔ اتنے میں سکیورٹی نے مداخلت کر کے انہیں روک لیا۔
آفریدی اور گھمبیر کی ٹکربھارتی بلے باز گوتم گھمبیر، جو اب قومی ٹیم کے کوچ ہیں، نے سن 2007 ایک میچ میں پاکستانی آل راؤنڈر شاہد آفریدی کی گیند پر چوکا لگایا اور پھر دونوں کے درمیان تقریباﹰ ہاتھا پائی ہونے لگی تھی۔
گھمبیر اور آفریدی کے بیچ پہلے ہی الفاظ کا تبادلہ تو ہو رہا تھا، لیکن اچانک رن لیتے ہوئے گھمبیر آفریدی سے ٹکرا گئے اور پھر امپائرز نے دونوں کو پیچھے ہٹایا۔
اس وقت ٹی وی پر دکھائے گئے یہ ڈرامائی مناظر آج بھی سوشل میڈیا پر گردش کرتے ہیں۔
شعیب اختر اور ہربھجن سنگھجب غصے اور لڑائی کی بات ہو تو دنیا کے تیز ترین گیند باز شعیب اختر کسیے پیچھے رہ سکتے ہیں۔
سن 2010 میں ایشیا کپ کے ایک میچ میں شعیب اختر نے ہربھجن کو ایک ڈاٹ بال کروانے کے بعد کچھ کہہ دیا۔ اس بات نے بھارتی اسپنر کو خوب غصہ دلایا اور انہوں نے میچ کا اختتام محمد عامر کی گیند پر چھکا لگا کر کیا۔ انہوں نے پھر شعیب اختر کے سامنے جا کر جیت کا جشن بھرپور انداز میں منایا۔دونوں کھلاڑیوں نے حال ہی میں چیمپئنز ٹرافی کے لیے ایک پروموشن ویڈیو کے لیے ان لمحات کو ٹی وی پر دوبارہ فلمایا ہے۔
ع آ / ا ا (اے ایف پی)
.ذریعہ: UrduPoint
کلیدی لفظ: تلاش کیجئے ایک میچ میں عامر سہیل انہوں نے کے دوران گیند پر بلے باز کے بعد
پڑھیں:
ویمنز پی ایس ایل سمیت اہم اعلانات، محسن نقوی لڑکیوں کی کارکردگی پر خوشی سے سرشار
پاکستان کرکٹ بورڈ (پی سی بی) کے چیئرمین محسن نقوی نے کہا ہے کہ آئی سی سی ویمنز ورلڈ کپ کے لیے کوالیفائی کرنے پر ویمنز کرکٹ ٹیم کو کارکردگی پر انعام سے نوازا جائےگا، یہ ان کا حق ہے، ہار جیت کھیل کا حصہ ہے، لیکن ٹیم کو متحد ہوکر کھیلنا چاہیے۔
لاہور میں میڈیا سے گفتگو کرتے ہوئے انہوں نے کہاکہ جب ٹیم مل کر کھیلے تو نتیجہ ضرور نکلتا ہے، لڑکیوں کو کارکردگی پر انعام سے نوازا جائےگا۔
محسن نقوی نے کہاکہ بی سی سی آئی کے ساتھ جو معاہدہ ہے وہ قائم رہے گا، ہائبرڈ ماڈل کے تحت ہماری ویمنز ٹیم بھارت نہیں جائے گی۔
انہوں نے کہاکہ ویمنز ورلڈ کپ میں پاکستان کے میچز کہاں پر ہوں گے یہ فیصلہ بھارت نے کرنا ہے، کوئی بھی میدان ہو ہماری ٹیم میچز کھیلنے وہاں جائے گی لیکن بھارت نہیں جائے گی۔
چیئرمین پی سی بی نے کہاکہ یہ فتوحات ایک دن کا نتیجہ نہیں اس کے پیچھے محنت ہے، چھوٹی چھوٹی تبدیلیاں کیں جس کا نتیجہ آپ کے سامنے ہے، ہماری مینز ٹیم انڈر 19 اور پاکستان شاہینز بھی فتوحات کے ٹریک پر آئے گی۔
انہوں نے کہاکہ قومی مینز کرکٹ ٹیم کے ہیڈ کوچ کا فیصلہ کچھ روز میں ہو جائے گا، ہم ویمنز کرکٹ کے پی ایس ایل کا پلان بھی کررہے ہیں۔ ویمنز کرکٹ ٹیم کے لیے بھی پاور ہٹنگ کیمپ کا انعقاد کیا جائے گا۔
صحافی نے سوال کیاکہ محمد رضوان آج کل اتنے غصے میں کیوں ہیں؟ جس کے جواب میں چیئرمین پی سی بی نے کہاکہ میں اس پر کچھ نہیں کہوں گا، جو بھی کارکردگی دکھائے گا اس کے لیے خوشخبری ہے۔
واضح رہے کہ ویمنز کرکٹ ٹیم نے بھارت میں شیڈول آئی سی سی ورلڈ کپ کے لیے کوالیفائی کرلیا ہے، قومی ٹیم ورلڈ کپ کوالیفائر میں ناقابل شکست رہی، اور آخری میچ میں بنگلہ دیش کو شکست دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی سی سی ورلڈ کپ انعامات بھارت چیئرمین پی سی بی کوالیفائر میچ محسن نقوی ہائبرڈ ماڈل وی نیوز ویمنز پی ایس ایل ویمنز کرکٹ ٹیم
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج