عامر ڈوگر کی بات پر قائمہ کمیٹی کے اجلاس میں قہقہے
اشاعت کی تاریخ: 21st, February 2025 GMT
عامر ڈوگر—فائل فوٹو
چیئرمین کمیٹی قائمہ کمیٹی عامر ڈوگر نے کہا ہے کہ ہم تو کچھ بھی نہیں کرتے جتنی سیاست ہمارے سول سرونٹس کرتے ہیں۔
قومی اسمبلی کی قائمہ کمیٹی برائے مذہبی امور اور بین المذاہب ہم آہنگی کا اجلاس ہوا۔
اجلاس میں پیر فضل علی شاہ جیلانی نے سوال کیا کہ ساری دنیا میں کہاں این ٹی ایس ہے؟
ایڈیشنل سیکرٹری وزارتِ مذہبی امور عطاء الرحمٰن نے کہا کہ ساری دنیا میں مختلف قوانین ہوتے ہیں، این ٹی ایس کا پیپر وزارتِ مذہبی امور نہیں بناتی، نصاب ہم دیتے ہیں، پیپرز میں عربی زبان سے متعلق بھی مواد ہوتا ہے۔
عمران علی شاہ کی زیرصدارت قومی اسمبلی قائمہ کمیٹی برائے مذہبی امور کی سب کمیٹی کا اجلاس ہوا۔
انہوں نے کہا کہ معاونین کی عمر کی بالائی حد 50 سال ہے، فرانس میں سرکاری ملازمین چھٹی لے کر الیکشن لڑتے ہیں، وزیر بن جاتے ہیں اور مدت پوری ہونے پر واپس آ جاتے ہیں۔
چیئرمین کمیٹی عامر ڈوگر نے کہا کہ یہاں تھوڑا ہلکے پھلکے انداز میں بات کروں گا، ہمارے ملک میں سول سرونٹس کو چھٹی لینے کی ضرورت نہیں، وہ ویسے ہی سارا دن سیاست کرتے ہیں۔
چیئرمین کمیٹی ملک عامر ڈوگر کے ریمارکس پر اجلاس قہقہوں سے گونج اٹھا۔
ممبر کمیٹی بشیر خان نے اجلاس میں کہا کہ کار کے ذریعے بذریعہ سڑک حج پر جا سکتے ہیں، گاڑی کی آدھی قیمت کے برابر سیکیورٹی جمع کرانا ہوتی ہے۔
بشیر خان کا کہنا ہے کہ براستہ سڑک جانے والے عازمین کو جن ملکوں سے گزرنا ہے وہاں کا ویزا لینا لازم ہے۔
ایڈیشنل سیکریٹری نے مؤقف اپنایا ہے کہ کوئی پرائیویٹ طور پر براستہ روڈ حج پر جانا چاہتا ہے تو ہم این اوسی دیں گے۔
ممبر کمیٹی شگفتہ جمانی نے کہا کہ بحری طریقے سے بھی حج کی سہولت دینا چاہیے۔
عطا الرحمٰن نے کہا کہ سعودی عرب اور پاکستان کے درمیان بحری جہاز کی سروس نہیں اس لیے نہیں بھیج سکتے، اگر بحری جہاز چلیں تو ہمیں بحری جہاز پر بھیجنے پر کوئی مسئلہ نہیں۔
.ذریعہ: Jang News
کلیدی لفظ: قائمہ کمیٹی عامر ڈوگر نے کہا کہ
پڑھیں:
وزیر مذہی امور نے پاکستانی عازمین حج کو بڑی خوش خبری سنادی
اسلام آباد(ڈیلی پاکستان آن لائن )وفاقی وزیر مذہبی امور سردار یوسف نے رواں سال حج کے لئے جانے والے پاکستانیوں کے لئے بڑی خوش خبری سنادی۔
نجی ٹی وی ایکسپریس نیوز کے مطابق پاکستان سے سرکاری سکیم کے تحت فریضہ حج کے لئے جانے والے عازمین ہمیشہ ناقص انتظامات اور عدم تعاون کی شکایات کرتے رہے ہیں تاہم اس بار وفاقی وزیر مذہبی ا مور نے دعویٰ کیا ہے کہ ہمارے حاجی وی وی آئی پی کی طرح حج کریں گے۔
وفاقی دارالحکومت میں سالانہ حج کانفرنس سے خطاب کرتے ہوئے سردار یوسف نے کہا کہ وزارت مذہبی امور کمرشل وزارت نہیں ہے، ہمارا مقصد نظریہ پاکستان و اسلام ہے۔ حج کے حوالے سے بڑی پریشانی ہے، گزشتہ دور میں جب ذمہ داری سنبھالی گئی تو 2013ء میں 5 ہزار رہ گیا ، مگر اس کے بعد 2016ء تک ہمارے پاس 5 لاکھ تک درخواستیں موصول ہوئیں، جس کی وجہ کم پیکیج و اچھے انتظامات تھے۔انہوں نے اعلان کیا کہ اس بار ہمارے حاجی وی وی آئی پی کی طرح حج کریں گے کیوں کہ سعودی حکام کی طرف سے مساوی انتظامات ہیں اور حکومت پاکستان کی جانب سے بھی اب ہم کوئی کمی کوتاہی نہیں برتیں گے۔
سردار یوسف کا کہنا تھا کہ ٹائم لائن پر جو ہدایات تھیں اسی پر آگے بڑھ سکتے ہیں۔ جو بھی کچھ ہوا ہے اس میں سعودی حکام نہیں پاکستان کی کوتاہی ہے۔ جس جس مد میں پورٹل کے ذریعے جو پیسہ گیا ہے وہ ضائع نہیں ہوگا۔ اس سے ہٹ کر جو ہے اس کو سلجھانے کی کوشش کررہے ہیں۔انہوں نے مزید کہا کہ سعودیہ میں پاکستانی سفیر نے بھی یقین دلایا ہے کہ ہر ممکن کوشش کریں گے۔ وزیراعظم نے جو کمیٹی بنائی ہے اس کی رپورٹ جمع ہوچکی ہے اس کی روشنی میں جو ہدایات ہونگی عمل کریں گے۔
وفاقی وزیر کا کہنا تھا کہ وزارت مذہبی امور مجھے ایک ماہ قبل ہی ملی ہے۔ وزیر اعظم نے مجھے اچھا حج کرانے کی ذمہ داری دی ہے۔ میں نے خود سعودی عرب جاکر انتظامات کا جائزہ لیا ہے اور مجھے پتا چلا ہے کہ کافی بڑی تعداد میں عازمین حج رہ رہے ہیں۔ میں نے اور علامہ طاہر اشرفی نے اپنی بساط کے مطابق 67ہزار عازمین کا حج کوٹہ بحال کرانے کی کوشش کی۔
انہوں نے بتایا کہ وزیر خارجہ اسحق ڈار نے بھی کوشش کی۔ سعودی وزیر حج کی کوششوں سے پاکستان کو 10 ہزار حاجیوں کا کوٹہ مل گیا۔ سعودی عرب نے ایک لاکھ 2 حج کوٹہ کا بتایا۔ میں نے سعودی حکومت کو درخواست کی کہ ہمدردی سے تمام پاکستانیوں کے لئے غور کریں ، جس پر سعودی حکومت نے 10 ہزار عازمین کی اجازت دی۔ یہ 10 ہزار کوٹہ اسی پرائیویٹ حج سے ہوا ہے۔ کچھ لوگ اضافی حج کوٹہ کی بات کررہے ہیں جو درست نہیں۔
فٹنس سے زیادہ اعظم خان کا کھیل اہمیت رکھتا ہے، شاداب خان
مزید :
سعودی آئل کمپنی ”آرامکو “ کی بھارت میں مزیددو آئل ریفائنریوں میں سرمایہ کاری کے لیے بات چیت