ایک بوسہ جو ساڑھے 31 لاکھ روپے سے زائد میں پڑا
اشاعت کی تاریخ: 21st, February 2025 GMT
اسپین کی ہائیکورٹ نے فٹ بال فیڈریشن کے سابق سربراہ لوئس روبیلیز کو کھلاڑی جینی ہرموسو کو اس کی رضامندی کے بغیر چومنے پر جنسی زیادتی کا مجرم قرار دیا ہے اور ان پر 10,800 یورو (ساڑھے 31 لاکھ روپے پاکستانی کے برابر) جرمانہ عائد کیا ہے۔
البتہ عدالت نے جمعرات کو اپنے فیصلے میں لوئئس روبیلیز کو جبر کے الزام سے بری کر دیا۔ روبیئلز نے خبر رساں ادارے رائٹرز کو بتایا کہ وہ اس فیصلے کے خلاف اپیل کریں گے اور قانونی جنگ لڑتے رہیں گے‘۔
استغاثہ نے خاتون فٹ بالر کے ہونٹوں کا بغیر رضامندی بوسہ لینے پر 47 سالہ روبیلز کے لیے قید کی سزا کا مطالبہ کیا تھا۔
ورلڈ کپ 2023 جیتنے کے بعد اسپین فٹبال فیڈریشن کے سربراہ لوئس روبیالیس نے اسپین کی خاتون فٹبالر جینی ہرموسو کے ہونٹوں پر بوسہ دیا تھا جس پر انہیں شدید تنقید کا سامنا کرنا پڑا ۔
یہ بھی پڑھیےمداح نے درفشاں سلیم کا بوسہ لے لیا، ویڈیو وائرل
34 سالہ خاتون کھلاڑی جینی ہرموسو نے 3 فروری کو مقدمے کی سماعت کے پہلے دن کہا تھا کہ وہ بغیر رضامندی بوسے کے بعد ’بے عزتی‘ محسوس کرتی ہیں، جو ’کسی بھی سماجی یا کام کے دوران نہیں ہونا چاہیے۔‘ جبکہ ان کے ساتھی کھلاڑیوں نے حلفیہ بیان دیا تھا کہ خاتون فٹ بالر اس واقعے کے بعد کس طرح روئی اور خود کو ’مجبور‘ محسوس کرتی رہیں۔ جبکہ خاتون کھلاڑی کے بھائی رافیل ہرموسو نے انکشاف کیا تھا کہ انہیں معاملہ نہ بڑھانے کے معاملے پر دباؤ تھا۔
اس واقعے نے اسپین میں ایک گرما گرم بحث چھیڑ دی، نتیجتاً ملک بھر میں ’می ٹو‘ تحریک زور پکڑ گئی۔
عدالت نے روبیئلز کے 3 ساتھیوں کو بری کردیا جن پر الزام تھا کہ انہوں نے خاتون کھلاڑی ہرموسو کو یہ کہنے پر مجبور کرنے کی کوشش کی تھی کہ سڈنی میں 2023 کے ورلڈ کپ ایوارڈز کی تقریب میں یہ بوسہ اتفاقی تھا۔
یہ بھی پڑھیےوالد کے ساتھ بوسہ پر کوئی افسوس نہیں ہے، اداکارہ پوجا بھٹ
مجرم روبیلیز مقدمہ کی سماعت کے دوران بھی بضد رہے کہ خاتون فٹ بالر نے کامیابی کے جشن کے دوران بوسہ دینے پر رضامندی ظاہر کی تھی۔ ان کا کہنا تھا کہ خاتون کھلاڑی نے مجھے مضبوطی سے پکڑا اور مجھے اٹھا لیا اور جب میں نیچے آیا تو ان سے پوچھا کہ کیا میں تمہیں بوسہ دے سکتا ہوں، جس پر انہوں نے کہا کہ ٹھیک ہے۔
تاہم ہرموسو نے اپنے حلفیہ بیان میں کہا کہ انہوں نے رضامندی ظاہر نہیں کی تھی۔
چنانچہ جج نے روبیلیز کو جنسی زیادتی کا مجرم پایا۔ لیکن انہوں نے کہا کہ اگرچہ یہ عمل ہمیشہ سے ’قابل مذمت‘ رہا ہے، لیکن یہ واقعہ معمولی شدت کا حامل تھا کیونکہ اس میں کوئی تشدد یا دھمکی نہیں تھی۔
یہ بھی پڑھیےکنسرٹ میں خاتون کو بوسہ کیوں دیا؟ گلوکار ادت نارائن کا موقف سامنے آگیا
عدالت نے اپنے فیصلے میں روبیئلز پر ہرموسو سے 200 میٹر (218 گز) دور رہنے اور ایک سال تک فٹ بالر سے بات چیت پر بھی پابندی عائد کردی ہے۔ علاوہ ازیں روبیئلز ہرموسو کو 3000 یورو( پونے 9 لاکھ روپے پاکستانی کےبرابر) بطور معاوضہ بھی ادا کریں گے۔ جرمانہ 18 ماہ کی مدت میں ادا کیا جائے گا۔
واضح رہے کہ روبیئلز کی سالانہ تنخواہ پونے 7 لاکھ یورو سے زائد ہے۔
سپین کی خواتین ٹیم کی کپتان نے کہا کہ وہ عدالت کے فیصلے کا احترام کرتی ہیں تاہم وہ حیران ہیں کہ مجرم کو جبر کے الزامات کے حوالے سے کوئی سزا نہیں ملی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین بوسہ فٹ بال لوئس روبیلیز ہرموسو.ذریعہ: WE News
کلیدی لفظ: اسپین فٹ بال لوئس روبیلیز انہوں نے فٹ بالر تھا کہ کہا کہ
پڑھیں:
سندھ کے کمشنرز اور ڈپٹی کمشنرز کی نئی گاڑیوں کے لیے 52 کڑور 66 لاکھ روپے جاری
کراچی(اردوپوائنٹ اخبارتازہ ترین-انٹرنیشنل پریس ایجنسی۔21 اپریل ۔2025 )صوبہ سندھ کے کمشنرز اور ڈپٹی کمشنرز کو نئی گاڑیوں کی خریداری کے لیے محکمہ خزانہ نے مجموعی طور پر 52 کڑور 66 لاکھ روپے جاری کر دیے ہیں نجی ٹی وی کے مطابق سندھ کے تمام کمشنرز اور ڈپٹی کمشنرز کو نئی گاڑیوں کے لیے رقم جاری کردی گئی ہے 6 کمشنرز اور 29 ڈپٹی کمشنرز کو نئی گاڑیاں دی جائیں گی جب کہ ضلع کیماڑی اس فہرست میں شامل نہیں ہے. کمشنرز کو ایک کروڑ 80 لاکھ روپے کی گاڑی دی جائے گی جب کہ ڈپٹی کمشنرز کو ایک کروڑ 44 لاکھ روپے مالیت والی گاڑی ملے گی محکمہ خزانہ سندھ کی جانب سے گاڑیوں کی رقم کمپنی کو رقم جاری کردی گئی ہے فنڈز کی منظوری کابینہ اجلاس اور آڈٹ کلیئرنس کے بعد دی گئی ہے.(جاری ہے)
واضح رہے کہ ستمبر 2024 میں کفایت شعاری مہم کے نام پر حکومتی اخراجات میں کمی کے دعووں کے درمیان یہ بات سامنے آئی تھی کہ حکومت سندھ نے صوبے بھر میں تعینات اپنے اسسٹنٹ کمشنرز کے لیے 138 لگژری ڈبل کیبن گاڑیوں کی خریداری کی منظوری دی تھی رپورٹ میں کہا گیا تھا کہ سروسز، جنرل ایڈمنسٹریشن اور کوآرڈنیشن ڈیپارٹمنٹ نے صوبہ بھر میں اسسٹنٹ کمشنر کے لیے 138 ڈبل کیبن (4ایکس4) گاڑیوں کی خریداری کے لیے تقریباً 2 ارب روپے کے فنڈز جاری کرنے کے لیے محکمہ خزانہ کو خط لکھا تھا.
ذرائع کا کہنا تھا کہ وزیراعلیٰ سید مراد علی شاہ نے ایک ہفتے کے دورے پر امریکا روانہ ہونے سے قبل اس ہفتے کے شروع میں اسسٹنٹ کمشنرز کے لیے گاڑیوں کی خریداری کی سمری کی منظوری دی تھی گاڑیوں کی خریداری کے لیے بھاری رقم کی منظوری صوبائی حکومت کی جانب سے مالیاتی رکاوٹوں کی وجہ سے مالی سال 2024-2025 کے سالانہ ترقیاتی پروگرام کے تحت کوئی نیا اپ لفٹ پروجیکٹ شروع نہ کرنے کے فیصلے کے پس منظر میں دی گئی تھی.
بابراعظم کی ناقص فارم؛ پشاور زلمی کی کپتانی» بھی لینےکا مطالبہ