شہر پر ڈاکو راج برقرار ،دبئی پلٹ نوجوان گھر کی دہلیز پر قتل
اشاعت کی تاریخ: 21st, February 2025 GMT
کراچی ( اسٹاف رپورٹر ) گھر کی دہلیز پر نوجوان کو موبائل نہ دینے پر قتل کردیا گیا، مقتول چند روز قبل دبئی سے پاکستان آیا تھا۔ رواں برس ڈاکوؤں کے ہاتھوں جان سے جانے والے شہریوں کی تعداد 13 ہو گئی۔تفصیلات کے مطابق کراچی کے شہری بے رحم ڈاکووں کے نشانے پر ہیں اور پولیس ڈکیتی کی بڑھتی ہوئی وارداتوں پر قابو پانے میں ناکام ہیں۔ اتحاد ٹاؤن میں ابوہریرہ مسجد کے قریب بلدیہ ہوم اسٹریٹ پرگھر کی دہلیز پر ڈاکیتی کے دوران مزاحمت پر واردات کے دوران ڈاکو ں نے گولی مار کر شہری کو زخمی کر دیا ۔زخمی کو طبی امداد کے لیے ٹراما سینٹر سول اسپتال منتقل کیا گیا، جہاں وہ زخموں کی تاب نہ لاتے ہوئے چل بسا۔ جاں بحق شخص کی شناخت 28 سالہ محمد عمر ولد محمد قاسم کے نام سے ہوئی۔پولیس نے قانونی کارروائی کے بعد لاش ورثا کے حوالے کردی اور وقعے کی تحقیقات شروع کردی۔ مقتول عمر ایک ماہ قبل دبئی سے پاکستان آیا تھا۔اتحاد ٹاؤن تھانے کی حدود تحاد ٹاؤن ابوحریرہ مدرسہ آفریدی چوک کے قریب ڈکیتی کے دوران مزاحمت پر فائرنگ سے 28سالہ محمد عمر ولد محمد قاسم شدید زخمی ہوگیا ،زخمی کوفور ی طور پر سول اسپتال منتقل کیا گیا جہاں مضروب زخموں کی تاب نہ لاتے ہوئے دم توڑ گیا ۔ مقتول کی لاش کو قانونی کاروائی کر کے ورثاء کے سپرد کر دیا گیا ۔ دوسری جانب میمن گوٹھ کے علاقے ملیر میمن گوٹھ سسئی ٹول پلازہ کے ایریا میں ایک خاتون ڈوب گئی ، تاہم ایدھی بحری خدمات کی ٹیمیں پچھلے دو گھنٹوں سے سرچنگ آپریشن کر رہی ہیں پولیس بھی ریسکیو کے ہمراہ ہیں۔
.ذریعہ: Jasarat News
پڑھیں:
لبرٹی: سامان چور ی کی کوشش ‘ نوجوان جنگلے میں پھنس کرجاں بحق
لاہور(نامہ نگار)گلبرگ میں لبرٹی چوک پارکنگ پلازہ کے تہہ خانے سے سامان چرانے کی کوشش میں نوجوان لوہے کے جنگلے میں پھنس کر ہلاک ہوگیا ۔پولیس نے فرانزک ٹیم کی مدد سے شواہد اکٹھے کئے اور نعش قبضے میں لیکر پوسٹ مارٹم کیلئے مردہ خانے منتقل کر کے تفتیش شروع کردی۔پولیس کے مطابق تہہ خانے سے سامان چوری کرنے کی نیت آنے والا نامعلوم ملزم تہہ خانے میں لگے لوہے کے تنگ جنگلے میں منہ پھنس جانے سے ہلاک ہو گیا۔متوفی کی عمر 30 سال کے قریب ہے۔اس کی تاحال شناخت نہیں ہو سکی ہے۔متوفی نشے کا عادی معلوم ہوتا ہے ۔
سنگاپور میں پارلیمنٹ تحلیل، عام انتخابات 3 مئی کو ہوں گے