چیمپئنز ٹرافی، بھارت نے بنگلہ دیش کو 6 وکٹوں سے شکست دے دی
اشاعت کی تاریخ: 20th, February 2025 GMT
آئی سی سی چیمپئنز ٹرافی 2025 کے دوسرے میچ میں بھارت نے بنگلہ دیش کو 6 وکٹوں سے شکست دے دی۔
دبئی میں کھیلے گئے میچ میں بنگلہ دیش نے بھارت کے خلاف مایوس کن آغاز کیا اور 35 رنز پر ان کی آدھی ٹیم پویلین لوٹ گئی تاہم توحید ہردوئی کی سینچری اور ذاکر علی کی نصف سینچری کی بدولت بنگال ٹائیگرز 228 رنز بنانے میں کامیاب رہے، تاہم بھارت نے مطلوبہ ہدف 46.
بھارت کی جانب سے کپتان روہت شرما اور شبمن گل نے ٹیم کو 69 رنز کا بہترین آغاز فراہم کیا، روہت شرما 41 رنز بنانے کے بعد تسکین احمد کا شکار بنے۔
ویرات کوہلی نے شبمن گل کے ساتھ اننگز کو آگے بڑھایا مگر 112 رنز کے مجموعی اسکور پر ویرات کوہلی بھی اپنی وکٹ گنوا بیٹھے، وہ 22 رنز بنانے میں کامیاب رہے جب کہ شریس ایئر کی اننگز 15 رنز تک ہی محدود رہی۔
بعد ازاں، وکٹ کیپر بلے باز کے ایل راہل بیٹنگ کے لیے آئے اور وہ آخر تک کریز پر موجود رہے، اس دوران شبمن گل نے اپنی سینچری بھی مکمل کی، وہ 101 رنز پر ناقابل شکست رہے جب کہ کے ایل راہل نے 41 رنز بناکر ان کا بھرپور ساتھ دیا۔
بنگلہ دیش کی جانب سے رشاد حسین نے 2، تسکین احمد اور مستفیض الرحمٰن نے ایک ایک وکٹ حاصل کی۔
اس سے قبل، بنگلہ دیش نے ٹاس جیت کر پہلے بیٹنگ کا فیصلہ کیا اور پہلے ہی اوور میں اس کا پہلا کھلاڑی آؤٹ ہوگیا، اوپنر سومیا سرکار کوئی رن بنائے بغیر بھارتی فاسٹ باؤلر محمد شامی کی گیند پر وکٹ کیپر کے ایل راہول کے ہاتھوں کیچ آؤٹ ہوگئے۔
اگلے اوور میں 2 رنز کے مجموعی اسکور پر کپتان نجم الحسن شانتو بھی کھاتہ کھولے بغیر پویلین لوٹ گئے، ہرشت رانا کی گیند پر ویرات کوہلی نے ان کا کیچ لیا۔
ساتویں اوور کی دوسری گیند پر مڈل آرڈر بلے باز مہدی حسن میراز بھی صرف 5 رنز بنانے کے بعد 26 کے مجموعی اسکور پر وکٹ گنوا بیٹھے، محمد شامی کی گیند پر شبمن گل نے ان کا کیچ تھاما۔
9ویں اوور کی دوسری گیند پر اوپنر تنزید حسن 25 رنز بنانے کے بعد 35 رنز کے مجموعی اسکور پر اکشر پٹیل کی گیند پر وکٹ کیپر کے ایل راہول کو کیچ تھماکر آؤٹ ہوگئے اور اگلی ہی گیند پر وکٹ کیپر مشفق الرحیم کھاتہ کھولے بغیر کے ایل راہول کو کیچ تھما کر پویلین لوٹ گئے۔
35 رنز پر آدھی ٹیم پویلین لوٹ جانے کے بعد توحید ہردوئی اور ذاکر علی نے 154 رنز کی اہم شراکت قائم کی، اس دوران ذاکر علی نے اپنی نصف سینچری مکمل کی اور وہ 68 رنز بنانے کے بعد آؤٹ ہوگئے۔
تاہم، توحید ہردوئی آخری اوور تک کریز پر ٹکے رہے، اس دوران انہیں فٹنس مسائل کا بھی سامنا کرنا پڑا اور وہ بیٹنگ کرتے ہوئے مشکل میں دکھائی دیے لیکن اس کے باوجود وہ ڈٹے رہے اور اپنی سینچری مکمل کی، وہ آخری اوور میں 100 رنز پر ہی آؤٹ ہوئے۔
بھارت کی جانب سے محمد شامی نے 5 کھلاڑیوں کو پویلین کی راہ دکھائی جب کہ ہرشت رانا 3 اور اکشر پٹیل 2 وکٹیں حاصل کرنے میں کامیاب رہے۔
اس سے قبل ٹاس کے وقت بنگلہ دیش کرکٹ ٹیم کے کپتان نجم الحسن شانتو نے کہا کہ وکٹ بہت اچھی لگ رہی ہے، ہم اسکور بورڈ پر بڑا مجموعہ ترتیب دینے کی کوشش کریں گے، ہماری تیاریاں بہت اچھی ہیں، بی پی ایل کھیلنے کے بعد ہمارے کھلاڑی چیمپئنز ٹرافی کے لیے تیار ہیں۔
بھارت کے خلاف تیاریوں سے متعلق سوال پر انہوں نے کہا کہ ہم نے بھارت کے خلاف آخری سیریز جیتی تھی، ہم آج اچھی کرکٹ کھیلیں گے، مجھے امید ہے کہ کھلاڑی پورے اعتماد سے خود پر یقین کریں گے۔
نجم الحسن نے بتایا کہ انہوں نے آج 3 فاسٹ باؤلرز اور 2 اسپنرز کے ساتھ میدان میں اترنے کا فیصلہ کیا ہے۔
بھارتی کرکٹ ٹیم کے کپتان روہت شرما نے کہا کہ دبئی میں فلڈ لائٹس میں بیٹنگ کرنا آسان ہوتا ہے، ہم ٹاس جیتتے تو فیلڈنگ ہی کرتے، اب ہم باؤلنگ پر توجہ دیں گے اور دیکھتے ہیں کھیل کس طرف جاتا ہے۔
انہوں نے کہا کہ آئی سی سی کے ٹورنامنٹ کا ہر میچ اہم ہوتا ہے، مڑکر دیکھنے کی گنجائش ہوتی اور تمام ٹیمیں ایسا ہی سوچتی ہیں، انہوں نے بتایا کہ ٹیم میں دو تبدیلیاں کی گئی ہیں، ورون دھون کی جگہ روندر جدیجہ اور ہرشدیپ کی جگہ محمد شامی کو ٹیم میں شامل کیا گیا ۔
ذریعہ: Daily Mumtaz
کلیدی لفظ: کے مجموعی اسکور پر رنز بنانے کے بعد کی گیند پر بنگلہ دیش نے کہا کہ وکٹ کیپر انہوں نے شبمن گل کے ایل پر وکٹ
پڑھیں:
کراچی کنگز نے پشاور زلمی کو دو وکٹ سے شکست دے دی
پاکستان سپر لیگ (پی ایس ایل) 10 کے 11ویں میچ میں کراچی کنگز نے دلچسپ مقابلے کے بعد پشاور زلمی کو 2 وکٹوں سے ہرادیا۔
کنگز نے زلمی کی جانب سے دیا گیا 148 رنز کا ہدف آخری اوور میں 8 وکٹوں کے نقصان پر پورا کرلیا، خوشدل شاہ نے اعصاب پر قابو رکھتے ہوئے ناقابلِ شکست 23 رنز بنائے اور اپنی ٹیم کو اہم جیت دلادی۔
کراچی کے نیشنل بینک کرکٹ ایرینا میں کھیلے جانے والے اس میچ میں کراچی کنگز نے ٹاس جیت کر پشاور زلمی کو پہلے بیٹنگ کی دعوت دی۔
پشاور زلمی نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 147 رنز بنائے۔ کپتان بابر
اعظم 46 رنز بنا کر ٹاپ اسکورر رہے۔
گزشتہ میچ کی طرح اس میچ کی پہلی اننگز میں بھی پچ سلو اور غیر یقینی باؤنس کے باعث بولرز فرینڈرلی رہی، اور پشاور زلمی کا کوئی کھلاڑی کھل کر بیٹنگ نہ کرسکا جس کا اندازہ اس بات سے لگایا جاسکتا ہے کہ پشاور زلمی کی اننگز کے دوران صرف دو ہی چھکے لگ سکے۔
بابر اعظم کے علاوہ محمد حارث نے 28، الزاری جوزف نے 24، حسین طلعت نے 18 رنز بنائے جبکہ ان کے علاوہ اور کوئی کھلاڑی ڈبل فیگر میں بھی داخل نہ ہوسکا
کراچی کنگز کی جانب سے عباس آفریدی اور خوشدل شاہ نے 3، 3 جبکہ عامر جمال اور میر حمزہ نے ایک ایک وکٹ لی۔
واضح رہے کہ اس میچ کےلیے دونوں ٹیموں میں کوئی تبدیلی نہیں کی گئی۔
ٹاس کے موقع پر پشاور زلمی کے کپتان بابر اعظم کا کہنا تھا کہ ٹاس جیت کر بولنگ کرنا چاہ رہے تھے، تاہم ٹاس ہمارے ہاتھ میں نہیں ہے۔
انہوں نے کہا کہ میچ جیتنے پر اعتماد میں اضافہ ہوتا ہے۔ پچ کو دیکھ کر 160 سے 170 اچھا اسکور ہوگا۔
کراچی کنگز کی ٹیم کپتان ڈیوڈ وارنر، ٹم سیفرٹ، جیمز ونس، سعد بیگ، خوشدل شاہ، عرفان خان نیازی، محمد نبی، عامر جمال، عباس آفریدی، حسن علی اور میر حمزہ پر مشتمل ہے۔
پشاور زلمی کی کپتانی بابر اعظم کر رہے ہیں جبکہ دیگر کھلاڑیوں میں صائم ایوب، محمد حارث، ٹام کوہلر کیڈمور، حسین طلعت، مچل اوین، عبدالصمد، لوک ووڈ، الزاری جوزف، عارف یعقوب اور علی رضا شامل ہیں
امریکی شہریت رکھنے والے یرغمالی سے متعلق حماس کا اہم بیان سامنے آگیا