وزیر اطلاعات پنجاب کا ناقدین کو چیلنج، ” کارکردگی کے مقابلہ دعوت
اشاعت کی تاریخ: 20th, February 2025 GMT
لاہور: وزیر اطلاعات پنجاب عظمیٰ بخاری کاکہنا ہے کہ بہت سے لوگ سیاستدانوں کے روپ میں ملک کے خلاف سازشیں کر رہے ہیں،
وزیر اعلیٰ خیبر پختونخواہ کے وزیر اعلیٰ علی امین گنڈا پورکے چیلنج پر ردعمل دیتے ہوئے عظمیٰ بخاری نے کہا کہ وزیراعلیٰ مریم نواز نے 26 فروری کو عہدے کا حلف اٹھایا، اور عام طور پر کہا جاتا ہے کہ حکومتیں پہلے سال میں خاطر خواہ کام نہیں کر پاتیں، لیکن پنجاب حکومت نے پہلے ہی سال میں ڈلیور کر کے دکھایا۔
انہوں نے کہا کہ مخالفین “گالی گلوچ نہیں، کارکردگی کی سیاست کریں، “اگر کسی کو شک ہے تو وہ آ کر پنجاب حکومت کی کارکردگی سے مقابلہ کرے، پاکستان کو دوسرے صوبے پر حملہ کرنے یا گالی گلوچ کی سیاست کی ضرورت نہیں ہے، مخالفین وزیراعلیٰ مریم نواز پر ذاتی حملے کر رہے ہیں جبکہ درحقیقت گالی گلوچ وہی کرتے ہیں جن کی تربیت اچھی نہیں ہوتی۔”
وزیر اطلاعات نے کہا کہ مسلم لیگ (ن) کی حکومت کا پہلا سال کامیابی اور عوامی خدمت کے ساتھ مکمل ہوا، اور ان کی حکومت کام کے ذریعے اپنی کارکردگی ثابت کر رہی ہے،ہمارا مقابلہ گالی گلوچ سے نہیں بلکہ کارکردگی میں ہے، اور اس میں کوئی ہمارا مقابلہ نہیں کر سکتا۔
.ذریعہ: Jasarat News
پڑھیں:
کے پی حکومت نے دینی مدارس کیلئے گرانٹ بڑھا کر 10کروڑ روپےکر دی: بیرسٹرسیف
مشیر اطلاعات خیبرپختون خوا حکومت بیرسٹر سیف— فائل فوٹومشیر اطلاعات خیبرپختون خوا حکومت بیرسٹر سیف نے کہا ہے کہ خیبر پختون خوا حکومت نےدینی مدارس کے لیے گرانٹ 3 کروڑ سے بڑھا ک ر10 کروڑ روپےکر دی۔
مشیرِ اطلاعات خیبر پختون خوا حکومت بیرسٹر سیف نے بتایا ہے کہ گرانٹ کی منظوری وزیراعلیٰ کےپی کی زیرصدارت اجلاس میں دی گئی ہے، دینی مدارس کے طلباء بھی ملک کا قیمتی سرمایہ ہیں۔
مشیر اطلاعات نے کہا ہے کہ دینی و عصری تعلیم کا امتزاج وقت کی اہم ضرورت ہے۔
مشیرِ اطلاعات خیبر پختون خوا بیرسٹر محمد علی سیف نے کہا ہے کہ افغانستان سے بات چیت کا عمل شروع کر نے پر وفاق دیر آئے مگر درست آئے۔
انہوں بتایا ہے کہ دینی مدارس کے طلباء کو مذہبی تعلیم کے ساتھ ساتھ جدید تقاضوں سے ہم آہنگ کیا جا رہا ہے، بانیٔ پی ٹی آئی کے وژن کے مطابق دینی و عصری تعلیم کو فروغ دیا جا رہا ہے۔
بیرسٹر سیف نے یہ بھی کہا ہے کہ کے پی حکومت اسکولوں کے ساتھ ساتھ دینی مدارس کو بھی خصوصی توجہ دے رہی ہے۔
پاکستان کا دفاع محفوظ ہے، کوئی میلی آنکھ سے نہیں دیکھ سکتا:وزیراعظم