حماس نے چار اسرائیلی مغویوں کی لاشیں واپس کر دیں
اشاعت کی تاریخ: 20th, February 2025 GMT
اسلام آباد (اُردو پوائنٹ ۔ DW اردو۔ 20 فروری 2025ء) اسرائیلی حکام کے مطابق یہ باقیات خاتون مغوی شیری بیباس اور ان کے دو بچوں ایرئیل اور کفیر کے ساتھ ساتھ عودید لیفشیتس کی ہیں۔ اغوا کے وقت عودید لیفشیتس کی عمر 83 سال تھی۔ کفیر کو جس وقت اغوا کیا گیا تھا، اس کی عمر نو ماہ تھی اور وہ سب سے کم عمر مغوی تھا۔ حماس نے کہا ہے کہ یہ چاروں افراد ایک اسرائیلی فضائی حملے میں اپنے محافظوں سمیت مارے گئے تھے۔
ان چاروں کو حماس کے عسکریت پسندوں نے سات اکتوبر 2023ء کو جنوبی اسرائیل پر کیے گئے دہشت گردانہ حملے کے دوران اغوا کیا تھا۔حماس کے عسکریت پسندوں نے غزہ پٹی میں ایک اسٹیج پر چار سیاہ تابوت رکھے اور ان کے چاروں طرف بینرز آویزاں تھے، جن میں سے ایک بڑے بینر پر وزیر اعظم بینجمن نیتن یاہو کو ویمپائر کے طور پر دکھایا گیا تھا۔
(جاری ہے)
جس وقت یہ سیاہ تابوت ریڈ کراس کی گاڑیوں پر رکھے جا رہے تھے، اس وقت وہاں فلسطینیوں کی ایک بڑی تعداد موجود تھی جبکہ حماس کے مسلح عسکریت پسند بھی وہاں موجود تھے۔
فوج نے ڈی این اے کے ذریعے لاشوں کی باضابطہ شناخت سے پہلے ان کے اہل خانہ کی درخواست پر جنازے کی ایک چھوٹی سی تقریب بھی منعقد کی۔ ڈی این اے کی شناخت کے لیے لاشوں کو اسرائیل کی ایک لیبارٹری میں منتقل کر دیا گیا ہے اور شناخت کے عمل میں دو دن کا وقت لگ سکتا ہے۔ لاشوں کی واپسی پر اسرائیل کا ردعملاسرائیلی وزیر اعظم بینجمن نیتن یاہو نے اسرائیلی یرغمالیوں کی لاشوں کے ساتھ حماس کی پریڈ کو شدید تنقید کا نشانہ بنایا ہے۔
ان کا کہنا تھا کہ اسرائیل ''حماس کی عفریتوں‘‘ کی وجہ سے غم و غصے میں ہے اور وہ فلسطینی عسکریت پسندوں کا ''خاتمہ‘‘ کر دیں گے۔ اسرائیلی وزیر اعظم نے ایک ویڈیو پیغام جاری کرتے ہوئے کہا ہے، ''ہم اپنے تمام یرغمالیوں کو واپس لائیں گے، قاتلوں کو تباہ کر دیں گے، حماس کو ختم کر دیں گے اور خدا کی مدد سے ہم اپنے مستقبل کو محفوظ بنائیں گے۔‘‘اسرائیلی صدر اسحاق ہرزوگ نے اپنے ایک بیان میں کہا ہے، ''ہمارے دل بلکہ پوری قوم کے دل ریزہ ریزہ ہیں۔‘‘ ان کا مزید کہنا تھا، ''میں اسرائیلی ریاست کی طرف سے سر جھکا کر معافی مانگتا ہوں۔ میں اس خوفناک دن آپ کی حفاظت نہ کرنے کے لیے معافی مانگتا ہوں، آپ کو بحفاظت گھر نہ لانے کے لیے معافی چاہتا ہوں۔‘‘
اسرائیلی ٹی وی چینلز نے یرغمالیوں کی لاشوں کی حوالگی کو نہیں دکھایا۔
ابھی تک اسرائیل کے 24 زندہ یرغمالیوں کی رہائی ہو چکی ہے اور ان کی واپسی پر اسرائیلی شہریوں کی طرف سے جشن بھی منایا گیا۔ تاہم آج کی صورت حال بالکل مختلف تھی کیوں کہ آج مارے جانے والے مغویوں کی لاشیں لائی گئی ہیں۔ اقوام متحدہ کی طرف سے مذمتاقوام متحدہ کے انسانی حقوق کے گروپ نے جمعرات کو حماس کی طرف سے چار مغویوں کی لاشیں اسرائیل کے حوالے کرنے کے انداز کو ''گھناؤنا اور ظالمانہ‘‘ قرار دیتے ہوئے اس کی مذمت کی ہے۔
انسانی حقوق کے ہائی کمشنر کے دفتر نے کہا، ''آج صبح، جس انداز میں لاشوں کی پریڈنگ دیکھی گئی ہے، وہ گھناؤنا اور ظالمانہ عمل ہے اور بین الاقوامی قانون کے بھی منافی ہے۔‘‘ غزہ کے مستقبل کے حوالے سے سعودی عرب میں اجلاسدریں اثنا سعودی ولی عہد محمد بن سلمان نے خلیجی عرب ممالک، مصر اور اردن کے رہنماؤں کو جمعے کے روز ریاض میں ایک ملاقات کے لیے مدعو کیا ہے۔
سعودی سرکاری خبر رساں ادارے ایس پی اے کے مطابق اس اجلاس میں غزہ پٹی کی تعمیر نو کے منصوبے کے حوالے سے بات چیت کی جائے گی۔ عرب ممالک فلسطینیوں کو غزہ پٹی سے زبردستی نکالے بغیر اس کی تعمیر نو کا منصوبہ تیار کر رہے ہیں۔ یہ عرب منصوبہ امریکی صدر ڈونلڈ ٹرمپ کے اس منصوبے کا جواب ہے، جس کا مقصد فلسطینیوں کو اس علاقے سے بے دخل کر دینا ہے۔سعودی نیوز ایجنسی کے مطابق جمعے کی یہ ملاقات غیر سرکاری ہو گی اور ''ان قریبی برادرانہ تعلقات کے فریم ورک کے اندر ہو گی، جو ان رہنماؤں کو متحد کرتے ہیں۔‘‘
مصر کے سرکاری اخبار الاحرام کے مطابق مصر، سعودی عرب، قطر، متحدہ عرب امارات اور اردن کے حکام کل ریاض میں ہونے والے اس اجتماع میں غزہ کی تعمیر نو کے منصوبے پر تبادلہ خیال کریں گے اور پھر رواں ماہ کے آخر میں عرب سربراہی اجلاس کے موقع پر اسے متعارف کرایا جائے گا۔
الاحرام کی رپورٹ کے مطابق ''عرب منصوبے‘‘ میں تین مرحلوں پر مشتمل تعمیر نو کا مطالبہ کیا گیا ہے، جس میں غزہ سے فلسطینیوں کو نکالے بغیر پانچ سال تک کا وقت لگے گا۔ دو درجن سے زیادہ مصری اور بین الاقوامی فرمیں ملبہ ہٹانے اور غزہ پٹی کے بنیادی ڈھانچے کی تعمیر نو میں حصہ لیں گی۔ حکام نے کہا ہے کہ تعمیر نو سے غزہ کی آبادی کو دسیوں ہزار نوکریاں بھی ملیں گی۔
ا ا/ا ب ا، ر ب (روئٹرز، اے ایف پی، ڈی پی اے)
.ذریعہ: UrduPoint
کلیدی لفظ: تلاش کیجئے کی تعمیر نو کی طرف سے لاشوں کی کے مطابق غزہ پٹی کے لیے ہے اور کہا ہے
پڑھیں:
غزہ میں حماس کی حکومت کا برقرار رہنا اسرائیل کیلئے بڑی شکست ہوگی: نیتن یاہو
غزہ میں حماس کی حکومت کا برقرار رہنا اسرائیل کیلئے بڑی شکست ہوگی: نیتن یاہو WhatsAppFacebookTwitter 0 20 April, 2025 سب نیوز
تل ابیب: سرائیلی وزیراعظم نیتن یاہو نے کہا ہے کہ غزہ میں حماس کی حکومت کا برقرار رہنا اسرائیل کیلئے بڑی شکست ہوگی۔
ٹیلی ویژن پر خطاب کرتے ہوئے کہ نیتن یاہو کا کہنا تھا کہ ہم اس جنگ کا خاتمہ اس وقت تک نہیں کریں گے جب تک حماس کو ختم نہ کر دیں، جب تک تمام مغویوں کو واپس نہ لے آئیں، جنگ جاری رہے گی۔
انہوں نے کہا کہ حماس کے مطالبات کے سامنے جھک گئے تو ہم غزہ میں دوبارہ جنگ نہیں کر سکیں گے، غزہ میں حماس کی حکومت کا برقرار رہنا اسرائیل کیلئے بہت بڑی شکست ہوگی، حماس تو جنگ کے خاتمے اور اپنی حکومت کو برقرار رکھنے کا مطالبہ کر رہی ہے، حماس اسرائیل کے مکمل انخلاء اور غزہ کی تعمیر نو کا بھی مطالبہ کرتی ہے، تعمیر نو کی وجہ سے اتنی بڑی امدادی آئے گی کہ وہ دوبارہ مسلح ہو پائیں گے۔
اسرائیلی وزیراعظم کا کہنا ہے کہ ایسی شرائط پر جنگ کا خاتمہ پیغام دے گا کہ اغواء کاری کے ذریعے اسرائیل کو جھکایا جا سکتا ہے، یہ یقینی بنانا بھی ہے کہ غزہ پٹی اسرائیل کیلئے مزید خطرہ نہیں بنے گی، حماس کی شرائط پر جنگ ختم کرنے کا کہنے والے اسرائیلی دانشور حماس کا پروپیگنڈا دہرا رہے ہیں۔
نیتن یاہو نے یہ بھی کہا کہ ایران کو جوہری ہتھیار حاصل کرنے سے روکنے کیلئے پُرعزم ہوں، اپنے اس عزم سے پیچھے نہیں ہٹوں گا۔
حافظ آباد میں مضر صحت مٹھائی کھانے سے 3 بچے انتقال کرگئے