کسٹمز انفورسمنٹ کا چھاپہ؛ 30 کلو چھالیہ، ایک ہزار کلو سے زائد تمباکو برآمد
اشاعت کی تاریخ: 20th, February 2025 GMT
پاکستان کسٹمز انفورسمنٹ نے انسداد اسمگلنگ مہم کے چھاپہ مارکر کراچی کے علاقے لانڈھی کے گودام سے چھالیہ سمیت دیگر اشیا برآمد کرلیں۔
ڈپٹی کلکٹر کسٹمز رضا نقوی کے مطابق بابر مارکیٹ لانڈھی کے گودام سے اسمگل شدہ 30 کلو چھالیہ، 120کلو کتھا 1680کلو تمباکو، 400 کلو پیکنگ میٹیریل برآمد کیا گیا۔ برآمد ہونے والی اسمگل شدہ اشیاء کی مالیت 45لاکھ روپے ہے۔ اسمگل شدہ اشیا کو بلوچستان سے کراچی منتقل کیا گیا تھا۔ مقدمہ درج کرکے تمام اشیاء ضبط کر کے اے ایس او کسٹمز گودام منتقل کردیا گیا ہے۔
دوسری جانب اسپیشل انویسٹی گیشن یونٹ سی آئی اے کراچی نے بین الصوبائی منشیات فروشوں کے خلاف کارروائی کرتے ہوئے کورنگی کے علاقے میں قبرستان کی حدود علاقہ زمان ٹاؤن کے قریب چھاپا مارا اور ملزم امیر ولد ابراہیم کو گرفتار کرلیا جس کے قبضے سے 1215 گرام چرس برآمد ہوئی۔
دورانِ تفتیش ملزم نے انکشاف کیا کہ وہ اپنے دیگر ساتھیوں کے ساتھ مل کر ملک کے مختلف علاقوں سے منشیات منگوا کر کراچی میں سپلائی کرتے ہیں۔ ملزم کے خلاف نارکوٹکس کنٹرول ترمیم شدہ ایکٹ (2022) کے تحت مقدمہ درج کرلیا گیا ہے۔
.
ذریعہ: Express News
پڑھیں:
صوابی، ژالہ باری، تیز بارش، آسمانی بجلی گرنے سے کشتی بان جاں بحق، 2 افراد زخمی
اس دوران تمباکو، گندم، مختلف سبزیاں اور باغات وغیرہ کو شدید نقصان پہنچا ہے، اس وقت گندم اور ملکی تمباکو سفید پتا کی فصل بالکل تیار ہے اور مختلف علاقوں میں گندم کی کٹائی کا عمل شروع ہوگیا ہے۔ اسلام ٹائمز۔ خیبر پختونخوا میں شدید ژالہ باری، طوفان اور بارشوں سے صوابی اور دیگر علاقوں میں تیار فصلوں کو شدید نقصان پہنچا اور آسمانی بجلی گرنے سے کشتی بان جاں بحق اور دو افراد زخمی ہوگئے۔ صوابی کے مختلف علاقوں میں موسم نے خطرناک صورت حال اختیار کرلی جہاں تیز بارش کے ساتھ ژالہ باری کا سلسلہ وقفے وقفے سے جاری ہے اور چند مقامات پر آسمانی بجلی گرنے سے نقصان ہوا۔ صوابی میں دریائے سندھ میں ہنڈ کے مقام پر کشتی پر آسمانی بجلی گرنے سے کشتی بان اقبال حسین جاں بحق اور کشتی پر سوار دو افراد جنید اور ارشد زخمی ہوگئے جبکہ دو افراد حسیب اور واصف شاہ کو کوئی نقصان نہیں پہنچا۔
اس دوران تمباکو، گندم، مختلف سبزیاں اور باغات وغیرہ کو شدید نقصان پہنچا ہے، اس وقت گندم اور ملکی تمباکو سفید پتا کی فصل بالکل تیار ہے اور مختلف علاقوں میں گندم کی کٹائی کا عمل شروع ہوگیا ہے۔ صوابی میں سب سے زیادہ متاثرہ علاقوں میں پلو ڈھنڈ، سلیم خان اور مانیری صوابی شامل ہیں، تحصیل ٹوپی، لاہور اور رزڑ کے مختلف پٹوار سرکل میں بھی جزوی نقصان ہوا ہے۔ اتحاد کاشتکاران پختونخوا کے چئیرمین عارف علی خان اور نائب صدر محمد اقبال خان آف شیوہ نے شدید مالی اور جانی نقصان پر افسوس کا اظہار کرتے ہوئے مطالبہ کیا ہے کہ کاشت کاروں کے نقصانات کا ازالہ کیا جائے۔
پاکستان کا دفاع محفوظ ہے، کوئی میلی آنکھ سے نہیں دیکھ سکتا:وزیراعظم