پاکستان کا آئین سب کیلئے بلا امتیاز سماجی انصاف اور مساوات کی ضمانت دیتا ہے، وزیراعظم
اشاعت کی تاریخ: 20th, February 2025 GMT
ویب ڈیسک:وزیراعظم شہباز شریف نے کہا ہے کہ پاکستان کا آئین، اسلامی اصولوں کے مطابق بلا امتیاز سب کے لیے سماجی انصاف اور مساوات کی ضمانت دیتا ہے۔
سماجی انصاف کے عالمی دن کے موقع پر اپنے پیغام میں انہوں نے کہا کہ 20 فروری کو ہم سماجی انصاف کا عالمی دن مناتے ہیں تاکہ دنیا بھر کے تمام لوگوں کے لیے مساوات، انصاف اور وقار کو فروغ دیا جا سکے، یہ دن حکومتوں، تنظیموں اور افراد کی سماجی انصاف اور مساوات کو آگے بڑھانے میں اہم کردار کی یاد دہانی کراتا ہے، یہ غربت اور صنفی امتیاز جیسے مسائل کو حل کرنے کے لیے اقدامات کا مطالبہ کرتا ہے، جہاں تمام افراد مساوی حقوق اور مواقع حاصل کرسکیں۔انہوں نے کہا کہ اسلامی جمہوریہ پاکستان کا آئین اسلامی اصولوں کے مطابق بلا امتیاز سب کے لیے سماجی انصاف اور مساوات کی ضمانت دیتا ہے۔
ریڈ کراس آج شیری بیباس اور اس کے دو بچوں کی میتیں اسرائیل لائے گی
وزیراعظم نے کہا کہ ہم نے اپنے شہریوں کے حقوق کا تحفظ اور فروغ دینے کے لیے وسیع پیمانے پر پروگرام متعارف کرائے ہیں، ہم ان تعصبات کو ختم کرنے کے لیے کوشاں ہیں جوانسانی ترقی کی راہ میں رکاوٹ ہیں، اس میں صنفی بنیاد پر تشدد کی اصلاحات، جیلوں میں اصلاحات اور بچوں کے تحفظ کی پالیسیاں اور دیگر اقدامات شامل ہیں۔
شہباز شریف نے کہا کہ ایک ڈیجیٹل پلیٹ فارم بھی شروع کیا ہے جس میں ایک مربوط سماجی بہبود کا نظام شامل ہے تاکہ معذور افراد اور سماجی طور پر کمزور طبقات کو فوری طور پر موزوں امدادی خدمات تک رسائی فراہم کی جا سکے۔
چیمپئینز ٹرافی ، ہوم گراؤنڈ میں شکست پر شائقین کرکٹ نے بابر اعظم پر تنقید کے نشتر چلا دیے
انہوں نے کہا کہ اس سلسلے میں حکومت پاکستان نے ‘ اڑان پاکستان’ پروگرام کے تحت سماجی انصاف کے بین الاقوامی دن کے مقاصد کے ساتھ ہم آہنگ، مساوات، اخلاقیات اور لوگوں کو بااختیار بنانے پر زور دینے کے لیے متعدد موثر اقدامات کا آغاز کیا ہے۔
شہبازشریف نے کہا کہ عدم مساوات کی رکاوٹوں ختم کرنے کے لئے اس بات کو یقینی بنانا چاہیے کہ ہر شہری کو بنیادی انسانی حقوق، معیاری تعلیم، صحت اور اقتصادی مواقع تک رسائی حاصل ہو۔ آج ہم ایک منصفانہ اور جامع دنیا کی تعمیر کے لیے اپنے عزم کی تجدید کرتے ہیں۔
دنیا میں سب سے سخی گاؤں کی سادہ سی کہانی
.ذریعہ: City 42
پڑھیں:
پی ٹی آئی خیبر پختونخوا میں نئی تنظیم سازی کیلئے گائیڈ لائنز جاری
فائل فوٹوپاکستان تحریک انصاف خیبر پختونخوا میں نئی تنظیم سازی کے لیے طریقہ کار اور گائیڈ لائنز جاری کردی گئیں۔
تحریک انصاف خیبر پختونخوا کے جاری اعلامیہ کے مطابق ضلعی تنظمیوں میں 9 مئی واقعات کے بعد اور گزشتہ عام انتخابات کے دوران فعال کارکنان کو پارٹی تنظیموں میں شامل کرنے کے لیے ترجیح دی جائے گی۔
9 مئی کے واقعات کے بعد غیر فعال رہنے والے کارکنان اور سرکاری عہدہ رکھنے والوں کو بھی پارٹی تنظیموں میں شامل نہ کرنے کی ہدایات جاری کی گئی ہیں۔
پارٹی کے اعلامیہ کے مطابق تحریک انصاف کی تنظمیں بنانے کے لیے پینل تشکیل دیے جائیں، پارٹی کے ریجنل صدور اور جنرل سیکرٹریز ضلعی سطح پر پینل تیار کریں گے۔
تنظیموں میں نااہل، غیر فعال اور متنازع رہنماء شامل نہیں ہوں گے، ریجن کے عہدیداروں کی تقرری 29 اپریل، ضلعی عہدیداروں کی 9 مئی جبکہ تحصیل عہدیداروں کی تقرری 23 مئی تک مکمل کرنے کی ہدایات جاری کی گئی ہیں۔
پی ٹی آئی اعلامیہ کے مطابق نئی تنظیموں کی حتمی منظوری کا اختیار صرف پارٹی کے صوبائی صدر کو حاصل ہوگا۔
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ