وفاقی وزیر اطلاعات عطاءاللہ تارڑ کا سعودی میڈیا فورم 2025 میں اظہارِ خیال، پاکستان اور عالمی میڈیا تعاون پر زور
اشاعت کی تاریخ: 20th, February 2025 GMT
ریاض (نیوز ڈیسک) وفاقی وزیر اطلاعات عطاءاللہ تارڑ نے سعودی میڈیا فورم 2025ء کے زیر اہتمام مباحثے میں شرکت کی اور اظہارِ خیال کرتے ہوئے کہا کہ سعودی عرب میں وژن 2030ء کے تحت ہونے والی تبدیلیوں کو دیکھ کر خوشی ہوئی ہے۔ انہوں نے کہا کہ یہ وژن محض ایک خواب نہیں بلکہ حقیقت میں ڈھل چکا ہے، اور ولی عہد شہزادہ محمد بن سلمان کی قیادت میں سعودی عرب میں ایک عظیم انقلاب آ چکا ہے۔
عطاءاللہ تارڑ نے پاکستان میں میڈیا کے جدید تقاضوں سے ہم آہنگ ہونے پر زور دیتے ہوئے کہا کہ حکومت الیکٹرانک، پرنٹ اور ڈیجیٹل میڈیا کی ترقی کے لیے کام کر رہی ہے۔ ان کا کہنا تھا کہ پاکستان کی 24 کروڑ آبادی میں سے 18 کروڑ افراد انٹرنیٹ استعمال کر رہے ہیں، اور ملک کی 60 فیصد آبادی 30 سال سے کم عمر نوجوانوں پر مشتمل ہے۔ انہوں نے پاکستان کی تاریخی اور ثقافتی حیثیت پر روشنی ڈالتے ہوئے کہا کہ ہم دریائے سندھ کے کنارے بسنے والی ایک قدیم تہذیب کے امین ہیں اور پاکستانی قوم ایک متحرک اور پرجوش قوم ہے جو دنیا کی بلند ترین چوٹیوں کی محافظ ہے۔
وفاقی وزیر نے کہا کہ پاکستان کو ایسے میڈیا کی ضرورت ہے جو سماجی مسائل پر روشنی ڈالے اور عوام کو اپنی رائے کے اظہار کا موقع فراہم کرے۔ انہوں نے ٹیلنٹ اور ہنر کی شناخت پر زور دیتے ہوئے کہا کہ پاکستان میں باصلاحیت افراد کی کوئی کمی نہیں ہے۔ اس موقع پر انہوں نے آسکر ایوارڈ یافتہ شرمین عبید چنائے، نوبل انعام یافتہ ملالہ یوسفزئی اور ثمینہ بیگ جیسی باہمت خواتین کا ذکر کرتے ہوئے کہا کہ یہ پاکستان کا فخر ہیں۔ ثمینہ بیگ واحد پاکستانی خاتون کوہ پیما ہیں جنہوں نے ماﺅنٹ ایورسٹ اور کے ٹو سمیت دنیا کی سات بلند ترین چوٹیوں کو سر کیا ہے۔
عطاءاللہ تارڑ نے عالمی میڈیا کے ساتھ شراکت داری پر زور دیتے ہوئے کہا کہ پاکستان کے پاس بہترین نیوز چینلز، تفریحی چینلز، فلم سازی اور دستاویزی فلمیں بنانے کی بھرپور صلاحیت موجود ہے۔ انہوں نے کہا کہ اب وقت آ گیا ہے کہ نئے معاہدے کیے جائیں، اشتراک بڑھایا جائے اور عالمی میڈیا پر پاکستان کی شناخت کو مزید مضبوط کیا جائے۔ ان کا کہنا تھا کہ بین الاقوامی تعاون سے نہ صرف مواقع بڑھتے ہیں بلکہ انسانی ترقی بھی ممکن ہوتی ہے۔
انہوں نے عالمی مسائل پر درست معلومات کی فراہمی کی اہمیت کو اجاگر کرتے ہوئے کہا کہ غزہ جیسے عالمی مسائل کے بارے میں صحیح اور حقیقی معلومات فراہم کرنا ضروری ہے تاکہ دنیا وہاں ہونے والے مظالم سے آگاہ ہو سکے۔ انہوں نے مزید کہا کہ غلط معلومات اور جھوٹی خبروں کے پھیلاﺅ کو روکنے کے لیے ٹھوس اقدامات کی ضرورت ہے اور پاکستان میڈیا کے شعبے میں بین الاقوامی تعاون کا خیرمقدم کرتا ہے۔
عطاءاللہ تارڑ نے کہا کہ ترقی اور بہتری کی ہمیشہ گنجائش موجود رہتی ہے اور عالمی شراکت داری کے ذریعے مقامی میڈیا اداروں میں مثالی تبدیلی لائی جا سکتی ہے۔ انہوں نے کہا کہ بین الاقوامی تعاون کو فروغ دینا حکومت کی پالیسی کا حصہ ہے کیونکہ پاکستان کے پاس ایک عظیم ثقافتی ورثہ ہے اور یہاں کے لوگوں کے پاس بہت سی کہانیاں ہیں جو دنیا کے سامنے لانے کی ضرورت ہے۔
انہوں نے کہا کہ بین الاقوامی میڈیا آﺅٹ لیٹس کی پاکستان میں مقامی میڈیا آﺅٹ لیٹس کے ساتھ شراکت داری خوش آئند ہوگی، کیونکہ اس سے میڈیا کی ترقی میں نمایاں بہتری آئے گی۔ انہوں نے کہا کہ فیک نیوز اور مس انفارمیشن اس وقت دنیا کے سب سے بڑے چیلنجز میں شامل ہیں جو سماجی مسائل کو جنم دیتے ہیں، اور ہمیں اس چیلنج کا حل تلاش کرنے کی ضرورت ہے۔
وزیر اطلاعات نے تجویز دی کہ عالمی سطح پر ایک ایسا ادارہ ہونا چاہئے جہاں مصنوعی ذہانت کے ذریعے حقائق کی جانچ کا نظام موجود ہو۔ انہوں نے کہا کہ سوشل میڈیا پر مصنوعی ذہانت کے استعمال میں غیر جانبداری ضروری ہے، اور یہ کسی ایک جانب جھکاؤ نہیں رکھ سکتا۔ ان کا کہنا تھا کہ حقائق کی تصدیق کے لیے جامع، مستند اور معتبر نظام ناگزیر ہے تاکہ عوام اس پر بھروسہ کر سکیں۔
عطاءاللہ تارڑ نے کہا کہ عالمی میڈیا ادارے مقامی میڈیا کے ساتھ تعاون اور اشتراک کے لیے تیار ہیں، اور ایسی شراکت داری سے شفافیت کو فروغ ملے گا۔ انہوں نے کہا کہ پاکستانی میڈیا کو عالمی معیار کے مطابق ڈھالنے اور اس کی ساکھ کو مضبوط کرنے کے لیے مزید اقدامات کیے جا رہے ہیں، اور عالمی تعاون سے میڈیا انڈسٹری میں ایک مثبت انقلاب لایا جا سکتا ہے۔
.ذریعہ: Daily Mumtaz
کلیدی لفظ: عطاءاللہ تارڑ نے انہوں نے کہا کہ کہا کہ پاکستان بین الاقوامی عالمی میڈیا کی ضرورت ہے ہوئے کہا کہ شراکت داری اور عالمی میڈیا کے کے لیے
پڑھیں:
نہروں کا معاملہ افہام و تفہیم سے حل کرلیں گے، اس پر سیاست نہیں ہونی چاہیے، وزیر اطلاعات عطااللہ تارڑ
وفاقی وزیراطلاعات و نشریات عطااللہ تارڑ نے کہا ہے کہ نہروں کے معاملے پر کوئی سیاست نہیں ہونی چاہیے، یہ معاملہ افہام و تفہیم سے حل ہو جائےگا، پیپلزپارٹی سے تمام معاملات پر مشاورت کی جائےگی۔
ٹوبہ ٹیک سنگھ میں میڈیا سے گفتگو کرتے ہوئے ہوئے انہوں نے کہاکہ وفاق جو بھی منصوبہ بندی کرے گا اس پر اتحادیوں کے ساتھ مشاورت کی جائے گی، ملک کی معاشی بہتری کے لیے اقدامات کیے جارہے ہیں۔
یہ بھی پڑھیں حکومت متنازع نہری منصوبہ روکے ورنہ ساتھ نہیں چل سکتے، بلاول بھٹو نے شہباز شریف کو خبردار کردیا
انہوں نے کہا کہ پیپلز پارٹی ہماری اتحادی جماعت ہے، تمام معاملات پر اس سے مشاورت کی جائے گی، نہروں کے معاملے پر کوئی سیاست نہیں ہونی چاہیے، اتحادیوں کے تحفظات دور کرنا ہمارا فرض ہے، نہروں کا معاملہ افہام و تفہیم سے حل کیا جائے گا۔
وفاقی وزیر نے کہاکہ 1991 کا واٹر بورڈ، ارسا ایکٹ اور ارسا بھی موجود ہے، اس کے علاوہ آئین و قانون بھی موجود ہے، آج شرجیل میمن نے بھی کہاکہ معاملہ افہام و تفہیم سے حل ہوگا، ان کی پارٹی کی بھی یہی سوچ ہے۔
ان کا کہنا تھا کہ پیپلز پارٹی ہماری اتحادی ہے، اس کے پاس آئینی عہدے بھی ہیں، صدارت بھی ہے، گورنرشپ بھی ہے، چیئرمین سینیٹ بھی ہے، جب ہم اتحادی ہیں تو اتحاد کا تقاضا یہ ہے کہ مذاکرات کے ذریعے مسائل حل ہوں۔
عطااللہ تارڑ نے کہاکہ ارسا ایکٹ کے مطابق کسی صوبے کا پانی کسی دوسرے صوبے کو نہیں جاسکتا، پانی کی منصفانہ تقسیم کا نظام موجود ہے، ہماری لیڈرشپ سمجھتی ہے کہ معاملات بات چیت سے حل کیے جائیں اور اتحادیوں کے جو بھی تحفظات ہیں وہ دور کیے جائیں۔
واضح رہے دریائے سندھ سے کینالز نکالنے کے معاملے پر پیپلزپارٹی اور مسلم لیگ ن کے آمنے سامنے ہیں۔
گزشتہ روز چیئرمین پاکستان پیپلزپارٹی بلاول بھٹو نے کہا تھا کہ اگر وفاقی حکومت متنازع نہری منصوبے کو ختم کرنے کا اعلان نہیں کرتی تو ہم حکومت کی حمایت سے دستبردار ہو جائیں گے۔
مزید پڑھیں متنازع کینالز منصوبہ: نواز شریف اور شہباز شریف کی پیپلزپارٹی کے تحفظات دور کرنے کی ہدایت
اس سارے معاملے پر آج وزیراعظم پاکستان شہباز شریف اور صدر پاکستان مسلم لیگ ن نواز شریف نے پیپلزپارٹی کے تحفظات دور کرنے کی ہدایت کردی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آمنے سامنے بلاول بھٹو پیپلزپارٹی دریائے سندھ شہباز شریف کینالز متنازع نہری منصوبہ مسلم لیگ ن نواز شریف وی نیوز
عمران خان کو مذاکرات کے لیے راضی کیا، بات چیت سود مند ہوگی، اعظم سواتی