آئی سی سی چیمپئنز ٹرافی‘ میچز کیلیے فول پروف سیکورٹی کے انتظامات
اشاعت کی تاریخ: 20th, February 2025 GMT
کراچی ( اسٹاف رپورٹر) آئی سی سی چیمپئنز ٹرافی کے میچز کے حوالے سے فول پروف سیکورٹی انتظامات کیے گئے ہیں۔ ہوٹلز سے نیشنل اسٹیڈیم اور ائرپورٹ تک ایس ایس یو اور دیگر قانون نافذ کرنے والے اداروں کے 6700 سے زائد اہلکار تعینات کیے گئے ہیں۔سیکورٹی پلان کے مطابق آئی سی سی چیمپئنز ٹرافی کے 3 میچز شیڈول ہیں، جن میں سے کل پہلا میچ کھیلا جاچکاہے جبکہ دیگر 2 میچز 21 فروری اور یکم مارچ کو کھیلے جائیں گے۔ ایس ایس یو کی خواتین اہلکاروں سمیت 1045 کمانڈوز اپنے فرائض انجام دے رہے ہیں جبکہ سیکورٹی ڈویژن کے1745، ٹریفک پولیس کے 1390 اور اسپیشل برانچ کے328 اہلکار سیکورٹی پر مامور ہیں۔سیکورٹی اہلکار نیشنل بینک کرکٹ اسٹیڈیم، کراچی ائرپورٹ، روٹس، پارکنگ پوائنٹس، ہوٹلز اور دیگر مختلف مقامات پر مامور ہیں جبکہ حساس مقامات پر ماہر نشانہ باز تعینات کیے گئے ہیں ۔ کسی بھی ہنگامی صورتحال سے نمٹنے کے لیے جدید تربیت یافتہ کمانڈوز پر مشتمل ٹیم بھی الرٹ ہے جبکہ کمانڈوز پر مشتمل ٹیم اسٹیڈیم کے اطراف گشت پر مامور ہیں۔ڈی آئی جی ٹریفک کراچی سید پیر محمد شاہ کا کہنا ہے کہ سیکورٹی انتظامات دیگر متعلقہ اداروں کے اشتراک کے ساتھ بنایا گیا ہے، ایس ایس یو کی خصوصی کمانڈ اینڈ کنٹرول بس اسٹیڈیم کے اطراف امن و امان کی نگرانی کے لیے تعینات کی جائے گی۔دریں اثنا کراچی میں چیمپئنز ٹرافی کے میچز کے لیے ٹریفک پلان جاری کردیا گیا ہے، سر شاہ سلیمان روڈ ٹریفک کے لیے کھلا رہے گا، نیشنل اسٹیڈیم آنے والے نیشنل کوچنگ سینٹر اور چائنا گراؤنڈ میں گاڑی پارک کریں گے۔کار ساز سے آنے والے فلائی اوور کے نیچے سے کوچنگ سینٹر اور چائنا گراؤنڈ پہنچیں گے، ہیوی ٹریفک سہراب گوٹھ سے نیپا اور لیاقت آباد سے حسن اسکوائر جاسکے گا۔
.ذریعہ: Jasarat News
کلیدی لفظ: چیمپئنز ٹرافی کے لیے
پڑھیں:
پی ایس ایل 10 میں کراچی کنگز کی تیسری کامیابی، پشاور زلمی کو 2 وکٹوں سے شکست دیدی
پاکستان سپر لیگ (پی ایس ایل) 10 کے گیارہویں میچ میں کراچی کنگز نے پشاور زلمی کو 2 وکٹوں سے شکست دے دی۔
یہ بھی پڑھیں اسٹیڈیم جا کر پی ایس ایل کے میچز دیکھیں اور پائیں قیمتی انعامات، پی سی بی کا بڑا اعلان
آج کا میچ کراچی کے نیشنل اسٹیڈیم میں کھیلا گیا جہاں کراچی کنگز کے کپتان ڈیوڈ وارنر نے ٹاس جیت کر پشاور زلمی کے کپتان بابر اعظم کو بیٹنگ کی دعوت دی۔
پشاور زلمی نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 147 رنز بنائے، جبکہ جواب میں کراچی کنگز نے ہدف آخری اوور میں 8 وکٹوں کے نقصان پر حاصل کرلیا۔
کراچی کنگز کی اننگزکراچی کنگز کی جانب سے کپتان ڈیوڈ وارنر نے 60 رنز کی اننگز کھیلی اور نمیاں بیٹر رہے، اس کے علاوہ خوشدل شاہ 23، محمد نبی 14، جمیز وینس 11، عرفان خان 10 اور سعد بیگ نے 9 اسکور بنائے۔
پشاور زلمی کی جانب سے لیوک ووڈ نے 3 کھلاڑیوں کو آؤٹ کیا، جبکہ علی رضا 2، الزاری جوزف اور عارف یعقوب ایک ایک کھلاڑی کو پویلین بھیجنے میں کامیاب رہے۔
پشاور زلمی کی اننگزپشاور زلمی کی جانب سے کپتان بابر اعظم نے 46 رنز کی اننگز کھیلی، اس کے علاوہ محمد حارث 28، حسین طلعت 18، ٹام کوہلر کیڈمور 7، مچل اوون 5، صائم ایوب 4، لیوک ووڈ اور عبدالصمد نے 2،2 رنز اسکور کیے۔
پشاور زلمی کے کھلاڑی الزاری جوزف 24 اور عارف یعقوب ایک رن بنا کر ناٹ آؤٹ رہے۔
کراچی کنگز کی جانب سے خوشدل شاہ اور عباس آفریدی نے 3،3 کھلاڑیوں کو آؤٹ کیا، جبکہ میر حمزہ اور عامر جمال ایک ایک کھلاڑی کو آؤٹ کرنے میں کامیاب رہے۔
کراچی کنگز اسکواڈآج کے میچ میں کراچی کنگز کی قیادت ڈیوڈ وارنر کررہے ہیں، جبکہ ٹیم میں ٹِم سائیفرٹ (وکٹ کیپر)، جیمز ونس، سعد بیگ، خوشدل شاہ، محمد نبی، عامر جمال، عرفان خان نیازی، عباس آفریدی، حسن علی، میر حمزہ شامل ہیں۔
پشاور زلمی اسکواڈپشاور زلمی کے کپتان بابر اعظم ہیں، جبکہ دیگر ٹیم صائم ایوب، محمد حارث (وکٹ کیپر)، ٹام کوہلر-کیڈمور، مچل اوون، حسین طلعت، عبدالصمد، لیوک ووڈ، الزاری جوزف، عارف یعقوب اور علی رضا پر مشتمل ہے۔
یہ بھی پڑھیں پی ایس ایل: بائننس اور اسلام آباد یونائیٹڈ کی پارٹنرشپ کا اعلان
یاد رہے کہ کراچی کنگز نے آج کے میچ میں کامیابی کے بعد پوائنٹس ٹیبل پر دوسری پوزیشن حاصل کرلی ہے، جبکہ اسلام آباد 4 پوائنٹس کے ساتھ سرفہرست ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان سپر لیگ پشاور زلمی پی ایس ایل فیلڈنگ کا فیصلہ کراچی کنگز وی نیوز
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ