چیمپئنز ٹرافی:نیوزی لینڈ کیخلاف پاکستان کا کون سا بالر ٹیم کو بہت مہنگا پڑا؟
اشاعت کی تاریخ: 20th, February 2025 GMT
کراچی:آئی سی سی چیمپئنز ٹرافی کے افتتاحی میچ میں پاکستان کے بالرز کی کارکردگی ملی جلی رہی۔ میچ میں مہمان ٹیم نیوزی لینڈ نے پاکستانی شاہینز کو 320 سے زائد رنز کا ہدف دیا، اس دوران نیشنل اسٹیڈیم میں کھیلے گئے اس میچ میں پاکستانی بالرز نے کچھ شاندار پرفارمنس بھی دکھائی جب کہ کچھ ٹیم کے لیے بہت مہنگے ثابت ہوئے۔
نیوزی لینڈ کے خلاف میچ میں حارث رؤف پاکستانی ٹیم کے لیے سب سے مہنگے بالر ثابت ہوئے۔ انہوں نے اپنے 10 اوورز میں83 رنز دیے اور 2وکٹیں حاصل کیں۔ ان کا اکانومی ریٹ8.
اسی طرح شاہین آفریدی بھی ٹیم کے لیے کچھ زیادہ اچھے ثابت نہیں ہوئے، انہوں نے اپنے نے 10 اوورز میں68 رنز دیے اور کوئی وکٹ بھی حاصل نہیں کر سکے۔ ان کا اکانومی ریٹ 6.80 رہا۔جو کہ ان کے لیے معیار سے کم تھا۔
قومی ٹیم کے فاسٹ بالر نسیم شاہ نے بھی 10 اوورز میں63 رنز دے کر 2وکٹیں حاصل کیں۔ ان کا اکانومی ریٹ6.30 رہا،جو ان کے لیے نسبتاً بہتر رہا مگر وہ نیوزی لینڈ کے بلے بازوں کو روکنے میں مکمل طور پر کامیاب نہیں ہو سکے۔
افتتاحی میچ میں ابرار احمد پاکستان کے بہترین بالر ثابت ہوئے۔ انہوں نے اپنے 10 اوورز میں صرف 47 رنز دیے اور ایک وکٹ حاصل کی۔ ان کا اکانومی ریٹ 4.70 تھا، جو ان کی شاندار گیند بازی کا عکاس ثابت ہوا۔ ابرار نے اپنی گھومتی گیندوں سے نیوزی لینڈ کے بلے بازوں کو پریشان کیے رکھا۔
خوش دل شاہ نے بھی 7 اوورز میں 70 رنز دیے، جس کا اکانومی ریٹ 5.71 رہا، تاہم وہ کوئی وکٹ حاصل نہیں کر سکے۔ دوسری طرف سلمان علی آغا نے صرف 3اوورز کروائے، جس میں انہوں نے 15 رنز دیے لیکن وہ بھی وکٹوں سے محروم رہے۔
واضح رہے کہ نیوزی لینڈ نے ٹام لاتھم، ول یانگ اور گلین فلپس کی شاندار بیٹنگ کی بدولت پاکستان کو 321 سے زائد رنز کا ہدف دیا ہے۔ ول یانگ نے 107 رنز کی شاندار سنچری بنائی جب کہ ٹام لاتھم اور گلین فلپس نے آخری اوورز میں جارحانہ بیٹنگ کرتے ہوئے 125 رنز کا اضافہ کیا۔
میچ کے دوران پاکستانی بالرز کی کارکردگی میں کچھ خامیاں نظر آئیں، خاص طور پر حارث رؤف اور شاہین آفریدی کی مہنگی پڑنے والی بالنگ نے نیوزی لینڈ کو بڑا اسکور بنانے میں مدد دی،تاہم، ابرار احمد کی شاندار پرفارمنس ایک مثبت پہلو تھا۔ پاکستانی ٹیم کو اگلے میچز میں بالنگ یونٹ کو زیادہ موثر بنانے کی ضرورت ہوگی تاکہ وہ ٹورنامنٹ میں کامیابی کے لیے مضبوط ثابت ہو سکیں۔
ذریعہ: Al Qamar Online
کلیدی لفظ: ان کا اکانومی نیوزی لینڈ ٹیم کے لیے اوورز میں کی شاندار انہوں نے میچ میں رنز دیے
پڑھیں:
لاہور، اسرائیل کی غزہ پر بربریت کیخلاف آئی ایس او کا احتجاج
مظاہرے میں آئی ایس او پاکستان اور ایم ڈبلیو ایم کے کارکنوں کی بڑی تعداد شریک ہوئی۔ مظاہرین نے ہاتھوں میں پلے کارڈ اور پرچم اٹھا رکھے تھے۔ مظاہرین نے اسرائیل اور امریکہ کیخلاف شدید نعرے بازی کی۔ مظاہرین سے خطاب کرتے ہوئے مقررین نے اسرائیل کی غزہ پر جارحیت کی شدید الفاظ میں مذمت کی۔ انہوں ںے کہا کہ مسئلہ فلسطین پر عالم عرب کی خاموشی اسرائیل کی حمایت کے مترادف ہے۔ اسلام ٹائمز۔ امامیہ سٹوڈنٹس آرگنائزیشن پاکستان لاہور ڈویژن اور مجلس وحدت مسلمین لاہور کے زیراہتمام اسرائیلی بربریت کیخلاف لاہور پریس کلب کے باہر احتجاجی مظاہرہ کیا گیا۔ مظاہرے کی قیادت ایم ڈبلیو ایم کے رہنما علامہ سید حسن رضا ہمدانی، علامہ اسد عباس نقوی، حیدر ثقفی سمیت دیگر نے کی، جبکہ مظاہرے میں آئی ایس او پاکستان اور ایم ڈبلیو ایم کے کارکنوں کی بڑی تعداد شریک ہوئی۔ مظاہرین نے ہاتھوں میں پلے کارڈ اور پرچم اٹھا رکھے تھے۔ مظاہرین نے اسرائیل اور امریکہ کیخلاف شدید نعرے بازی کی۔ مظاہرین سے خطاب کرتے ہوئے مقررین نے اسرائیل کی غزہ پر جارحیت کی شدید الفاظ میں مذمت کی۔ انہوں ںے کہا کہ مسئلہ فلسطین پر عالم عرب کی خاموشی اسرائیل کی حمایت کے مترادف ہے۔
انہوں نے کہا کہ پاکستان کے عوام اپنے مظلوم فلسطینی بھائیوں کے شانہ بشانہ کھڑے ہیں، ہم فلسطین کے دو ریاستی حل کو مسترد کرتے ہیں، فلسطین کا واحد حل اسرائیل کی ناجائز ریاست کا مکمل خاتمہ ہے۔ علامہ حسن رضا ہمدانی نے کہا کہ فلسطین ان شاء اللہ آزاد ہوگا، اور بہت جلد ہم قبلہ اول میں نماز ادا کریں گے۔ انہوں نے کہا کہ پوری دنیا بھی اسرائیل کی حمایت میں نکل آئے، غیور مسلمان، ایران، حزب اللہ، حوثی مجاہدین فلسطینیوں کیساتھ کھڑے رہیں گے۔ انہوں نے کہا کہ ٹرمپ کا غزہ کے حوالے سے للچائی ہوئی نظروں سے دیکھنا، اس کا خواب ہی رہے گا جو کبھی پورا نہیں ہوگا۔ مقررین نے پاکستان میں اسرائیلی حمایت یافتہ تنظیم ’’شراکہ‘‘ کی بڑھتی ہوئی سرگرمیوں پر گہری تشویش کا اظہار کرتے ہوئے اس پر فوری پابندی لگانے کا مطالبہ کیا اور مظاہرین نے کہا کہ اسرائیل کا دورہ کرنیوالے صحافیوں نے پاکستانی پاسپورٹ اور ملکی وقار کیخلاف گھناونی حرکت کی ہے، ان کیخلاف بھی سخت تادیبی کارروائی عمل میں لائی جائے۔ مظاہرے کے اختتام پر مظاہرین نے امریکی و اسرائیلی پرچم نذرآتش کئے۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی