چیمپیئنز ٹرافی ریکارڈز: نیوزی لینڈ 5 سینچریوں کے ساتھ انگلینڈ کے برابر
اشاعت کی تاریخ: 19th, February 2025 GMT
نیوزی لینڈ چیمپییئنز ٹرافی کی تاریخ میں کل 5 سینچریاں بناکر انگلینڈ کے برابر پہنچ گیا جس نے بھی اس میگا ایونٹ میں اب تک اتنے انفرادی سینکڑے اسکور کیے ہیں۔
یہ بھی پڑھیں: چیمپیئنز ٹرافی: نیوزی لینڈ کے خلاف افتتاحی میچ میں پاکستان کی بیٹنگ لائن لڑکھڑا گئی، 8 کھلاڑی آؤٹ
کیویز کے 2 کھلاڑیوں نے کراچی میں ہونے والے آئی سی سی چیمپیئنز ٹرافی 2025 کے افتتاحی میچ میں پاکستان کے خلاف سینچریاں اسکور کیں۔ یہ کارنامہ انجام دینے والے ول ینگ (107 رنز) اور ٹام لیتھم نے (118 رنز ناٹ آؤٹ) شامل ہیں۔
ول ینگ اور ٹام لیتھم آئی سی سی چیمپئنز ٹرافی کی تاریخ میں ایک ہی اننگز میں سینچری بنانے والے نیوزی لینڈ کے پہلی اور مجموعی طور پر 5ویں جوڑی بن گئی ہے۔ اس ایڈیشن سے پہلے کے چیمپیئنز ٹرافی مقابلوں میں نیوزی لینڈ کی جانب سے کل 3 سینچریاں نیتھن ایسٹل، کرس کیرنز اور کین ولیمسن نے بنائی تھیں۔
چیمپیئنز ٹرافی کے گزشتہ ایڈیشنز کی انفرادی سینچریاںچیمپیئنز ٹرافی کے گزشتہ آٹھوں ایڈیشنز میں کل 50 انفرادی سینچریاں اسکور کی گئی تھیں۔
سب سے زیادہ سینچریاں بھارت کی جانب سے بنائی جا چکی ہیں جن کی تعداد 10 ہے۔
مزید پڑھیے: چیمپیئنز ٹرافی سے قبل بھارتی ٹیم کے کھلاڑی کی عمرہ ادائیگی
دیگر ٹیموں میں سری لنکا 7، ویسٹ انڈیز 6، جنوبی افریقہ 6 اور انگلینڈ 5 سینچریوں کے ساتھ سر فہرست تھے۔ نیوزی لینڈ کی کل 3 سینچریاں تھیں تاہم اب چیمپیئنز ٹرافی کے 9ویں ایڈیشن کے پہلے میچ اس کی جانب سے 2 سینچریاں اسکور کرلی گئیں جس کے بعد کیویز اب انگلیںڈ کے برابر آگئے جس نے 5 سینچریاں اسکور کی ہوئی ہیں۔
پاکستان کی کتنی سینچریاں؟چیمپیئنز ٹرافی 2025 کے میزبان پاکستان نے اب تک کل 4 سینچریاں بنائی ہیں۔ اس کے علاوہ بنگلہ دیش نے 4، آسٹریلیا نے 3 اور زمبابوے نے 2 انفرادی سینچریاں اسکور کی ہیں۔
مزید پڑھیں: چیمپیئنز ٹرافی میں پاکستانی کھلاڑیوں کی کارکردگی
بھارت کے شیکھر دھون اور سورو گنگولی، جنوبی افریقہ کے ہرشل گبز اور ویسٹ انڈیز کے کرس گیل نے 3، 3 سینچریاں بنائیں۔ پاکستان کی جانب سے سعید انور نے 2 سینچریاں اسکور کیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی چیمپیئنز ٹرافی 20225 چیمپیئنز ٹرافی ریکارڈز چیمپیئنز ٹرافی سینچریاں نیوزی لینڈ.ذریعہ: WE News
کلیدی لفظ: ا ئی سی سی چیمپیئنز ٹرافی 20225 چیمپیئنز ٹرافی سینچریاں نیوزی لینڈ سینچریاں اسکور کی چیمپیئنز ٹرافی نیوزی لینڈ کی جانب سے لینڈ کے
پڑھیں:
امریکی ٹیرف مذاکرات میں پاکستان سمیت دنیا کے دیگر ممالک خوشامد سے باز رہیں، چین کا انتباہ
بیجنگ (اوصاف نیوز)چین نے پاکستان سمیت دنیا کے دیگر ممالک کو سخت الفاظ میں خبردار کیا ہے کہ وہ امریکی صدر ڈونلڈ ٹرمپ کی جانب سے عائد کردہ درآمدی ٹیکسوں (ٹیرف) سے متعلق مذاکرات کے دوران امریکا کی خوشامد کرنے سے گریز کریں..
چین کی وزارتِ تجارت کے ترجمان کا کہنا ہے کہ ”خوشامد سے کبھی امن حاصل نہیں ہوتا اور نہ ہی اس سے عزت کمائی جا سکتی ہے۔“یہ بیان اُس وقت سامنے آیا ہے جب امریکی میڈیا رپورٹوں کے مطابق، ٹرمپ انتظامیہ دیگر حکومتوں پر چین کے ساتھ تجارت کو محدود کرنے کے بدلے میں درآمدی محصولات میں رعایت دینے کی پیشکش کرنے پر غور کر رہی ہے۔
اس سلسلے میں امریکا نے اپنے تجارتی شراکت داروں کے ساتھ مذاکرات کا آغاز کر دیا ہے۔ جاپان کا وفد گزشتہ ہفتے واشنگٹن کا دورہ کر چکا ہے، جبکہ جنوبی کوریا کے ساتھ مذاکرات رواں ہفتے شروع ہو رہے ہیں۔
چینی وزارتِ تجارت کے ترجمان نے واضح کیا کہ چین انصاف، بین الاقوامی تجارتی قواعد، اور کثیر الجہتی تجارتی نظام کا دفاع کرتا ہے اور تمام ممالک کو بھی یہی رویہ اپنانا چاہیے۔
واضح رہے کہ ”وال سٹریٹ جرنل“ میں شائع ہونے والی ایک رپورٹ کے مطابق، امریکہ درجنوں ممالک پر دباؤ ڈالنے کا ارادہ رکھتا ہے تاکہ وہ چین کے ساتھ اپنی تجارتی سرگرمیاں محدود کریں، بصورتِ دیگر اُنہیں درآمدی ٹیرف سے استثنیٰ نہیں دیا جائے گا۔
دوسری جانب، جاپانی آن لائن ٹریڈنگ پلیٹ فارم ”مونیکس گروپ“ کے تجزیہ کار جیسپر کول نے کہا ہے کہ جاپان کے لیے امریکہ اور چین دونوں اہم تجارتی پارٹنر ہیں، جہاں اسے 20 فیصد منافع امریکہ اور 15 فیصد چین سے حاصل ہوتا ہے۔ ان کا کہنا تھا کہ جاپان کسی بھی صورت میں ان دونوں بڑی معیشتوں میں سے کسی ایک کو چننا نہیں چاہے گا۔
ایران میں قتل 8 پاکستانیوں کی لاشیں ابھی تک تفتان نہیں لائی گئیں، ڈی سی چاغی