نائب وزیراعظم اسحاق ڈار کی نیویارک میں سعودی نائب وزیر خارجہ سے ملاقات
اشاعت کی تاریخ: 19th, February 2025 GMT
نائب وزیراعظم اسحاق ڈار نے آج نیویارک میں سعودی نائب وزیر خارجہ انجینئرعبدالکریم الخیریجی سے مُلاقات کی۔ دونوں سربراہان نے دیرینہ سعودی پاک تعلقات کے حوالے سے اپنے غیر متزلزل عزم کا اظہار کرتے ہوئے، مستقبل میں سکیورٹی اور معاشی تعلقات کو مزید مضبوط کرنے کے عزم کا اعادہ بھی کیا۔
اسحاق ڈار نے سعودی ولی عہد محمد بن سلمان اور سعودی فرمانروا شاہ سلمان بن عبدالعزیز السعود کی وژنری قیادت کے زیر اثر سعودی عرب کی شاندار ترقی اور علاقائی، عالمی امن کے حوالے سے سعودی عرب کے مرکزی کردار کی تعریف کی۔
یہ بھی پڑھیےسعودی عرب پاکستان میں مزید 600 ملین ڈالر کی سرمایہ کاری کرے گا، دونوں ممالک میں اتفاق
دونوں مُلکوں کے مابین گہرے تزویراتی اور معاشی تعلقات کو مدنظر رکھتے ہوئے دونوں مُلکوں نے معاشی تعاون کو مزید وسعت دینے، تجارت، سرمایہ کاری اور کمرشل شعبوں میں تعاون کو مزید وسعت دینے پر اتفاق کرتے ہوئے کہا کہ پاکستان میں سرمایہ کاری کے وسیع مواقع موجود ہیں۔
دونوں رہنماؤں نے مشرقِ وسطیٰ کی حالیہ صورتحال بالخصوص غزہ اور مغربی کنارے پر انسانی صورتحال کے بارے میں تبادلہ خیال کیا۔
اُنہوں نے کہا کہ غزہ میں جنگ بندی پر پوری طرح سے عمل درآمد ہونا چاہیے، اِس کے ساتھ ساتھ غزہ کے لوگوں تک انسانی امداد کی رسائی میں کوئی رکاوٹ نہیں ہونی چاہیے، اور غزہ میں تعمیر نو کا کام جلد شروع ہونا چاہیے۔ دونوں سربراہان نے فلسطین میں دو ریاستی حل کی جانب جلد پیش رفت پر بھی زور دیا۔
یہ بھی پڑھیےپاکستان سعودی عرب کے وژن 2030 سے سیکھنے کے لیے پُرعزم ہے، وزیر خزانہ محمد اورنگزیب
دونوں رہنماؤں نے مسلمہ اُمہ کو درپیش مسائل کے حوالے سے او آئی سی کے مزید فعال کردار پر بھی زور دیا۔
مُلاقات میں دونوں مُلکوں کی ترقی اور استحکام کے لیے پاکستان اور سعودی عرب کی کثیرالجہتی شراکت داری کو اور مضبوط کرنے کے عزم کا اعادہ بھی کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار انجینئر عبدالکریم الخیریجی پاکستان سعودی عرب.ذریعہ: WE News
کلیدی لفظ: اسحاق ڈار انجینئر عبدالکریم الخیریجی پاکستان اسحاق ڈار
پڑھیں:
نائب وزیراعظم و وزیر خارجہ اسحاق ڈار کابل روانہ
اسلام آباد:نائب وزیراعظم و وزیر خارجہ اسحاق ڈار ایک روزہ دورہ پر کابل روانہ ہو گئے ہیں۔
ترجمان دفتر خارجہ کے مطابق اسحاق ڈار کے ہمراہ وفد میں سیکرٹری داخلہ، سیکرٹری ریلوے، وزارت خارجہ اور ایف بی آر کے سینئر افسران شامل ہیں۔
دورے کے دوران نائب وزیراعظم و وزیر خارجہ اسحاق ڈار افغان قائم مقام وزیر اعظم ملا محمد حسن اخوند سمیت عبوری افغان حکام سے اہم ملاقاتیں کریں گے۔
مزید پڑھیں: پاک افغان تعلقات میں بڑا بریک تھرو، نائب وزیراعظم اسحاق ڈار کل کابل کا دورہ کریں گے
افغان وزیر خارجہ امیر خان متقی کے ساتھ وفود کی سطح پر مذاکرات بھی کریں گے۔ مذاکرات میں پاکستان اور افغانستان کے تعلقات کے تمام پہلوؤں کا جائزہ لیا جائے گا۔
ترجمان دفتر خارجہ کا کہنا ہے کہ دورے کے دوران باہمی مفادات کے تمام شعبوں بشمول سیکیورٹی، تجارت، رابطے اور عوام سے عوام کے تعلقات میں تعاون کو گہرا کرنے کے طریقوں اور ذرائع پر توجہ دی جائے گی۔
نائب وزیراعظم کا یہ دورہ پاکستان کی جانب سے برادر ملک افغانستان کے ساتھ مستقل اور مضبوط روابط کے عزم کا مظہر ہے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج