Daily Ausaf:
2025-04-22@06:21:04 GMT

کیا ملک میں اقتصادی ترقی ہورہی ہے؟

اشاعت کی تاریخ: 19th, February 2025 GMT

اس وقت سب سے ہم سوال یہ ہے کہ کیا ملک میں اقتصادی ترقی ہورہی ہے اور اگر ایسا ہے تو پھر غربت کا عفریت ہرسو کیوں نظرآرہاہے؟ بعض معاشی ماہرین کا خیال ہے کہ دولت چند افراد کے گرد گھوم رہی ہے۔ اگر سرمایہ کاری ہوبھی رہی ہے تو فی الحال اس کے نتائج مثبت انداز میں سامنے نظرنہیں آرہے ہیں۔ بلکہ روزگار ہوتے ہوئے بھی روزگار نہیں ہے۔ بلکہ یوں کہاجائے تو مناسب ہوگاکہ روزگار کے ذرائع چند طبقات تک محدود ہیں‘ یہی وجہ ہے کہ نوجوانوں کی ایک بڑی تعدادبے روزگار اور تنہائی کاشکار ہے۔ کیوں انہیں ایک طرف روزگار نہیں مل رہاہے تو دوسری طرف ان کی داد رسی کرنے والا بھی موجود نہیں ہے۔ یہ پاکستانی سماج کاافسوسناک منظر ہے۔ یہی وجہ ہے کہ بے روزگار لوگوں کو سماج دشمن عناصر بہکاکر سمندری راستوں سے نوکری دلانے کے لئے لے جاتے ہیں جس میں اکثریت منزل پر پہنچنے سے قبل ہی سمندر برد ہوجاتے ہیں‘ یہ کتنا بڑا المیہ ہے۔
تاہم پاکستان کے ہنرمند اور غیر ہنرمند افراد کا بیرون ملک جانا ملک کی ترقی کے پس منظر میں ایک اچھی علامت ہے ۔اگر اس ہی افرادی قوت کیلئے پاکستان میں روزگار کے ذرائع پیدا کئے جائیں تو ایک طرف بے روزگاری ختم ہوسکتی ہے تو دوسری طرف افراد ی قوت کا بیرونی ممالک میں روزگار کی تلاش میں جانا کوئی مناسب بات نہیں ہے۔ اس لئے پاکستان کے سرمایہ کاروں کوچاہیے کہ وہ ملک میں روزگار کے مناسب حالات پیداکریں۔ صنعتوں کے قیام سے کسی حد تک بے روزگاری ختم ہوسکتی ہے۔نیز زرعی شعبے کو سائنٹفک انداز میں ترقی دے کر روزگار کے لئے ذرائع پیدا کئے جاسکتے ہیں۔ لیکن سوال یہ پیدا ہوتاہے یہ سب کچھ کیسے ممکن ہے تاہم موجودہ حکومت کے پاس ملک میں روزگار کے سلسلے میں کوئی واضح پالیسی نہیں ہے۔ یہ حکومت ایڈہاک کی بنیاد پر کام کررہی ہے‘ ظاہر ہے کہ اس طریقہ کار سے اقتصادی ترقی کی مضبوط بنیاد قائم نہیں ہوسکتی ہے اور نہ کبھی ایسا ہوا ہے۔
پڑھے لکھے نوجوانوں کو ملک میں ان کی مرضی سے نوکریاں نہیں مل رہی جبکہ اثررسوخ رکھنے والے نوجوان بے آسانی حاصل کرلیتے ہیں جو ایک مناسب بات نہیں ہے اور نہ ہی مناسب طریقہ کار ہے۔دراصل پاکستان میں سرمائے کی کمی نہیں ہے۔ بلکہ حقیقت یہ ہے کہ سرمایہ داروں نے اپنا پیسہ روک رکھاہے‘ یا پھر اس کو بیرونی ممالک میں invest کیاہے جو اس ملک کے لئے بہتری لاسکتاہے ‘ لیکن پاکستان کے اور اس کے عوام کے لئے نہیں۔ یہی وجہ ہے کہ پاکستان ابھی تک معاشی طورپر ٹیک آف نہیں کرسکاہے۔ ترقی کے آثار تو دکھائی دے رہے ہیں‘ لیکن اس کے واضع اثرات عوام تک نہیں پہنچ رہے اور نہ ہی پاکستان سے غربت کسی حد تک کم ہوئی ہے۔
دوسری طرف آبادی مسلسل بڑھ رہی ہے ‘ لیکن اس تناسب سے معاشی ترقی نہیں ہورہی ہے‘ اور نہ روزگار کے ذرائع پیدا ہورہے ہیں‘ اس پس منظر میں غربت بتدریج بڑھ رہی اور عوام کے نچلے اور متوسط بقے میں مایوسی گھر کررہی ہے‘ دراصل ملک ترقی حکومت کی معاشی پالیسیوں سے ہوسکتی ہے‘ نیز کرپشن کوختم کرنے سے بھی‘ لیکن مشاہدے میں یہ بات آئی ہے کہ نہ تو ملک میں کرپشن ختم ہوا ہے اور نہ ہی روزگار کے ذرائع پیدا ہورہے ہیں‘ نئے کارخانے نہیں لگ رہے ہیں۔ حکومت محض بیانات داغنے کے علاوہ اس کے پاس کوئی ٹھوس روڈ میپ نہیں ہے۔ یہی وجہ ہے کہ بے روزگاری بڑھ رہی ہے اور اس کے ساتھ ہی عوام میں مایوسی بھی۔ مزید برآں مہنگائی ابھی تک کم نہیں ہوئی ہے اور نہ ہی اس کے کم ہونے کے آثار نظر آرہاہے ہیں‘ اگر صوبائی حکومتیں مہنگائی روکنے کے سلسلے میں چیک اینڈ بیلنس کی حکمت عملی اختیار کریں تو بہت حد تک مہنگائی میں واضح کمی ہوسکتی ہے۔
مہنگائی کو کم کرنے کے سلسلے میں روزگار کے ذرائع بھی پیداکرنا وقت کی اہم ضرورت ہے۔ اگر ہم ہنرمند کو ملک کے اندر روزگار کے ذرائع مہیا کردیں تو انہیں غلط طریقوں سے ملک سے باہر جانا سودمند نہیں ہوگا۔پاکستان کے اندر اب بھی معاشی حالات اتنے برے نہیں ہیں کہ ہنرمند اور غیرہند لوگوں کو روزگار نہ مل سکے۔ جب عورتیں روزگار حاصل کرسکتی ہیں اور تومرد بھی کرسکتے ہیں بلکہ کررہے ہیں۔
دراصل موجودہ حکومت بیانات کے ذریعے اپنا بھرم قائم کئے ہوئے ہیں‘حالانکہ زمینی حقائق روزگار اور خوشحال زندگی کے حوالے سے زیادہ مناسب نہیں ہیں‘ بلکہ تکلیف دہ ہیں‘ مزید برآں مزدوروں کو موجودہ معاشی حالات کے پس منظر میں وہ تنخواہ نہیں مل رہی ہے جس سے وہ جسم وجان کا رشتہ برقرار رکھ سکیں۔ یہی وجہ ہے کہ ایک عام آدمی بیرونی ممالک میں نوکری حاصل کرنے کوترجیحی دیتاہے اور بسا اوقات غلط عناصر کے ہاتھوں پھنس کراپنا سب کچھ لٹادیتاہے‘ حالانکہ پاکستان میں مین پاور ایکسپورٹ کا ادارہ قائم ہے‘ لیکن اس کی فعالیت زیادہ مناسب نہیں ہے ۔ سفارشی لوگ اس ادارے کے ذریعے باآسانی باہر چلے جاتے ہیں جبکہ جن کی سفارش نہیں ہوتی ہے اور طاقتور حلقوں سے مراسم نہیں ہوتے ہیں‘ وہ باہر جانے سے قاصر رہتے ہیں۔
دراصل پاکستان میںترقی معکوس کی ایک وجہ یہ بھی ہے کہ سفارش کے ذریعے نوکری حاصل کرنے والے اکثرنااہل اور خوشامدی ہوتے ہیں۔ ایسے افراد کسی بھی ادارے کیلئے کارکردگی کے لحاظ سے مناسب نہیں ہوتے ہیں۔ جب تک پاکستان میں سفارشی کلچر ختم نہیں ہوگا۔ حق دار کو اس کا حق نہیں ملے گا اور وہ روزگار جس کی وہ تگ و دو کررہاہے ماضی میں اور اب بھی سفارشی کلچر نے پاکستان کے ہنرمند وں کو بہت پیچھے چھوڑ دیا ہے‘ جبکہ ان کی جگہ وہی سامنے آتے ہیں جن کے بااثرافراد سے تعلقات ہوتے ہیں۔ اگر پاکستان کو ترقی کرنی ہے تو اس کیلئے ضروری ہے کہ ہنرمند افراد کی عزت کرتے ہوئے ان سے ملک کی معیشت کو ترقی دینے کے سلسلے میں موقع دیناچاہیے۔ پاکستان میں اب بھی ترقی کے لئے بے پناہ امکانات موجود ہیں۔ لیکن کسی بھی قسم کی پالیسی نہ ہونے کے سبب ترقی کے امکانات معدوم ہوتے جارہے ہیں۔ حکومت محض بیان جاری کردیتی ہے جس سے ملک کی ترقی کی عکاسی نہیں ہوتی ۔ ملک صنعتی ترقی کے ذریعے آگے بڑھ سکتاہے۔ ذرا سوچیئے

.

ذریعہ: Daily Ausaf

کلیدی لفظ: روزگار کے ذرائع میں روزگار کے کے سلسلے میں ہے اور نہ ہی پاکستان میں ذرائع پیدا پاکستان کے ہوسکتی ہے بے روزگار کے ذریعے ہوتے ہیں نہیں مل ملک میں ترقی کے نہیں ہے رہی ہے

پڑھیں:

سی پیک نے پاکستان کی معاشی ترقی میں اہم کردار ادا کیا ہے، قیصر احمد شیخ

اسلام آباد:چائنا میڈیا گروپ کے اشتراک سے نیشنل لائبریری آف پاکستان میں ایک اہم سیمینار بعنوان “مشترکہ خواب، مشترکہ ترقی: جدیدیت کے دس برسوں کا سفر” منعقد ہوا، جس میں پاکستان اور چین کے درمیان گزشتہ ایک دہائی پر محیط جدیدیت، ترقی، اور دوستی کے سفر کا جائزہ پیش کیا گیا۔پیر کے روزتقریب کے مہمانِ خصوصی وفاقی وزیر برائے سرمایہ کاری بورڈ، قیصر احمد شیخ تھے، جنہوں نے اپنے خطاب میں کہا کہ چینی صدر شی جن پھنگ کا دس سال قبل دورہ پاکستان، دونوں ممالک کے مابین دوستانہ تعلقات میں ایک سنگ میل کی حیثیت رکھتا ہے۔ انہوں نے اس بات پر زور دیا کہ چین – پاکستان اقتصادی راہداری نے گزشتہ دس برسوں میں پاکستان کی معاشی ترقی میں اہم کردار ادا کیا ہے، جس کے ثمرات ناصرف پاکستان بلکہ خطے کے دیگر ممالک تک بھی پہنچ رہے ہیں۔وزیر مملکت برائے قومی ورثہ و ثقافت ڈویژن، حذیفہ رحمان نے ورچوئل خطاب میں کہا کہ دس سال قبل پاکستان ایک معاشی بحران سے گزر رہا تھا، ایسے میں صدر شی جن پھنگ کا سی پیک جیسا تحفہ پاکستان کے لیے معاشی سہارا ثابت ہوا، جس سے دونوں ممالک کی دوستی کو نئی جِلا ملی۔رکن قومی اسمبلی و وفاقی پارلیمانی سیکرٹری برائے آئی ٹی و ٹیلی کمیونیکیشن صبحین غوری نے سیمینار سے خطاب میں کہا کہ پاکستان اور چین ہر موسم کے ساتھی ہیں، اور صدر شی جن پھنگ کے دورۂ پاکستان نے دوطرفہ اقتصادی تعاون کو نئی بلندیوں تک پہنچایا۔چین میں پاکستان کے سابق سفیر اور سینئر سفارت کار سردار مسعود خان نے اپنے خصوصی پیغام میں چین اور پاکستان کے مابین جاری اقتصادی و سفارتی تعاون کو سراہتے ہوئے کہا کہ صدر شی جن پھنگ کے دورہ پاکستان کے ثمرات خاص طور پر پاکستان کے انفراسٹرکچر اور توانائی بحران کے خاتمے میں نمایاں نظر آتے ہیں۔سیمینار میں تھینک ٹینکس، ماہرین تعلیم، اساتذہ، طلبہ، محققین، اور مختلف شعبہ ہائے زندگی سے تعلق رکھنے والی معروف شخصیات نے شرکت کی اور اپنے خیالات کا اظہار کیا۔ اس موقع پر حال ہی میں شائع ہونے والی کتاب “چین، آج اور کل” کے مصنف شاہد افراز خان کی کاوشوں کو بھی بھرپور انداز میں سراہا گیا، جو چین کی ترقی، پالیسیوں اور اشتراک کار پر گراں قدر تحقیق پر مبنی ہے۔میڈیا نمائندگان کی بڑی تعداد میں شرکت اس امر کا ثبوت تھی کہ پاکستان اور چین کے درمیان قائم شراکت داری اور ترقی کا یہ سفر عوامی و ادارہ جاتی سطح پر وسیع دلچسپی کا حامل ہے۔یہ سیمینار نہ صرف گزشتہ دہائی کی کامیابیوں کا اعتراف تھا بلکہ مستقبل میں چین – پاکستان تعاون کو مزید وسعت دینے کے عزم کا بھی مظہر تھا۔

Post Views: 3

متعلقہ مضامین

  • طلبا و طالبات کے لئے روزگار، ماہانہ ڈیڑھ لاکھ تنخواہ
  • فائیوجی اسپیکٹرم کی نیلامی کیوں نہیں ہورہی، پی ٹی اے نے اندر کی بات بتادی
  • سی پیک نے پاکستان کی معاشی ترقی میں اہم کردار ادا کیا ہے، قیصر احمد شیخ
  • آغا راحت کی سرکاری ملازمین پر تنقید مناسب نہیں، انجینیئر انور
  • وزیراعظم کے کامیاب بیرونی دورے کے ثمرات جلد نظرآئینگے :رانا مبشر اقبال
  • ایران میں اقتصادی بحران سے سب سے زیادہ متاثر متوسط طبقہ
  • معاشی ترقی اور اس کی راہ میں رکاوٹ
  • بلوچستان کی ترقی اور کالعدم تنظیم کے آلہ کار
  • جو کہتے ہیں کوئی ڈیل ہورہی ہے انکی عقل چلی گئی ہے: اعظم سواتی
  • کراچی: بے روزگار نوجوانوں کیلئےبڑی خوشخبری ،50 ہزار نوکریاں تیار