کرنٹ اکاؤنٹ بیلنس ایک بار پھر خسارے کا شکار
اشاعت کی تاریخ: 19th, February 2025 GMT
کراچی:
پاکستان کا کرنٹ اکاؤنٹ بیلنس ایک بار پھر خسارے کا شکار ہوگیا، جنوری میں کرنٹ اکاؤنٹ بیلنس میں 420 ملین ڈالر کا خسارہ ریکارڈ کیا گیا ہے، جو کہ جون 2024 کے بعد بلند ترین خسارہ ہے۔
یہ بیرونی کھاتے پر امپورٹس اور غیر ملکی ادائیگیوں کے بڑھتے ہوئے بوجھ کو ظاہر کرتا ہے، جبکہ دسمبر 2024 میں 474 ملین ڈالر کا سرپلس ریکارڈ کیا گیا تھا، تاہم بلند ترسیلات زر کی مدد سے رواں مالی سال کے سات ماہ کے دوران مجموعی طور پر کرنٹ اکاؤنٹ 682 ملین ڈالر سرپلس رہا ہے، جو کہ ایک نمایاں کارکردگی ہے۔
گزشتہ مالی سال کی اسی مدت کے دوران کرنٹ اکاؤنٹ 1,801 ملین ڈالر خسارے کا شکار رہا تھا، جنوری 2025 میں ہونے والا 420 ملین ڈالر کا کرنٹ اکاؤنٹ خسارہ سالانہ بنیادوں پر 4 فیصد زیادہ ہے، یہ جنوری 2024 میں 404 ملین ڈالر رہا تھا، اشیاء کی ایکسپورٹ میں سالانہ بنیادوں پر 10 فیصد بہتری دیکھی گئی ہے، جو 2.
لیکن اشیاء کی امپورٹس 17 فیصد اضافے سے 5.45 ارب ڈالر رہیں، جس سے تجارتی خسارہ 26 فیصد اضافے سے بڑھ کر 2.51 ارب ڈالر ہوگیا، جو بیرونی کھاتے پر دباؤ کا ظاہر کرتا ہے، اسی طرح خدمات کی تجارت کا بیلنس بھی سالانہ بنیادوں پر 10 فیصد اضافے سے 315 ملین ڈالر خسارے کا شکار رہا۔
خدمات کی ایکسپورٹ 691 ملین ڈالر کی سطح پر برقرار ہیں، جبکہ خدمات کی امپورٹ بڑھ کر 1.01 ملین ڈالر ہوگئی، اس طرح جنوری میں تجارت اور خدمات کا مجموعی خسارہ 24 فیصد اضافے کے ساتھ 2.83 ارب ڈالر رہا، جو کہ جنوری 2024 میں 2.27 ارب ڈالر رہا تھا، پرائمری انکم بیلنس سالانہ بنیادوں پر 12 فیصد خسارے کے ساتھ 735 ملین ڈالر رہا، تاہم ترسیلات زر میں اضافے نے صورتحال کو بہتر بنانے میں مدد دی، جنوری میں ترسیلات زر سالانہ بنیادوں پر25 فیصد اضافے کے ساتھ 3 ارب ڈالر رہیں۔
مجموعی سیکنڈری انکم بیلنس سالانہ بنیادوں پر 24 فیصد اضافے کے ساتھ 3.15 ارب ڈالر رہا، جس میں ترسیلات زر اور دیگر نجی ٹرانسفرز نے اہم کردار ادا کیا، جنوری میں فارن ڈائریکٹ انویسٹمنٹ 194 ملین ڈالر رہی جو ماہانہ بنیادوں پر 15 فیصد اضافے کو ظاہر کرتی ہے۔
یہ دسمبر میں 170 ملین ڈالر کا اضافہ ظاہر کرتی ہے، ماہرین کا کہنا ہے کہ پرائمری انکم خسارے کا بڑھنا ظاہر کرتا ہے کہ غیرملکی قرضوں پر ادائیگی، سودی ادائیگیوں، اور غیرملکی سرمایہ کاروں کی جانب سے منافع جات کی منتقلی کا رجحان بڑھ رہا ہے، جو بیرونی کھاتے پر دباؤ کو مزید بڑھا رہا ہے، جس سے بیرونی قرضوں میں مزید اضافہ ہوگا، اور قرضوں کا بوجھ بڑھے گا۔
اگر ترسیلات زر اور ایکسپورٹ میں نمایاں اضافہ نہ ہوا تو پرائمری انکم خسارے کا اثر کرنسی کی قدر پر پڑے گا اور کرنسی کی قدر مزید کم ہوگی، جو معاشی استحکام کو متاثر کرے گی۔
ذریعہ: Express News
کلیدی لفظ: سالانہ بنیادوں پر خسارے کا شکار ملین ڈالر کا کرنٹ اکاؤنٹ ترسیلات زر فیصد اضافے ارب ڈالر ڈالر رہا کے ساتھ
پڑھیں:
بلاول بھٹو کا گاؤں ہمت آباد کا دورہ؛ پانی کی کمی سمیت دیگر مسائل ترجیحی بنیادوں پر حل کرنیکا حکم
ویب ڈیسک : پاکستان پیپلزپارٹی کے چیئرمین بلاول بھٹو نے آج گاؤں ہمت آباد کا دورہ کیا ۔
بلاول بھٹو نے گاؤں ہمت آباد میں سندھ حکومت سے ملنے والے گھروں میں سیلاب متاثرین کی جانب سے بننے والے اسکول اور ڈسپنسری کا دورہ کیا۔ اس موقع پر بلاول بھٹو کو وہاں موجود معذور خاتون نے بتایا کہ جب میرے سسر کا انتقال ہوا تو ساس کو اپنے ساتھ رکھ کر سسر کے گھر کو ڈسپنسری میں تبدیل کردیا، میں اپنے گھر میں صبح کے اوقات میں گاؤں کے تمام بچوں کو تعلیم دیتی ہوں۔
اسحاق ڈار کی افغان حکام سے اہم ملاقاتیں، مشترکہ امن و ترقی کا عہد
چیئرمین بلاول بھٹو کو مسیحی کولہی خاتون نے بتایا کہ گاؤں ہمت آباد کے مکین دہائیوں قبل جبری مزدوری سے آزاد کرواکر بسائے گئے تھے جن کو سیلاب کے بعد سندھ حکومت نے گھر دئیے۔
چیئرمین بلاول بھٹو کی جانب سے منتخب نمائندوں کو ہدایات کی گئیں، کہ گاؤں ہمت آباد میں پانی کی کمی سمیت دیگر مسائل ترجیحی بنیادوں پر حل کئے جائیں۔
سرکاری گاڑی کا استعمال، سوشل میڈیا پر وڈیو وائرل کرنیوالے ڈان ساتھی سمیت گرفتار
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟