ورلڈ بنک کے ایگزیکٹو ڈائریکٹر ز کا تربیلا ڈیم کا دورہ‘چیئرمین واپڈا کی بریفنگ
اشاعت کی تاریخ: 19th, February 2025 GMT
لاہور(نوائے وقت رپورٹ) ورلڈ بنک کے ایگزیکٹو ڈائریکٹر ز پر مشتمل وفد نے قومی اہمیت کے حامل تربیلا ڈیم پراجیکٹ کا دورہ کیا‘ جہاں وفد نے مین ڈیم، تربیلا چوتھا توسیعی منصوبہ، اور زیر تعمیر تربیلا پانچویں توسیعی منصوبے کا تفصیلی مشاہدہ کیا۔ تربیلا پانچویں توسیعی منصوبے کے دورے کے موقع پر وفد نے ان لٹ(Inlet)، ٹنل اور پاور ہاؤس پر تعمیراتی سرگرمیوں کا جائزہ لیا۔ چیئرمین واپڈا انجینئر لیفٹیننٹ جنرل سجاد غنی (ریٹائرڈ) بھی دورے میں وفد کے ہمراہ تھے۔ممبر (فنانس)، ممبر (پاور)، جنرل منیجر (کوآرڈی نیشن اینڈ مانیٹرنگ)واٹر، جنرل منیجر تربیلا ڈیم پراجیکٹ، تربیلا چوتھا توسیعی منصوبے کے چیف انجینئر/ پراجیکٹ ڈائریکٹراور چیف انجینئر (او اینڈ ایم) اور چیف انجینئر‘ پراجیکٹ ڈائریکٹر تربیلا پانچواں توسیعی منصوبہ کے علاوہ کنسلٹنٹس اور کنٹریکٹرز بھی اس موقع پر موجود تھے۔ تربیلا ڈیم، تربیلا ہائیڈل پاور سٹیشن اور تربیلا چوتھا توسیعی منصوبہ ورلڈ بنک کی مالی معاونت سے تعمیر کیے گئے ہیں جبکہ زیر تعمیر تربیلا پانچویں توسیعی منصوبے کیلئے بھی ورلڈ بنک390 ملین امریکی ڈالرز فراہم کررہا ہے۔ وفد کا خیرمقدم کرتے ہوئے چیئرمین واپڈا نے کہا کہ ترقی کے سفر میں ورلڈ بنک اور واپڈا گذشتہ 6 دہائیوں سے شراکت دار ہیں اور ہم امید کرتے ہیں کہ پانی اور پن بجلی کے منصوبوں کی ترقی کے ذریعے پاکستان کے معاشی استحکام کیلئے ورلڈ بنک کا تعاون حاصل رہے گا۔بریفنگ کے دوران وفد کو بتایا گیا کہ تربیلا ڈیم 1974میں اپنی تکمیل سے اب تک پاکستان کی معاشی اور معاشرتی ترقی میں کلیدی کردار ادا کررہا ہے۔ تربیلا ڈیم سے زرعی مقاصد کیلئے 411ملین ایکڑ فٹ پانی فراہم کیا جا چکا ہے۔ تربیلا ہائیڈل پاور سٹیشن سے نیشنل گرڈ کو مجموعی طور پر 597ارب30کروڑ90 لاکھ یونٹ سستی پن بجلی فراہم کی جا چکی ہے۔
.ذریعہ: Nawaiwaqt
کلیدی لفظ: توسیعی منصوبے تربیلا ڈیم ورلڈ بنک
پڑھیں:
پشاور زلمی کو پاور پلے میں اچھا کھیلنا ہوگا، کوچ مشتاق احمد
پشاور زلمی کے اسپن بولنگ کوچ مشتاق احمد کا کہنا ہے کہ ٹی ٹوئنٹی میں پاور پلے اہم ہوتا ہے، پشاور زلمی کو پاور پلے میں اچھا کھیلنا ہوگا۔
کراچی میں میڈیا ٹک میں مشتاق احمد نے بتایا کہ پشاور زلمی پاور پلے میں بہترین کھیل لے تو کسی بھی ٹیم کو شکست دے سکتی ہے۔
اسپن بولنگ کوچ کا کہنا تھا کہ کنڈیشنز کے حساب سے پلیئنگ الیون بنائیں گے، اوس اہم کردار ادا کرسکتی ہے۔
مشتاق احمد نے کہا کہ دونوں لیفٹ آرم اسپنرز کو پلیئنگ الیون میں شامل کرسکتے ہیں، اسلام آباد یونائیٹڈ، کوئٹہ گلیڈی ایئٹرز کے لیے اسپنرز نے وکٹیں لے کر میچ جیتایا ہے۔
انہوں نے کہا کہ اسپنرز کو بیٹرز ہٹ لگانے جاتے ہیں جس پر وکٹیں مل جاتی ہیں، چھکے پڑجائیں لیکن اسپنر اگر وکٹیں لے لیں تو ٹیم کے لئے فائدہ مند ہی ہوگا۔
مشتاق احمد نے بابر اعظم سے متعلق بات کرتے ہوئے کہا کہ بابر کو ایک اچھی اننگز کی ضرورت ہے، تیس چالیس رنز بابر اعظم کے لیے کچھ بھی نہیں۔
انہوں نے کہا کہ بابر اعظم نے پانچ سال مسلسل پرفارمینس دی ہے، اتار چڑھاؤ کیریئر کا حصہ ہوتا ہے، بابر اعظم کو پشاور زلمی اعتماد دے رہی ہے۔
مشتاق احمد کا کہنا تھا کہ انٹرنیشنل کرکٹ میں بیٹر کی صلاحیتیں بہتر ہوگئی ہیں لیکن بولر اپنے آپ کو بہتر نہیں کر پائے، پاکستان کی بولنگ پریکٹس میں کمی کی وجہ سے کمزور ہے۔
Post Views: 1
ایران میں قتل 8 پاکستانیوں کی لاشیں ابھی تک تفتان نہیں لائی گئیں، ڈی سی چاغی