گریڈ 17 اوربالا افسران کو بیوی، زیرکفالت بچوں کے اثاثے ڈکلیئرکرنا ہونگے، سول سرونٹس ترمیمی بل
اشاعت کی تاریخ: 18th, February 2025 GMT
سٹی42: وفاقی حکومت نے بے تحاشا جائیدادیں بنانے والے سرکاری افسروں پر گرفت کرنے کے لئے دیرینہ عوامی مطالبہ پورا کرتے ہوئے سخت نوعیت کی پابندی عائد کر دی۔سول سرونٹس ایکٹ میں ترمیم کے بل کی تفصیلات سامنے آگئیں۔
گزشتہ روزقومی اسمبلی میں سول سرونٹس ایکٹ میں ترمیم کا بل پیش کیا گیا تھا۔ اسپیکر قومی اسمبلی نے سول سرونٹس ایکٹ ترمیمی بل متعلقہ قائمہ کمیٹی کے سپرد کردیا تھا۔
سول سرونٹس ایکٹ ترمیمی بل کے مطابق سرکاری افسران اپنے اثاثے ظاہر کریں گے، گریڈ 17 اوربالا افسران شریک حیات اورزیرکفالت بچوں کے اثاثے ڈکلیئرکریں گے، اس کے علاوہ اپنے غیرملکی اور ملکی اثاثے اور واجبات ڈکلیئرکریں گے۔
قومی اسمبلی کے سینئیر رکن انتقال کر گئے
بل کے تحت تفصیلات ایف بی آر کے ساتھ ڈیجیٹل فائل کی جائیں گی جوپبلک ہوں گی، انکشافات عوامی مفادات اورشخص کی پرائیویسی اورسکیورٹی کا توازن مدنظر رکھ کر کیے جائیں گے، یہ ترمیم معلومات تک رسائی کے ایکٹ کے تحت ہے۔
ترمیمی بل میں کہا گیا ہے کہ ذاتی معلومات، شناختی کارڈ نمبر، ایڈریس، بینک اکاؤنٹ کی تفصیلات کا تحفظ کیا جائے گا، اسٹیبلشمنٹ ڈویژن کو خطرے پر مبنی تصدیق کیلئے ضروری وسائل اورفریم ورک فراہم کیا جائے گا۔
تعلیمی اداروں کے قریب غیر معیاری کھانے بیچنے والوں کی شامت
ترمیم بل کے اغراض و مقاصد کے مطابق ترمیم کا مقصد رائٹ ٹو انفارمیشن ایکٹ کے تحت اثاثہ جات کا اعلان یقینی بنانا ہے اور ترمیم کا مقصد ہے گریڈ17 سے 22 کے عہدیداران کے ملکی وغیرملکی اثاثے عوام کیلئے قابل رسائی ہوں۔
ذرائع کا کہنا ہے کہ سول سرونٹس ایکٹ ترمیمی بل آئی ایم ایف کی شرائط کے مطابق پیش کیاگیا ہے۔
.ذریعہ: City 42
کلیدی لفظ: سول سرونٹس ایکٹ
پڑھیں:
گلگت بلتستان انتخابات 24 جنوری کو 24 حلقوں میں ہونگے، شیڈول جاری
اسلام آباد(نیوزڈیسک) الیکشن کمیشن سیکریٹریٹ گلگت بلتستان نے عام انتخابات 2026 کے لیے باضابطہ انتخابی شیڈول جاری کر دیا ہے۔
نوٹیفکیشن کے مطابق گلگت بلتستان کونسل اسلام آباد نے 12 دسمبر 2025 کو الیکشن کمیشن کو آگاہ کیا کہ صدرِ اسلامی جمہوریہ پاکستان نے 24 جنوری 2026 (ہفتہ) کو گلگت بلتستان اسمبلی کے انتخابات کے لیے پول ڈے مقرر کر دیا ہے۔
الیکشن کمیشن نے آئین و قانون کے تحت شیڈول جاری کرتے ہوئے تمام اضلاع کے ووٹرز کو دعوت دی ہے کہ وہ اپنے نمائندے منتخب کریں۔
چیف الیکشن کمشنر گلگت بلتستان نے انتخابی پروگرام کے تمام مراحل کی تاریخوں کا اعلان کرتے ہوئے کہا کہ شیڈول کا اطلاق عام نشستوں کے ساتھ خواتین اور ٹیکنوکریٹس کی مخصوص نشستوں پر بھی ہوگا ۔
انتخابی شیڈول کے مطابق ریٹرننگ افسر کی جانب سے پبلک نوٹس جاری ہوگیا ۔ 15 دسمبر 2025 ہوگی۔ کاغذاتِ نامزدگی جمع کرانے کی مدت 15 دسمبر سے 22 دسمبر 2025 تک رہے گی ۔
امیدواروں کے ناموں کی ابتدائی فہرست کی ہوگی۔ الیکشن کمیشن کے نوٹیفکیشن میں واضح کیا گیا ہے کہ تمام عمل آئین اور الیکشن ایکٹ 2017 کے مطابق شفافیت کے ساتھ مکمل کیا جائے گا۔
ریٹرننگ افسران تمام اضلاع میں اپنے مراکز پر کام کا آغاز کر چکے ہیں۔ ساتھ ہی ہدایت کی گئی ہے کہ امیدوار مقررہ تاریخوں اور قانونی تقاضوں کی مکمل پابندی کریں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر