اڈیالہ جیل کے علاوہ ہر جگہ سے اچھی خبریں آ رہی ہیں، مریم نواز
اشاعت کی تاریخ: 18th, February 2025 GMT
نارووال: وزیراعلیٰ پنجاب مریم نواز کاکہنا ہے کہ ملک ترقی کی راہ پر گامزن ہو چکا ہے اور ہر طرف سے اچھی خبریں آ رہی ہیں، صرف اڈیالہ جیل سے خطوط پر خطوط بھیجے جا رہے ہیں اور منتیں کی جا رہی ہیں کہ ہمیں بچا لیا جائے۔
جلسے سے خطاب کرتے ہوئے مریم نواز نے کہا کہ وزیراعلیٰ بننے کے بعد پہلا عوامی اجتماع نارووال میں کر رہی ہوں، اور ایک سال کی کارکردگی کے ساتھ عوام کے سامنے ہوں، عمران خان کے دور حکومت میں اسٹاک مارکیٹ کریش کر گئی تھی جبکہ آج اسٹاک مارکیٹ بلندیوں پر پہنچ چکی ہے، اور مہنگائی 38 فیصد سے کم ہو کر 5 فیصد پر آ گئی ہے۔
انہوں نے مزید کہا کہ مسلم لیگ (ن) کی حکومت عوام کو سہولیات فراہم کر رہی ہے، کسانوں کو “کسان کارڈ”، معذور افراد کو “ہمت کارڈ” جبکہ نوجوانوں کو تعلیمی سہولتوں کی فراہمی یقینی بنائی جا رہی ہے۔
وزیراعلیٰ پنجاب کاکہنا تھا کہ پنجاب حکومت مستحق افراد کو گھروں کی تعمیر کے لیے قرضے فراہم کر رہی ہے، صوبے میں صحت کی بنیادی سہولیات فراہم کی جا رہی ہیں، نوجوانوں کے لیے اسکالر شپس کی تعداد بڑھا کر 50 ہزار تک کی جا رہی ہے۔
مریم نواز نے کہا کہ عمران خان کے دور میں پنجاب میں رشوت اور سفارش کے بغیر کوئی کام نہیں ہوتا تھا، لیکن اب صوبے میں ترقیاتی کام تیزی سے جاری ہیں۔ انہوں نے کہا کہ مسلم لیگ (ن) نے عوامی خدمت کا جو وعدہ کیا تھا، اسے پورا کر کے دکھایا جا رہا ہے۔
وزیراعلیٰ نے کہا کہ صرف وہاں سے خطوط آ رہے ہیں اور منتیں کی جا رہی ہیں جبکہ ملک کے دیگر تمام حصوں سے مثبت خبریں موصول ہو رہی ہیں، جو لوگ ملک کو پیچھے لے کر گئے، انہیں آج عوام کی مشکلات کا اندازہ ہو رہا ہے۔
.ذریعہ: Jasarat News
کلیدی لفظ: مریم نواز کی جا رہی نے کہا کہ رہی ہیں رہی ہے
پڑھیں:
پنجاب میں بلاول بھٹو کی آمد پر مریم نواز اور چیئرمین پیپلز پارٹی کی سوشل میڈیا پر دلچسپ گفتگو
پاکستان پیپلز پارٹی (پی پی پی) کے چیئرمین بلاول بھٹو زرداری لاہور کے دورے پر ہیں جہاں انہوں نے شہر کے مختلف علاقوں میں پارٹی کارکنوں اور نوجوانوں سے ملاقاتیں کیں۔
وزیرِ اعلیٰ پنجاب مریم نواز نے بلاول بھٹو زرداری کی پنجاب آمد پر ان کا خیر مقدم کیا۔ سماجی رابطوں کی ویب سائٹ ایکس پر جاری بیان میں مریم نواز نے کہا کہ وہ چیئرمین پیپلز پارٹی کو پنجاب آمد پر خوش آمدید کہتی ہیں۔ انہوں نے مزید کہا کہ پنجاب آپ کا گھر ہے، یہاں آپ کو ہمیشہ عزت و احترام ملے گا۔
I extend a warm welcome to @BBhuttoZardari on his visit to Punjab.
Punjab is your home, and you will always find a place of respect here.
Thank you for your gracious remarks. You have my heartfelt good wishes and prayers.
— Maryam Nawaz Sharif (@MaryamNSharif) December 11, 2025
وزیرِ اعلیٰ کے پیغام کے جواب میں بلاول بھٹو زرداری نے بھی ایکس پر اظہارِ تشکر کرتے ہوئے کہا کہ وہ مریم نواز کے پُرخلوص استقبال اور مثبت رویّے کے شکر گزار ہیں۔
Thank you, Madam Chief Minister, for the warm welcome and positive gesture. https://t.co/6tjs7rK935
— Bilawal Bhutto Zardari (@BBhuttoZardari) December 12, 2025
بلاول بھٹو کی لاہور کے دورے کی ایک ویڈیو بھی سوشل میڈیا پر وائرل ہوئی تھی جس میں ان کا چھت پر کھڑی ایک خاتون سے دلچسپ مکالمہ ہوا تھا۔
خاتون نے بلاول بھٹو سے کہا تھا کہ ’آپ سیاست کی نہیں ہماری بات کریں‘، جس پر بلاول نے مسکرا کر کہا کہ ’سیاست پر بات نہ کروں تو بتائیں آپ سے کیا بات کروں‘۔
اس کے بعد خاتون نے چیئرمین پیپلز پارٹی سے پوچھا کہ آپ کے کیا حال ہیں؟ آپ ٹھیک ہو؟ جس پر بلاول نے جواب دیا کہ جی میں ٹھیک ہوں۔
خاتون نے بلاول بھٹو کو دعا دیتے ہوئے کہا کہ مولا آپ کو سلامت رکھے۔ چیئرمین پیپلز پارٹی نے بہت شکریہ آپ لوگوں کی دعاؤں کی ہی ضرورت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلاول بھٹو بلاول بھٹو لاہور مریم نواز وزیراعلٰی پنجاب
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر