این ایف سی فارمولے میں نظرثانی کا وقت آ گیا ہے،وزیراعلیٰ سندھ
اشاعت کی تاریخ: 18th, February 2025 GMT
کراچی (اسٹاف رپورٹر) وزیراعلیٰ سندھ سید مراد علی شاہ نے اقوام متحدہ کے فنڈ برائے آبادیاتی سرگرمیاں (یو این ایف پی اے) کے وفد سے ملاقات میں اتفاق کیا کہ نیشنل فنانس کمیشن (این ایف سی) ایوارڈ میں آمدنی کے فرق، آبادیاتی کارکردگی، انسانی ترقی، ٹیکس کی شرح اور جنگلاتی رقبے جیسے عوامل کو شامل کیا جانا چاہیے۔ یہ ملاقات وزیر اعلیٰ ہاؤس میں پیر کو ہوئی، جس میں وزیر صحت ڈاکٹر عذار فضل پیچوہو، سیکریٹری وزیراعلیٰ رحیم شیخ، اور یو این ایف پی اے کی ٹیم شریک تھی۔وفد کی قیادت اقوام متحدہ کے فنڈ برائے آبادیاتی سرگرمیاں (یو این ایف پی اے) کے ملکی نمائندے ڈاکٹر لوئے شبانے کی مراد علی شاہ نے کہا کہ ساتویں این ایف سی ایوارڈ میں پہلی بار مختلف معیارات اپنائے گئے، مگر یہ کافی نہیں۔ 90 فیصد ٹیکس وفاقی حکومت جمع کرتی ہے، جب کہ صوبوں کو صرف 10 فیصد وصولی کا اختیار ہے، جو انہیں وفاقی فنڈز کا محتاج بناتا ہے۔ انہوں نے زور دیا کہ صوبوں کو مکمل مالی خودمختاری دینے سے ٹیکس وصولی اور وسائل کی منصفانہ تقسیم میں بہتری آئے گی۔ڈاکٹر
اشفاق خان، ڈائریکٹر جنرل نسٹ انسٹیٹیوٹ آف پالیسی اسٹڈیز، نے کہا کہ پاکستان کا این ایف سی ڈھانچہ سیاسی ہو چکا ہے، جس کی وجہ سے مردم شماری کے اعداد و شمار میں ہیرا پھیری کا رجحان ہے۔ انہوں نے سفارش کی کہ مالیاتی وسائل کی منصفانہ تقسیم کو یقینی بنانے کے لیے سیاسی مداخلت سے پاک اور ڈیٹا پر مبنی این ایف سی فارمولے کی اشد ضرورت ہے۔پاکستان کی بڑھتی آبادی، جو 1951 میں 3 کروڑ 37 لاکھ سے بڑھ کر 2023 میں 24 کروڑ 15 لاکھ تک پہنچ چکی ہے، معیشت پر دباؤ ڈال رہی ہے۔ مالی سال 2023-24 کے دوران جی ڈی پی 375 ارب ڈالر اور فی کس آمدنی 1,552 ڈالر رہی۔ اگر آبادی کم ہوتی تو معیشت کی صورتحال مختلف ہوتی۔ملاقات میں بھارت کے ماڈل پر بھی بات ہوئی، جہاں فنانس کمیشن خودمختار طور پر کام کرتا ہے اور ماہرین کی قیادت میں ہے۔ بھارت میں آبادیاتی کارکردگی کو وسائل کی تقسیم میں شامل کیا جاتا ہے۔ڈاکٹر اشفاق خان نے تجویز پیش کی کہ این ایف سی ایوارڈ میں آمدنی کے فرق کو 30 فیصد، آبادی کو 10 فیصد، آبادیاتی کارکردگی کو 17.
وزیراعلیٰ سندھ
ذریعہ: Jasarat News
پڑھیں:
ایف بی آر کا بڑا قدم، ہفتے کی چھٹی ختم کردی
اسلام آباد(نیوز ڈیسک)فیڈرل بورڈ آف ریونیو (ایف بی آر) نے محصولات کے مقررہ ہدف کو حاصل کرنے کی کوششوں کے تحت اپنے تمام دفاتر میں ہفتے کی چھٹی ختم کرنے کا اعلان کیا ہے۔
تفصیلات کے مطابق ایف بی آر نے ملک بھر کے تمام چیف کمشنرز کو ہدایت جاری کی ہے کہ وہ دفاتر میں ہفتے کے روز بھی کام کو معمول کے مطابق جاری رکھیں۔ یہ اقدام مالی سال 2024-25 کے لیے محصولات کی وصولی کی بڑی حکمت عملی کا حصہ ہے، جس کا مقصد ٹیکس اہداف کی بروقت تکمیل کو یقینی بنانا ہے۔
حکام کے مطابق یہ پالیسی 30 جون 2025 تک نافذ العمل رہے گی، اور اس دوران تمام دفاتر میں سرکاری اوقات کار کی سختی سے پابندی لازم ہو گی۔
ایف بی آر نے تمام دفاتر پر زور دیا ہے کہ وہ ریونیو بڑھانے کے لیے مؤثر حکمت عملی اپنائیں اور کارکردگی پر توجہ مرکوز رکھیں۔
حال ہی میں آئی ایم ایف نے پاکستان کو رواں مالی سال کے لیے ٹیکس ہدف میں 12,970 ارب روپے سے کمی کر کے 12,370 ارب روپے کی اجازت دی ہے، تاہم ایف بی آر کو اب بھی مالی دباؤ کا سامنا ہے کیونکہ مالی سال 2024-25 کے ابتدائی 9 ماہ میں ٹیکس شارٹ فال 700 ارب روپے سے تجاوز کر چکا ہے۔
ڈونلڈ ٹرمپ کے خلاف امریکا میں 700 مقامات پر ہزاروں افراد کے مظاہرے
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں