لاکھوں روپے مالیت کی کشتی کوسٹ گارڈ ولیویز کی نااہلی کی نذرہوگئی
اشاعت کی تاریخ: 18th, February 2025 GMT
گوادر (نمائندہ جسارت) ہم کنٹانی ہور میں کشتی ڈوبنے کے افسوسناک واقعے پر اپنی فریاد لے کر حاضر ہوئے ہیں،حکومت بلوچستان، ضلعی انتظامیہ اور متعلقہ حکام سے انصاف کی اپیل کرتے ہیں کہ ہماری مدد کی جائے۔ ان خیالات کا اظہار ملک فیصل اور اکرم نے گوادر پریس کلب میں منعقدہ پریس کانفرنس سے خطاب کرتے ہوئے کیا۔ انہوں نے کہا کہ ہماری 40 لاکھ روپے مالیت کی کشتی جو ہم نے اپنی محنت کی کمائی اور قیمتی اثاثے فروخت کرکے خریدی تھی، کوسٹ گارڈ اور لیویز اہلکاروں کی غیر ذمے داری کی نذر ہو گئی۔ انہوں نے کہا کہ ہماری کشتی کو بھتا خوری کے لیے ناجائز طور پر استعمال کیا گیا اور مسلسل لاپرواہی برتنے کے باعث وہ سمندر میں ڈوب گئی۔ انہوں نے کہا کہ اس ظلم کی وجہ سے ہم نہ صرف اپنا روزگار کھو بیٹھے ہیں بلکہ قرضوں کے بوجھ تلے دب چکے ہیں اور ہمارے بچے نانِ شبینہ کے محتاج ہو گئے ہیں۔ ان کا کہنا تھا کہ ہم ایم پی اے گوادر مولانا ہدایت الرحمن، ڈپٹی کمشنر گوادر حمود الرحمن اور کوسٹ گارڈ کرنل سے اپیل کرتے ہیں کہ ہمارے نقصان کا فوری ازالہ کیا جائے اور ہمیں ہمارا حق دلایا جائے۔ انہوں نے حکومت بلوچستان، کوسٹ گارڈ کے اعلیٰ حکام اور ضلعی انتظامیہ سے پرزور مطالبہ کیا کہ ہماری کشتی کے نقصان کا فوری ازالہ کیا جائے۔ان اہلکاروں کے خلاف کارروائی عمل میں لائی جائے تاکہ آئندہ کسی اور غریب کے ساتھ ایسا نہ ہو۔انہوں نے کہا کہ اگر ہمیں جلد انصاف نہ ملا تو ہم احتجاج پر مجبور ہوں گے اور کوسٹل ہائی وے کو بلاک کریں گے اور عدالت میں قانونی چارہ جوئی کریں گے۔ ضرورت پڑی تو ہم وفاقی حکومت تک اپنی آواز پہنچائیں گے اور ہر دروازہ کھٹکھٹائیں گے تاکہ ہمیں ہمارا حق مل سکے۔ ہم میڈیا، سول سوسائٹی اور تمام انصاف پسند افراد سے درخواست کرتے ہیں کہ ہماری آواز کو بلند کریں اور ہمیں ہمارا حق دلوانے میں ہمارا ساتھ دیں۔
.ذریعہ: Jasarat News
کلیدی لفظ: انہوں نے کہا کہ کوسٹ گارڈ کہ ہماری
پڑھیں:
کسانوں کے نام پر سیاست نہ کی جائے: عظمٰی بخاری
عظمٰی بخاری نے کہا کہ پنجاب میں حالات خراب کرنے کی اجازت نہیں دی جائے گی،پنجاب میں امن و امان کے قیام کے لیے پنجاب حکومت اقدامات کر رہی ہے، پنجاب میں کسانوں کو ان کا حق دیا جا رہا ہے۔ کسانوں کے نام پر سیاست نہ کی جائے۔لاہور میں نیوز کانفرنس کرتے ہوئے صوبائی وزیر اطلاعات عظمٰی بخاری نے کہا ہے کہ پنجاب حکومت امن وامان کے قیام کیلئے اقدامات کر رہی ہے.پنجاب میں حالات خراب کرنے کی اجازت نہیں دی جائے گی، پنجاب میں کسانوں کو ان کا حق دیا جا رہا ہے۔عظمی بخاری نے کہا کہ کسانوں کے نام پر سیاست نہ کی جائے. مریم نواز نے کسانوں کو بڑا ریلیف پیکج دیا ہے. گندم کے کاشتکاروں کیلئے 109ارب روپےکا پیکج دیا گیا ہے، گندم کے کاشتکاروں کو5 ہزار روپے فی ایکڑ ملیں گے۔انھوں نے کہا کہ فلورملز مالکان کو گندم کی خریداری کا پابند بنایا گیا ہے. فلورملز 25فیصد گندم خریداری کی پابند ہوں گی۔ کاشتکاروں کو ہرفضل کیلئے رقم فراہم کی جائے گی، گندم کے کاشتکاروں کو10ارب روپے کی سبسڈی پر9500 ٹریکٹردیئے جائیں گے۔عظمٰی بخاری نے کہا کہ ٹیوب ویلز کی سولرائزیشن کیلئے8 ارب روپے کی سبسڈی دی جائے گی. دنیا بھر میں جدید زرعی آلات کی خریداری کی جائے گی. زیادہ گندم اگانے والے کاشتکار کو 45 لاکھ کا 85 ہارس پاور ٹریکٹرمفت ملے گا۔ان کا کہنا ہے کہ دوسری پوزیشن کے کاشتکار کو 40 لاکھ روپے کا 75 ہارس پاور ٹریکٹر انعام ملے گا۔ تیسری پوزیشن کےکاشتکارکو35لاکھ روپےکا60ہارس پاورٹریکٹرملےگا. ہر ضلع میں سب سے زیادہ گندم اگانے والے کاشتکار کو 10 لاکھ انعام دیا جائے گا۔وزیر اطلاعات پنجاب کا کہنا ہے کہ کسی دوسرے صوبے نے کاشتکاروں کیلئے بروت اقدامات نہیں کیے. کسانوں سے گندم کی خریداری کو یقینی بنایا جا رہا ہے.گندم کی نقل و حمل کا مکمل ریکارڈ مرتب کیا جا رہا ہے۔
2025 کے پہلے 3 ماہ میں کتنے پاکستانی بیرون ملک نوکری کیلئے گئے؟ اعداد وشمار جاری