قاضی احمد ،مسجد نور کے طلبا وطالباتکی دستار بندی کی تقریب
اشاعت کی تاریخ: 18th, February 2025 GMT
قاضی احمد( نمائندہ جسارت)قاضی احمد قرآن پاک حفظ کرنے والے طلبا کی دستار کی تقریب مولانا میر محمد میرکھ کی خصوصی شرکت ۔ مسجد نورقاضی احمد میں حفظ قرآن اور ناظرہ مکمل کرنے والے طلبا و طالبات کے اعزاز میں جلسہ دستاربندی منعقد کیا گیا جس میں علماکرام، مدرسہ میں تعلیم حاصل کرنے والے طلبا،والدین اور دیگر شرکاکی بڑی تعداد نے شرکت کی ۔اس موقع پر مفتی عابد ندیم نے آنے والے معزز مہمانوں کو خوش آمدید کہا۔ جلسہ دستاربندی کی تقریب سے خصوصی خطاب حضرت مولانا میر محمد میرکھ نے کیا جبکہ مولانا محمودالحسن جوگی نے بھی تقریب سے خطاب فرمایا ۔ اس موقع پر دیگر معزز مہمانوں میں مولانا تنویر الحق،مولانا محمود کھوسو،حافظ رحمت اللہ ماجوٹھو،مولانا صدیق،مولانا عزیر عمرانی،مولانا محمد ہاشم چانڈیو و دیگر نے شرکت کی ۔علمااکرام نے اپنے خطاب میں کہا کہ آج کے اس پروگرام میں حفظ کرنے والے طلبااور مختلف امتحانات میں کامیاب ہونے والے طلبا و طالبات کا کامیاب ہونا ایک بڑا اعزاز ہے اور خوش نصیب ہیں وہ والدین جنہوں نے اپنی اولاد کو دینی تعلیمات دلوائی جبکہ اساتذاہ اکرام خصوصی مبارکباد کے مستحق ہیں جنکی محنتیں رنگ لائیں ہمیں چاہیے کہ اپنے بچوں کو قرآن کی تعلیم ضرور دلوائیں تاکہ ان کی زندگیوں میں دین آباد ہوسکے۔ تقریب کے آخر میں قاری طارق نے خصوصی دعا کروائی۔
ذریعہ: Jasarat News
کلیدی لفظ: کرنے والے طلبا
پڑھیں:
سپیکر خیبر پی کے کرپشن الزامات سے بری کمیٹی میں اختلافات
پشاور (بیورو رپورٹ+نوائے وقت رپورٹ) سپیکر خیبر پی کے اسمبلی بابر سلیم سواتی کیخلاف بدعنوانی کے الزامات پر پی ٹی آئی کی احتساب کمیٹی کے 2 ارکان کے فیصلے میں اختلاف پیدا ہوگیا۔ میڈیا رپورٹ کے مطابق قاضی انور نے بابر سلیم سواتی کو کلیئر قرار دے دیا تو مصدق عباسی نے قصور وار قرار دیا۔ اختلاف کے باعث تیسرے ممبر شاہ فرمان کو فیصلہ کرنے کا اختیار دے دیا گیا۔ احتساب کمیٹی کے ممبر قاضی انور کی 7 صفحات پر مشتمل رپورٹ منظر عام پر آگئی۔ رپورٹ کے مطابق کمیٹی کے تیسرے رکن شاہ فرمان سپیکر سے متعلق حتمی فیصلہ کریں گے۔ یاد رہے کہ سینئر پی ٹی آئی رہنما اعظم سواتی نے سپیکر صوبائی اسمبلی بابر سلیم سواتی پر غیر قانونی بھرتیوں، ترقیاتی کاموں میں بدعنوانی کے الزامات لگائے تھے۔ دوسری جانب رپورٹ کے مطابق پی ٹی آئی انٹرنل اکائونٹیبیلٹی کمیٹی کے رکن نے بابر سلیم سواتی کے خلاف کرپشن کی تحقیقات کی رپورٹ سلمان اکرم راجا کو بھیج دی۔ کمیٹی کے رکن قاضی انور نے کہا کہ مجھے علم ہے کہ بانی پی ٹی آئی کے علاوہ کسی کو رپورٹ بھیجنا کمیٹی کے ایس او پیز میں نہیں۔ سلمان اکرم راجا نے رپورٹ مانگی اس لیے انہیں بھیج دی ہے۔ پی ٹی آئی ذرائع کا کہنا ہے کہ سلمان اکرم راجا کو رپورٹ بھیج کر قاضی انور نے کمیٹی کے ضابطہ اخلاق کی خلاف ورزی کی۔ کمیٹی کے دیگر 2 ارکان نے سلمان اکرم کو رپورٹ بھیجنے پر اظہار تشویش کیا ہے۔ ذرائع کے مطابق تحریک انصاف کی اندرونی احتساب کمیٹی نے سپیکر بابر سلیم سواتی کو اسمبلی میں غیر قانونی بھرتیوں کے الزام سے بری قرار دیدیا۔ کمیٹی کے ممبر ممتاز قانون دان قاضی انور ایڈووکیٹ کی جانب سے جاری کردہ رپورٹ میں کہا گیا ہے کہ سپیکر صوبائی اسمبلی پر الزامات سابق سینیٹر اعظم سواتی نے عائد کیے جنہیں وہ ثابت کر پائے نہ ہی کوئی ثبوت کمیٹی کو فراہم کیے۔ سپیکر صوبائی اسمبلی پر جن بھرتیوں کا الزام عائد کیا گیا وہ یا تو ان کے دور سے پہلے ہوئیں یا پھر قواعد کے مطابق ہوئیں۔ بابر سلیم سواتی کو بانی چیئرمین پی ٹی آئی اور اہلیہ سے وفاداری کی سزا دی جارہی ہے۔
17 اپریل کو عام تعطیل کا اعلان