وکلا نے بانی پی ٹی آئی کو نیا ذریعہ آمدن بنالیا، عرفان صدیقی
اشاعت کی تاریخ: 17th, February 2025 GMT
مسلم لیگ (ن) کے سینیٹر عرفان صدیقی نے کہا ہے کہ بانی پی ٹی آئی وکلاء سے متعلق ایک بڑی خوفناک خبر سامنے آئی ہے، وکلا نے بانی پی ٹی آئی کو نیا ذریعہ آمدن بنالیا۔
پی ٹی آئی رہنماؤں کی پریس کانفرنس پر ردعمل میں عرفان صدیقی نے کہا کہ پاکستان کی جیلوں میں 80 سے 90 ہزار قیدی ہیں، پی ٹی آئی نے رسائی کو بہت بڑا مسئلہ بنالیا ہے یہ کوئی ایشو نہیں ہے۔
انہوں نے کہا کہ پی ٹی آئی وکلا سے متعلق ایک بڑی خوفناک خبر سامنے آئی ہے، سنا ہے کچھ لوگ بانی پی ٹی آئی سے ملتے ہیں اور باہر آکر یوٹیوبرز کو باتیں بیچتے ہیں۔
عرفان صدیقی نے کہا کہ ہماری کمیٹی قائم ہے اور ہمارا کام جاری ہے، مذاکرات کے دروازے سے نکل کر پلٹنا مشکل ہوتا ہے
ن لیگی سینیٹر نے مزید کہا کہ وکلا نے بانی پی ٹی آئی کو نیا ذریعہ آمدن بنالیا ہے، انہوں نے نئے نئے طریقے ایجاد کرلیے ہیں، مجھے نہیں پتہ ان کھیل تماشوں کے پیچھے کیا محرکات ہیں۔
اُن کا کہنا تھا کہ جتنی ملاقاتیں بانی پی ٹی آئی کی ہوئیں اتنی پورے اڈیالہ جیل کے قیدیوں کی ملاکر نہیں ہوئیں، انہوں نے جیل کو ایک لاڈ پیار محبت کی جگہ بنالیا ہے۔
عرفان صدیقی نے یہ بھی کہا کہ اڈیالہ جیل میں ہر روز 10 سے 12 لوگ بانی پی ٹی آئی سے ملنے جاتے ہیں، رسائی کا کوئی مسئلہ نہیں جبکہ ہم لوگ جیل کے باہر 6، 6 دن دستک دیتے رہتے تھے کوئی ملاقات نہیں ہوتی تھی۔
انہوں نے کہا کہ یہ ملاقاتوں کے بارے میں بھی کہتے ہیں کہ کمرے کے بجائے کھلے لان میں ہونی چاہیے، ایسی جگہ ملاقات چاہتے ہیں جہاں کوئی پرندہ پر نہ مارتا ہو، کوئی سننے، دیکھنے والا نہ ہو۔
ن لیگی سینیٹر نے کہا کہ ایسا نہیں ہوتا، جیل کے اپنے قوانین ضابطے ہوتے ہیں، اس کے مطابق ہی بات کرنی چاہیے۔
اُن کا کہنا تھا کہ پی ٹی آئی الیکشن کے نتائج کے بعد کی تمام تر مراعات لے رہی ہے، یہ اسی الیکشن کے تحت قومی اور صوبائی اسمبلیوں میں بیٹھے ہیں، یہ ایک صوبے میں حکومت بناکر بیٹھے ہیں۔
عرفان صدیقی نے کہا کہ وہاں الیکشن کیا آسمان سے فرشتوں نے اتر کر کروایا تھا یا سکندر سلطان راجہ نے کروایا تھا، الیکشن میں دھاندلی کا پہلا ردعمل یہ ہوتا ہے کہ اس الیکشن کو مت مانو، جیسے 1977 میں پی این اے نے نتائج کو تسلیم نہیں کیا تھا۔
انہوں نے کہا کہ آپ اسمبلیوں میں بیٹھے ہیں، 70 لوگوں نے دستخط کرکے دیے کہ ہماری تنخواہیں بڑھائیں، آپ مراعات لے رہے ہیں، مفادات لے رہے ہیں، اس اقتدار کا حصہ ہیں، اگر الیکشن غلط تھا تو آپ چھوڑ دیں یہ سب، استعفے دے کر باہر آئیں اور تحریک شروع کریں۔
.ذریعہ: Jang News
کلیدی لفظ: عرفان صدیقی نے کہا بانی پی ٹی ا ئی نے کہا کہ انہوں نے
پڑھیں:
قونصلیٹ جنرل حکومت اور اوورسیزپاکستانیوں کے درمیان موثر رابطہ کاری کا ذریعہ ہے، مصباح نورین
قونصلیٹ جنرل حکومت اور اوورسیزپاکستانیوں کے درمیان موثر رابطہ کاری کا ذریعہ ہے، مصباح نورین WhatsAppFacebookTwitter 0 21 April, 2025 سب نیوز
مانچسٹر: پاکستان کے قونصلیٹ جنرل آفس مانچسٹر میں تعینات کمیونٹی ویلفیئر اتاشی مصباح نورین نے کہاہے کہ قونصلیٹ جنرل حکومت پاکستان اور بیرون ملک مقیم پاکستانیوں کے درمیان ایک موثر رابطہ کاری کا ذریعہ ہے،ہماری ٹیم شہریوں کو ان کے حقوق اور سہولیات تک رسائی دینے کیلئے ہر ممکن کوشش کرتی ہے، پاکستانی شہریوں کے لیے سفری و قانونی دستاویزات کی فراہمی کے عمل کو تیز اور آسان بنایا دیا گیا ہے ۔
ایک انٹرویومیںکمیونٹی ویلفیئر اتاشی مصباح نورین نے قونصلیٹ جنرل کی خدمات اور کامیابیوں پر تفصیل سے روشنی ڈالتے ہوئے کہا کہ برطانیہ میں مقیم پاکستانی شہریوں کے مسائل کے حل کے لیے پاکستان کے قونصلیٹ جنرل آفس مانچسٹر نے ایک جامع اور موثر نظام وضع کیا ہے ،پاکستانی شہریوں کے لیے پاسپورٹ کی تجدید، پولیس کریکٹر سرٹیفکیٹ، فیملی رجسٹریشن سرٹیفکیٹ (ایف آر سی)اور دیگر سفری و قانونی دستاویزات کی فراہمی کے عمل کو تیز اور آسان بنایا ہے۔ مصباح کے مطابق، تمام خدمات ترجیحی بنیادوں پر انجام دی جاتی ہیں، خاص طور پر ہنگامی صورت حال میں فوری کارروائی یقینی بنائی جاتی ہے۔
انہوں نے بتایا کہ بیرون ملک مقیم پاکستانیوں کو اکثر پاکستان میں جائداد یا دیگر قانونی پیچیدگیوں کا سامنا کرنا پڑتا ہے۔ ایسے معاملات میں قونصلیٹ جنرل آفس مقامی اداروں کے ساتھ رابطہ کاری کر کے شہریوں کو انصاف دلوانے میں اہم کردار ادا کرتا ہے۔ انہوںنے زور دیا کہ اگر کسی پاکستانی شہری کے ساتھ بینکنگ دھوکہ دہی یا آن لائن اسکام کا واقعہ پیش آئے، تو قونصلیٹ کی ٹیم متعلقہ پاکستانی اتھارٹیز کے ساتھ مل کر متاثرین کو قانونی مدد فراہم کرتی ہے۔ انہوں نے کہابرطانیہ میں رہائش پذیر پاکستانیوں، خاص طور پر پنجاب، خیبر پختونخوا اور آزاد کشمیر کے شہریوں کے لیے پولیس کریکٹر سرٹیفکیٹ کی فراہمی کو یقینی بنایا گیا ہے۔
انہوں نے بتایا کہ اگر کسی وجہ سے آن لائن اپوائنٹمنٹ دستیاب نہ ہو، تو ہنگامی صورت حال میں “واک ان” سروس کے ذریعے فوری طور پر سرٹیفکیٹ جاری کر دیا جاتا ہے۔ انہوںنے کہا کہ کونسلیٹ جنرل آفس نہ صرف پاکستانی برادری کی خدمت کر رہا ہے، بلکہ یہ حکومت پاکستان اور بیرون ملک مقیم پاکستانیوں کے درمیان ایک موثر رابطہ کاری کا ذریعہ بھی ہے۔ ان کی ٹیم ہر ممکن کوشش کرتی ہے کہ شہریوں کو ان کے حقوق اور سہولیات تک رسائی حاصل ہو سکے۔قونصلیٹ جنرل آفس مانچسٹر کی یہ کاوشیں بیرون ملک مقیم پاکستانیوں کے لیے ایک قابل اعتماد سہارا ثابت ہو رہی ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسونے کی قیمت میں آج بھی بڑا اضافہ، نرخ نئی تاریخ ساز سطح پر پہنچ گئے ایمان مزاری اسلام آباد ہائیکورٹ بار کی جبری گمشدگیوں کی کمیٹی سے مستعفی پاکستان اور متحدہ عرب امارات کے درمیان مختلف مفاہمتی یاد داشتوں پر دستخط ارشد محمود ملک کا تبادلہ، وزیراعظم سیکرٹریٹ میں بطور سپیچ رائٹر تعینات وزیر اعظم کے اسپیچ رائٹر ارشد محمود ملک کا تبادلہ دوسری شادی کرنے کی صورت میں بچے کی کسٹڈی کا حق دار کون؟ عدالت کا بڑا فیصلہ سامنے آگیا نظام کی بہتری کے لیے 26 ویں ترمیم کی گئی، ضرورت ہوئی تو مزید قانون سازی کریں گے، وزیر قانونCopyright © 2025, All Rights Reserved
رابطہ کریں ہمارے بارے ہماری ٹیم
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ