عمران خان واحد مقبول لیڈر ہیں، خدارا ان کی دانائی سے فائدہ اٹھائیں، عمر ایوب
اشاعت کی تاریخ: 17th, February 2025 GMT
پاکستان تحریک انصاف کے رہنما اور قومی اسمبلی میں اپوزیشن لیڈر عمر ایوب نے کہا کہ بانی پی ٹی آئی عمران خان واحد لیڈر ہں جو چاروں صوبوں میں مقبول ہیں اور ملک کو جوڑ سکتے ہیں، خدارا ان کی دانائی اور تجربے سے فائدہ اٹھائے۔
اسلام آباد میں پی ٹی آئی کے دوسرے رہنماوں کے ہمراہ پریس کانفرنس کرتے ہوئے ان کا کہنا تھا کہ عمر ایوب نے کہا کہ جیل میں بانی پی ٹی آئی عمران خان اور ان کی اہلیہ بشریٰ بی بی سے رابطہ منقطع کردیا گیا ہے اور جیل مینوئل کے مطابق انہیں سہولیات نہیں دی جارہی ہیں جس کی ہم مذمت کرتے ہیں۔ پاکستان کی جیلیں سیاسی قیدیوں سے بھری ہیں۔
یہ بھی پڑھیے: فارم 47 والے باہر جا کر مہنگائی کم ہونے کا کہیں تو انہیں جوتے پڑیں گے، عمر ایوب
ان کا کہنا تھا کہ عدلیہ کو اپنے پاؤں پہ کھڑا ہونا چاہیے اور کہنا چاہیے کہ اب بس بہت ہوگیا۔
عمر ایوب نے دعویٰ کیا کہ ملک میں آئین و قانون کی بالادستی نہ ہونے سے سرمایہ کاری نہیں آرہی اور منفی گروتھ ریٹ ہے، جو یہ کہتا ہے کہ مہنگائی کم ہوئی ہے وہ میرے ساتھ بازار کا دورہ کرے، یہ سب جھوٹے دعویٰ کررہے ہیں۔
اپوزیشن لیڈر نے کہا ہے کہ بلوچستان میں سیکیورٹی فورسز جہاں جاتی ہیں مسلح قافلے کے ہمراہ جاتی ہیں، حالات یہ ہیں کہ بلوچستان کے 8 اضلاع میں پاکستان کا جھنڈا لہرایا جاتا ہے نہ قومی ترانہ وہاں گایا جاتا ہے، وہاں گوریلا لڑائی ہورہی ہیں، بلوچستان جیسے باپردہ علاقے میں خواتین مہرنگ بلوچ کے ساتھ حقوق کے لیے باہر نکلی ہیں، بلوچستان کے ممبران ہمیں کہتے ہیں کہ آپ ہماری نمائندگی کریں، وہ خود بات کرنے سے ڈرتے ہیں۔
یہ بھی پڑھیے: ملک کو 1971 جیسی صورتحال درپیش ہے، اپوزیشن لیڈر عمر ایوب
عمر ایوب نے کہا کہ 1970 میں جنرل یحییٰ خان نے کہا کہ سب کچھ ٹھیک ہے مگر کچھ ہی وقت میں سقوط ڈھاکا ہوا۔
اس موقع پر سینیٹ میں اپوزیشن لیڈر شبلی فراز نے کہا کہ اس وقت ملک میں ظالمانہ قوانین بنائے جارہے ہیں جس سے آوازیں بند کی جارہی ہیں اور آئین کی خلاف ورزی ہورہی ہے، قوانین ایسے بنائے جائیں جو عوام اور اداروں کی بھلائی کے لیے ہوں۔
ان کا کہنا تھا کہ بنیادی مسئلہ دھاندلی زدہ انتخابات سے جڑا ہے، معیشت کا سب کو علم ہے کہ کیا صورتحال ہے، جب تک شفاف انتخابات نہیں ہوں گے ملک آگے نہیں جائے گا نہ ہی استحکام آئے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
imran khan شبلی فراز عمر ایوب عمران خان.ذریعہ: WE News
کلیدی لفظ: شبلی فراز عمر ایوب اپوزیشن لیڈر عمر ایوب نے نے کہا کہ
پڑھیں:
جسٹس منصور علی شاہ قائم مقام چیف جسٹس کا حلف اٹھائیں گے
اسلام آباد:سپریم کورٹ کے سینئر جج جسٹس منصور علی شاہ 21 اپریل کو بطور قائم مقام چیف جسٹس آف پاکستان اپنے عہدے کا حلف اٹھائیں گے۔ حلف برداری کی یہ تقریب سپریم کورٹ میں منعقد ہوگی، جہاں جسٹس منیب اختر اُن سے حلف لیں گے۔
یہ پیش رفت چیف جسٹس آف پاکستان جسٹس یحییٰ آفریدی کے پانچ روزہ غیر ملکی دورے کے باعث سامنے آئی ہے۔ چیف جسٹس یحییٰ آفریدی 20 اپریل کو چین روانہ ہوں گے، جہاں وہ 22 سے 26 اپریل تک چین کے شہر ہانگژو میں ہونے والی ایس سی او عدالتی کانفرنس میں شرکت کریں گے۔
ذرائع کے مطابق، چیف جسٹس کے ہمراہ جسٹس امین الدین خان، جسٹس شاہد وحید، ڈسٹرکٹ اینڈ سیشن جج گوادر ظفر جان اور سینئر سول جج ضلع لکی مروت نادیہ گل وزیر بھی وفد کا حصہ ہوں گے۔ اس دوران، چیف جسٹس پاکستان چین کے ساتھ تاریخی مفاہمتی یادداشت پر دستخط بھی کریں گے۔
چیف جسٹس یحییٰ آفریدی کا دورہ صرف چین تک محدود نہیں ہوگا، بلکہ اُن کی ایران اور ترکی کے اعلیٰ عدالتی حکام سے دو طرفہ ملاقاتیں بھی شیڈول ہیں۔ وہ ترکی کی آئینی عدالت کی 63 ویں سالگرہ کی خصوصی تقریبات میں بھی شرکت کریں گے۔
چیف جسٹس اور ان کا وفد 27 اپریل کو وطن واپس پہنچے گا۔ اس دوران جسٹس منصور علی شاہ قائم مقام چیف جسٹس کے فرائض انجام دیں گے۔
Post Views: 3
2025 کے پہلے 3 ماہ میں کتنے پاکستانی بیرون ملک نوکری کیلئے گئے؟ اعداد وشمار جاری