ٹرمپ کے اقدامات سے ایڈز کے مریضوں کی ہلاکت بڑھ سکتی ہے، اقوامِ متحدہ
اشاعت کی تاریخ: 17th, February 2025 GMT
اقوامِ متحدہ نے خبردار کیا ہے کہ امریکی صدر ڈونلڈ ٹرمپ کی طرف سے فنڈز میں کی جانے والی کٹوتی کے نتیجے میں ایڈز کے مریضوں میں ہلاکت بڑھ سکتی ہے۔ یہ اقدام دنیا بھر میں ایڈز کے علاج کے حوالے سے کی جانے والی مساعی کو ناکامی سے دوچار کرسکتا ہے۔
امریکا عالمی سطح پر انفرادی حیثیت میں سب سے زیادہ ترقیاتی امدادی فنڈز فراہم کرنے والا ملک ہے۔ یہ فنڈنگ دی یو ایس ایجنسی فار انٹرنیشنل ڈیویلپمنٹ (یو ایس ایڈ) کے ذریعے کی جاتی ہے۔ جنوری میں امریکی صدر کا منصب دوبارہ سنبھالتے ہی ڈونلڈ ٹرمپ نے حکم دیا کہ تین ماہ کے لیے امریکا کی طرف سے بیرونی امداد روک دی جائے۔ اس کے نتیجے میں بہت سے اہم منصوبے کھٹائی میں پڑگئے ہیں۔ اِن منصوبوں سے مستفید ہونے والے لاکھوں افراد کے لیے مشکلات بڑھ گئی ہیں۔
بیماریوں سے متعلق اقوامِ متحدہ کے پروگرام کے سربراہ نے اتوار کو ایک انٹرویو میں خبردار کیا کہ صدر ڈونلڈ ٹرمپ کی طرف سے امریکا کی بیرونی امداد تین ماہ کے لیے معطل کرنے کا فیصلہ ایڈز کے لاکھوں مریضوں کی ہلاکت کا باعث بن سکتا ہے۔
یو ایس ایڈز کی ایگزیکٹیو ڈائریکٹر ونی بیانییما نے فرانسیسی خبر رساں ادارے سے گفتگو میں کہا کہ میں یہ بات بتادینا چاہتی ہیں کہ امریکا کی غیر ملکی فنڈنگ میں رونما ہونے والی کمی انتہائی خطرناک ہے۔ ایڈز کے علاج کے حوالے سے دی جانے والی فنڈنگ روک کر امریکا کے صدر نے لاکھوں مریضوں کو موت کے خطرے سے دوچار کردیا ہے۔
فاؤنڈیشن فار ایڈز ریسرچ کے تجزیے کے مطابق امریکا کی طرف سے ایڈز کے علاج کے لیے کی جانے والی فنڈنگ سے دنیا بھر میں ایڈز کے 2 کروڑ سے زائد مریض مستفید ہوتے ہیں اور ساتھ ہی ساتھ 2 لاکھ 70 سے زائد ہیلتھ ورکرز کا بھی روزگار لگا ہوا ہے۔ ونی بیانییما نے بتایا کہ پانچ سال میں ایڈز سے ہونے والی ہلاکتوں میں دس گنا اضافہ ہوا ہے اور مرنے والوں کی تعداد کم و بیش 63 لاکھ رہی ہے۔ اِسی مدت کے دوران مریضوں کی تعداد میں 87 لاکھ کا اضافہ ہوا ہے۔
ذریعہ: Jasarat News
کلیدی لفظ: جانے والی امریکا کی کی طرف سے میں ایڈز ایڈز کے کے لیے
پڑھیں:
نیشنل پولیس اکیڈمی کی بین الاقوامی معیار کے مطابق مکمل تنظیم نو کی جا رہی ہے، وزیرداخلہ
اسلام آبا د(اُردو پوائنٹ اخبارتازہ ترین - آن لائن۔ 19 اپریل2025ء)وفاقی وزیر داخلہ محسن نقوی سے اقوامِ متحدہ کے انڈر سیکرٹری جنرل برائے امن مشنز جنرل جین پیر لاکروا نے ملاقات کی۔ ذرائع کے مطابق وفاقی وزیر داخلہ نے وزارت داخلہ آمد پر اقوام متحدہ کے انڈر سیکرٹری جنرل برائے امن مشنز جنرل جین پیر لاکروا کا خیر مقدم کیا، وزیر مملکت داخلہ طلال چوہدری، سیکرٹری داخلہ محمد خرم آغا اور اقوام متحدہ کے سیکرٹری جنرل کے ایڈوائزر فیصل شاہکار بھی اس موقع پر موجود تھے۔ملاقات میں پاکستان اور اقوام متحدہ کے امن مشنز کے مابین تعاون بڑھانے پر تبادلہ خیال کیا، محسن نقوی نے کہا کہ پاکستان ہمیشہ اقوام متحدہ کے امن مشنز کا بھرپور حامی رہا ہے۔ عالمی امن کیلئے اپنا بھر پور کردار جاری رکھیں گے، پاکستانی فوج اور پولیس کے افسران نے کئی امن مشنز میں بھر پور مہارت سے کامیاب کردار ادا کیا ہے۔(جاری ہے)
محسن نقوی نے کہا کہ کئی برس بعد پاکستانی پولیس افسران یواین میں دوبارہ فرائض سرانجام دینا شروع کر رہے ہیں، اس وقت پاکستانی افسران مختلف امن مشنز میں خدمات سرانجام دے رہے ہیں، آئندہ بھی اقوام متحدہ کے امن مشنز کے لئے ہر ممکن معاونت فراہم کریں گے۔
وزیر داخلہ نے کہا کہ فخر ہے کہ اقوام متحدہ کی پولیس کی سربراہی اس وقت پاکستان پولیس سروس کے ایک افسر کر رہے ہیں، اقوام متحدہ کے امن مشنز کو موثر بنانے کیلئے جدید ٹیکنالوجی کا استعمال انتہائی ضروری ہے۔وزیر داخلہ محسن نقوی نے یو این کو نیشنل پولیس اکیڈمی میں امن مشنز کے لئے ریجنل کورسز کرانے کی پیشکش کی اور کہا کہ نیشنل پولیس اکیڈمی کی بین الاقوامی معیار کے مطابق مکمل تنظیم نو کی جا رہی ہے۔ان کا کہنا تھا کہ اس ادارہ میں پولیس افسران کی تربیت و استعدادکار بڑھانے کے لئے تمام جدید و معیاری سہولتوں کی فراہمی یقینی کو یقینی بنایا جا رہا ہے، اقوام متحدہ کی جینڈر پالیسی کے تحت خواتین کو پاکستان کی پولیس سروس میں یکساں مواقع فراہم کئے جا رہے ہیں۔انڈر سیکرٹری جنرل برائے امن مشنز جنرل جین پیر لاکروا نے پاکستانی پولیس افسران کی یو این میں دوبارہ بحالی پر وفاقی وزیرداخلہ محسن نقوی کی ذاتی کاوشوں کو سراہا اور کہا کہ اقوام متحدہ امن مشنز مشکل حالات میں بھی امن کیلئے برسر پیکار ہیں۔
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں