سیہون حادثے پر پنجاب حکومت نے سیاست کرنے کی کوشش کی: شرجیل میمن
اشاعت کی تاریخ: 17th, February 2025 GMT
سیہون حادثے پر پنجاب حکومت نے سیاست کرنے کی کوشش کی: شرجیل میمن WhatsAppFacebookTwitter 0 17 February, 2025 سب نیوز
کراچی: سندھ کے سینئر وزیر شرجیل انعام میمن نے کہا ہے کہ سیہون حادثے پر پنجاب حکومت نے سیاست کرنے کی کوشش کی۔
کراچی میں پریس کانفرنس کرتے ہوئے صوبائی وزیر شرجیل انعام مین کا کہنا تھا کہ وفاق میں سب سے زیادہ حکومت مسلم لیگ ن کی رہی ہے، اگر سڑکیں مکمل نہیں ہوئیں تو یہ ن لیگ کی وفاقی حکومت کی نااہلی ہے، پنجاب کی وزیر اطلاعات جب شعلہ بیانی کرتی ہیں تو یہ سمجھ لیں کہ جواب بھی آئے گا، ہم جھوٹی باتیں نہیں کریں گے، ہم صرف آپ کو سچ بتائیں گے۔
انہوں نے کہا کہ ہمیں 180ارب روپے ملنے چاہئیں جس سے سڑکوں کو بہتر کریں، ہمارے 180ارب روپے سپریم کورٹ میں پڑے ہیں، سندھ حکومت کے پیسے عدالت میں جمع ہورہے ہیں، پورے پاکستان کی ٹریفک نے سندھ بھر کی سڑکوں پر چلنا ہے، آپ ہم پر بوجھ ڈالتے جارہے ہیں اور ہاتھ پاؤں بھی ہمارے ہی باندھتے جارہے ہیں۔
شرجیل میمن کا کہنا تھا کہ حادثات میں جانیں جانا کوئی کھیل نہیں، سیہون کی سڑک وفاقی حکومت نے بنانی ہے تو بنائے ورنہ ہمیں بتادیں، ہم وفاقی حکومت سے جائز بات کررہے ہیں لڑائی نہیں کررہے، ہم نے کبھی بلیک میلنگ کی سیاست نہیں کی،وہ دوسری پارٹیاں کرتی تھیں۔
صوبائی وزیر نے پی ٹی آئی پر تنقید کرتے ہوئے کہا کہ پی ٹی آئی اس وقت جس طرح کی سیاست کررہی ہے یہی ان کو آئینہ دکھانے کیلئے کافی ہے، خیبرپختونخوا میں شام5بجے کے بعد کوئی پولیس چیک پوسٹ قائم نہیں رہتی، خیبرپختونخوا میں 5بجے کے بعد تھانوں کو تالے لگ جاتے ہیں۔
ان کا کہنا تھا کہ خیبرپختونخوا میں آپ کی 15سال سے حکومت ہے، آپ کے 15سال میں بنوں جیل کو توڑا گیا، اس وقت پوری پی ٹی آئی بانی کو جیل سے نکالنے کی کوششوں میں مصروف ہے، خیبرپختونخوا کے عوام امن وامان کے حوالے سے پریشان ہیں، بیرسٹر سیف نے بھی صدر آصف زرداری،بلاول بھٹو کے خلاف بیان دیا ہے، پی ٹی آئی خود چوں چوں کا مربہ تھا۔
شرجیل میمن نے مزید کہا کہ پی ٹی آئی پاکستان کو نقصان پہنچانے کی کوشش کررہی ہے یہ بات کسی سے چھپی ہوئی نہیں، 9مئی کو بانی پی ٹی آئی نے جو حدود کراس کیں وہ بھی کسی سے چھپی ہوئی نہیں ہیں، پی ٹی آئی کا لیڈر آج جیل میں بیٹھا ہے، ان کے لیڈر نے خود کبھی عقل استعمال نہیں کی۔
.ذریعہ: Daily Sub News
کلیدی لفظ: شرجیل میمن پی ٹی ا ئی حکومت نے کی کوشش
پڑھیں:
ٹریفک قوانین کی خلاف ورزی معمولی جرم نہیں، اجتماعی سلامتی کے لیے خطرہ ہے: شرجیل میمن
شرجیل انعام میمن---فائل فوٹوسندھ کے سینئر وزیر شرجیل انعام میمن کا کہنا ہے کہ ٹریفک قوانین کی خلاف ورزی معمولی جرم نہیں بلکہ اجتماعی سلامتی کے لیے خطرہ ہے۔
انہوں نے کہا کہ کراچی میں ٹریفک قوانین کے خلاف کریک ڈاؤن جاری ہے، مجموعی طور پر 17 ہزار 980 موٹر سائیکلیں ضبط کرلی گئیں، قوانین کی خلاف ورزی پر 308 ہیوی اور لائٹ ٹرانسپورٹ گاڑیاں ضبط کی گئیں، 230 گاڑیوں کی رجسٹریشن عارضی طور پر معطل کر کے مخصوص شرائط پر چھوڑا گیا۔
کراچی جیو نیوز سے خصوصی گفتگو کرتے ہوئے...
شرجیل میمن نے کہا کہ ٹریفک بے ضابطگیوں سے شہریوں کی جانوں کو خطرہ لاحق ہوتا ہے، کریک ڈاؤن شہریوں کی جان و مال کے تحفظ کے لیے کئے گئے عملی اقدامات کا ثبوت ہے، قانون کی خلاف ورزی کسی صورت برداشت نہیں کی جائے گی۔
ان کا کہنا ہے کہ کارروائیاں بلا تفریق جاری ہیں، یہ مہم صرف آغاز ہے اور آنے والے دنوں میں مزید سخت اقدامات کیے جائیں گے، شہری قانون نافذ کرنے والے اداروں سے تعاون کریں اور غیر قانونی اقدمات سے گریز کریں۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی