ہاتھ پاؤں بندھی خاتون کی لاش کس کی؟ پولیس نے پتا لگا لیا
اشاعت کی تاریخ: 17th, February 2025 GMT
کراچی کے علاقے سرجانی ٹاؤن سے خاتون کی تشدد زدہ ہاتھ پاؤں بندھی لاش کی شناخت کرلی گئی ہے۔ مقتولہ سحر فاطمہ کے اغوا اور قتل میں 2 ملزمان کو گرفتار کرلیا گیا ہے۔ واقعے کا مقدمہ اغوا برائے تاوان کی دفعات کے تحت تھانا یوسف پلازہ میں شوہر کی مدعیت میں گزشتہ روز درج کیا گیا تھا۔
ایس ایس پی اے وی سی سی انیل حیدر کے مطابق 16 فروری کو تھانا یوسف پلازہ میں خاتون کے اغوا برائے تاوان کا مقدمہ درج ہوا تھا، جس کے بعد ٹیمیں تشکیل دیں اور خاتون کے اغوا اور قتل میں نیکسن اور وسیم رضا نامی ملزمان کو ٹیکنیکل بنیاد پر گرفتار کیا گیا۔ رات گئے اے وی سی سی، رینجرز اور سی پی ایل سی نے ملزمان کی نشاندہی پر سرجانی ٹاؤن میں مشترکہ کارروائی کی، مکان پر چھاپہ مارا جہاں سے خاتون کی لاش ملی۔
مزید پڑھیں: پشاور: قتل کیس میں ضمانت پر جیل سے نکلتے ہی خاتون قتل
ذرائع کے مطابق ملزم وسیم مقتولہ خاتون کیساتھ ماضی میں بینک میں ملازمت کرتا تھا، پولیس کے مطابق خاتون کو اغوا کے بعد قتل کیوں کیا اس پر ملزمان سے تفتیش کررہے ہیں۔ خاتون کی لاش پوسٹ مارٹم کے لیے عباسی اسپتال منتقل کی گئی ہے۔ اغوا کاروں کی جانب سے مقتولہ لڑکی کے والد کو بھیجی گئی خاتون کی ہاتھ پاؤں بندھی ویڈیو میں خاتون کے اہلخانہ سے ایک کروڑ روپے تاوان مانگا گیا تھا۔
ترجمان رینجرز کے مطابق 15 فروری کو خاتون سحر کو گلبرگ سے اغوا کرکے سرجانی ٹاؤن میں ایک کرائے کے گھر میں رکھا گیا جہاں خاتون کی ہاتھ پاؤں بندھی ویڈیو بناکر اہلخانہ کو بھیجی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خاتون قتل سرجانی ٹاؤن کراچی.ذریعہ: WE News
کلیدی لفظ: خاتون قتل سرجانی ٹاؤن کراچی سرجانی ٹاؤن خاتون کی کے مطابق
پڑھیں:
’باپ تو سپر مین ہوتا ہے‘، بچے کو گرمی سے بچانے کے لیے باپ نے سیٹ پر ہاتھ رکھ لیے، ویڈیو وائرل
سوشل میڈیا پر ایک ویڈیو وائرل ہو رہی ہے جس میں موٹر سائیکل پر سوار ایک شخص کو کڑکتی دھوپ میں سفر کرتے دیکھا جا سکتا ہے، ویڈیو پوسٹ کرنے والے صارف کا کہنا ہے کہ یہ شخص اسکول سے چھٹی کے بعد اپنے بچوں کو لینے آیا ہے جو خود گرمی میں موٹر سائکل پر بیٹھا ہے لیکن پچھلی سیٹ پر قیمص پھیلا کر ہاتھ رکھ دیے تاکہ جب اس کا بچہ اس سیٹ پر بیٹھے تو وہ گرم نہ ہو۔
باپ سراں دے تاج محمد pic.twitter.com/aban5xHyx2
— Ans (@PakForeverIA) April 20, 2025
اس ویڈیو پر صارفین کی جانب سے مختلف تبصرے کیے جا رہے ہیں۔ پی سی بی کے سابق چیئرمین و کمنٹیٹر رمیز راجہ نے اس پوسٹ پر تبصرہ کرتے ہوئے کہا کہ ایسا منظر دل پگھلا دیتا ہے۔
انہوں نے لکھا کہ جب کبھی کسی خاندان کو موٹر سائیکل پر ایک دوسرے سے چمٹ کر بیٹھے ہوئے دیکھتا ہوں تو دل سے بے اختیار ان کی سلامتی کی دعا نکلتی ہے اور خواہش ہوتی ہے کہ اللہ انہیں جلد ایسی گاڑی عطا کرے جس میں وہ سکون اور آرام سے سفر کر سکیں۔
This melts your heart !
Every time I see a family clinging to each other on a motor cycle, I instinctively pray for their safety and hope they can get a car to sit in comfortably . https://t.co/uRA4naOBq1
— Ramiz Raja (@iramizraja) April 21, 2025
ایک صارف نے ویڈیو پر تبصرہ کرتے ہوئے کہا کہ باپ تو سپر مین ہوتا ہے۔
Father is Super Man. https://t.co/WUoazvGTxP
— Humayun Khan (@EngrHumayun10) April 21, 2025
عادل خان یوسفزئی نے کہا کہ پاکستان کے ایلیٹ کبھی نہی چاہتے کہ ان کے پاس کار ہے تو ایک عام آدمی بھی کار خرید سکے جو کار ہمارے پڑوس انڈیا، چائنہ اور افغانستان میں 3 لاکھ روپے کی ملتی ہے وہی کار پاکستان میں 28 لاکھ کی ملتی ہے تو کیا صرف دعا سے غریب کار خرید سکتا ہے؟
سر جی پاکستان کے ایلیٹ کبھی نہی چاہتے کہ ان کے پاس کار ہے تو ایک عام آدمی بھی کار خرید سکے
جو کار ہمارے پڑوس انڈیا، چاینہ،افغانستان میں 3 لاکھ روپے کی ملتی ہے وہی کار پاکستان میں 28 لاکھ کی ملتی ہے تو کیا صرف دعا سے غریب کار خرید سکتا ہے؟
— ADIL KHAN YOUSAFZAI (@kaddiwall3) April 21, 2025
ایک ایکس صارف نے رمیز راجہ کو کہا کہ آپ انہیں ایک گاڑی کیوں نہیں خرید کر دیتے۔ آپ کے پاس جتنا پیسہ ہے اس کے لیے یہ کوئی بڑی بات نہیں ہونی چاہیے۔
Why don’t you buy them one? Surely that isn’t a big deal with the kind of money you have.
— Siddhartha Das (@sidharthone) April 21, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رمیز راجہ کراچی گرمی کی شدت
عمران خان کو مذاکرات کے لیے راضی کیا، بات چیت سود مند ہوگی، اعظم سواتی