سعودی عرب سمیت 11 ممالک سے 173 پاکستانی ڈی پورٹ، 24 کراچی میں گرفتار
اشاعت کی تاریخ: 16th, February 2025 GMT
کراچی: سعودی عرب میں مختلف وجوہات کی بنا پر 94 پاکستانیوں کو ڈی پورٹ کر دیا گیا، جن میں بلیک لسٹ افراد، بھیک مانگنے، منشیات فروشی، غیر قانونی قیام، کفیل کے بغیر کام کرنے، ملازمت سے مفرور افراد اور معاہدے کی خلاف ورزی کرنے والے شامل ہیں۔
میڈیا رپورٹس کےمطابق مجموعی طور پر مختلف ممالک سے 173 پاکستانیوں کی بے دخلی کی گئی ہے، ???? گزشتہ 48 گھنٹوں کے دوران سعودی عرب، متحدہ عرب امارات، عمان، برطانیہ، قطر، تھائی لینڈ، عراق، قبرص، انڈونیشیا، موریطانیہ اور تنزانیہ سمیت 11 ممالک سے مجموعی طور پر 173 پاکستانیوں کو ڈی پورٹ کیا گیا ہے۔
سعودی عرب سے 94 پاکستانی بے دخل
???? سعودی عرب میں بلیک لسٹ افراد، بھیک مانگنے، منشیات فروشی، غیر قانونی طور پر قیام کرنے، کفیل کے بغیر کام کرنے، معاہدے کی خلاف ورزی اور ملازمت سے فرار ہونے والوں کو حراست میں لینے کے بعد پاکستان واپس بھیج دیا گیا۔
دیگر ممالک سے بے دخلی کی تفصیلات
???? عمان سے 3، تھائی لینڈ سے 1،عراق سے 9، برطانیہ اور قبرص سے 2، 2 پاکستانیوں کو نکالا گیا جبکہ موریطانیہ سے انسانی اسمگلنگ کے الزام میں 5، انڈونیشیا سے 4، قطر سے ناکافی اخراجات کے ساتھ پہنچنے والے 2 پاکستانیوں کو واپس بھیجا گیا ہے۔ اسی طرح تنزانیہ سے 1،متحدہ عرب امارات ( یو اے ای ) سے 39 پاکستانیوں کو ڈی پورٹ کیا گیا ہے، متحدہ عرب امارات میں جیل سے رہا ہونے کے بعد غیر قانونی سرگرمیوں میں ملوث پائے جانے والے 39 پاکستانیوں کو کراچی بھیج دیا ہے، جن میں 7 ایسے افراد بھی شامل تھے جو آئی بی ایم ایس (امیگریشن ڈیٹا بیس) میں بلیک لسٹ قرار دیے جا چکے تھے۔
.ذریعہ: Jasarat News
کلیدی لفظ: پاکستانیوں کو ممالک سے ڈی پورٹ
پڑھیں:
کراچی: فائرنگ کے مختلف واقعات میں پولیس اہلکار سمیت 5 افراد زخمی
کراچی کے مختلف علاقوں میں فائرنگ کے واقعات میں پولیس اہلکار سمیت 5 افراد زخمی ہوگئے۔
تفصیلات کے مطابق قائد آباد کے علاقے ریڑھی گوٹھ گلی نمبر 7 میں گھر کے اندر فائرنگ کے واقعے میں ایک شخص زخمی ہوگیا جسے فوری طبی امداد کے لیے جناح اسپتال لیجایا گیا۔
ایس ایچ او قائد آباد رانا خوشی نے بتایا کہ مضروب کی شناخت 45 سالہ ذاکر ولد نیاز اللہ کے نام سے کی گئی جبکہ ابتدائی اطلاعات ک مطابق ذاکر نے اپنے 30 بور پستول کو صاف کرنے کے بعد تین ہوائی فائر کر کے پستول اپنے قریب رکھ لیا تھا کہ اس دوران اس کے 9 سالہ بیٹے نے اسلحہ اٹھایا تو اچانک اس سے گولی چل گئی جو کہ والد کی ٹانگ پر لگی۔
انہوں نے بتایا کہ جائے وقوعہ سے گولی کا ایک خول ملا ہے جسے پولیس نے اپنے قبضے میں لے لیا ہے اور اس حوالے سے مزید چھان بین کی جا رہی ہے۔
ایئر پورٹ ماڈل کالونی آوٹر سنگل کے قریب گارڈ روم میں پولیس اہلکار ٹانگ پر گولی لگنے سے زخمی ہوگیا جسے فوری طبی امداد کے لیے جناح اسپتال لیجایا گیا ۔
ایئر پورٹ پولیس کے مطابق مضروب کی شناخت 24 سالہ کانسٹیبل شیراز کے نام سے کی گئی جو کہ اپنے اسلحے کی صفائی کے دوران اتفاقیہ گولی چلنے سے زخمی ہوا ہے۔
کورنگی کے علاقے 6 نمبر کچی مارکیٹ کے قریب فائرنگ سے ایک شخص زخمی ہوگیا جسے چھیپا کے رضا کاروں نے فوری طبی امداد کے لیے جناح اسپتال پہنچایا جہاں اس کی شناخت 28 سالہ شہباز کے نام سے کی گئی۔ریسکیو حکام کا کہنا ہے کہ واقعہ ڈکیتی کے دوران مزاحمت پر ڈاکوؤں کی فائرنگ سے پیش آیا ہے جبکہ گولی اسے بازو پر لگی تھی۔
میمن گوٹھ کے علاقے لنک روڈ کے قریب فائرنگ سے 25 سالہ بالاج زخمی ہوگیا۔
میمن گوٹھ پولیس کے مطابق واقعہ ذاتی جھگڑے کے دوران کی جانے والی فائرنگ سے پیش آیا ہے جس کی مزید معلومات حاصل کی جا رہی ہے۔
دریں اثنا نیو کراچی فور کے چورنگی اللہ والی کے قریب فائرنگ کے پراسرار واقعہ میں 25 سالہ ریحان زخمی ہوگیا۔
بلال کالونی پولیس کا کہنا ہے کہ واقعہ نامعلوم سمت سے آنے والی گولی لگنے کا بتایا جا رہا ہے جس کی مزید تحقیقات کی جا رہی ہے۔
2025 کے پہلے 3 ماہ میں کتنے پاکستانی بیرون ملک نوکری کیلئے گئے؟ اعداد وشمار جاری