فٹنس سرٹیفکیٹ کے بغیر گاڑیوں کے شہر میں داخلے پر پابندی عائد
اشاعت کی تاریخ: 16th, February 2025 GMT
وقاص احمد: لاہور میں ٹریفک پولیس نے گاڑیوں کے فٹنس سرٹیفکیٹس کی چیکنگ کے لیے داخلی راستوں پر ناکے لگا دیے ہیں تاکہ شہر میں داخل ہونے والی گاڑیوں کی فٹنس کو یقینی بنایا جا سکے۔
پولیس کے مطابق 24 گھنٹوں کے دوران 121 کمرشل گاڑیوں کے فٹنس سرٹیفکیٹ نہ ہونے پر چالان کیے گئے جبکہ 500 سے زائد گاڑیوں کی چیکنگ کی گئی۔ ڈی آئی جی ٹریفک لاہور نے گاڑیوں کے فٹنس سرٹیفکیٹ چیک کرنے کے لیے ناکہ بندی کا حکم دیا تھا۔
صائم ایوب کیساتھ خوبرو اداکارہ کے لندن میں سیرسپاٹے،ویڈیوز وائرل
ٹریفک پولیس نے بتایا کہ فٹنس سرٹیفکیٹ نہ ہونے کی صورت میں نہ صرف چالان کیا جائے گا بلکہ گاڑی کا شہر میں داخلہ بھی روک دیا جائے گا۔
ٹریفک پولیس نے شہریوں سے اپیل کی ہے کہ وہ اپنی گاڑیوں کے فٹنس سرٹیفکیٹ کی حالت کو یقینی بنائیں تاکہ کسی قسم کی پریشانی سے بچا جا سکے۔
ذریعہ: City 42
پڑھیں:
لاہور: سوشل میڈیا پلیٹ فارم پر پابندی کیخلاف درخواستیں سماعت کیلئے مقرر
— فائل فوٹولاہور ہائی کورٹ نے سوشل میڈیا پلیٹ فارم پر پابندی کے خلاف درخواستیں سماعت کے لیے مقرر کر دیں۔
لاہور ہائی کورٹ نے سوشل میڈیا پلیٹ فارم ایکس کی بندش کے خلاف درخواست سماعت کے لیے مقرر کر دی۔
چیف جسٹس لاہور ہائی کورٹ جسٹس عالیہ نیلم کی سربراہی میں 3 رکنی فل بینچ درخواستوں پر سماعت کرے گا۔
ہائی کورٹ کا 3 رکنی بینچ 24 اپریل کو درخواستوں پر سماعت کرے گا۔
اس موقع پر ببنچ نے اٹارنی جنرل کو بھی طلب کیا ہے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج