روس نے مسافر بردار طیاروں کی مرمت کے لئے ایران کو آوٹ سورس کر لیا
اشاعت کی تاریخ: 16th, February 2025 GMT
رشیئن فیڈرل ایوی ایشن ایجنسی کے سربراہ دیمیتری یادروف کا کہنا ہے کہ ہم نے ایک طیارہ مرمت کے لئے ایران بھیجا تھا، ایرانی کمپنیوں کا کام قابل اطمینان اور قابل تعریف ہے، ایرانی کمپنیوں کی جانب سے پیشکش آتے ہی ایرانی کمنیوں کو روس میں کام کرنیکا لائسنس جاری کر دیا جائیگا۔ اسلام ٹائمز۔ ایک صدی سے ائیر کرافٹ انڈسٹری کے شعبے میں ایرانی صنعت نے اپنا لوہا منوایا ہے اور امریکی پابندیوں کے باوجود دنیا کا شعبے پر بھروسہ اور اعتماد پہلے سے بہتر ہو رہا ہے۔ اقتصادی ماہرین کے مطابق ایران نے 1930 میں ایوی ایشن انڈسٹری کا آغاز کیا اور بعد میں ایران ایئر اور ھما کے ناموں سے ائیر لائنز قائم کر کے شعبے کو وسعت دی۔ پہلی بار سول ایوی ایشن کے تحت 19024 باکو انزلی تہران پرواز کا آغاز ہوا، 1926 سے 1930 تک جرمن ائیر لائن کی خدمات حاصل کی گئیں۔ 1945 میں ائیر لائن کی بنیاد رکھی گئی، 1947 میں ایک ایرانی تاجر نے امریکہ سے بحری جہاز خریدے اور 14 ممالک کے کارگو سروسز شروع ہوئیں۔ 1965 میں پیرس کے اشتراک سے ایران کی قومی ایئر لائن ھما کا آغاز ہوا، 1978 میں کمرشل پروازیں شروع ہوئیں۔
انقلاب اسلامی کی کامیابی کیساتھ ہی امریکہ نے ایرانی ایئرلائن پر پابندیاں لگانا شروع کر دیں، ایرانی ایئرلائن ھما کو پزروں کی فراہمی بند کر دی گئی، اس وقت سے مقامی طور پر محنت اور جانفشانی سے انڈسٹری پر توجہ دی گئی اور آج ایرانی ایوی ایشن انڈسٹری طیاروں کی دیکھ بھال اور مرمت میں اپنا نام رکھتی ہے۔ رشیئن فیڈرل ایوی ایشن ایجنسی کے سربراہ دیمیتری یادروف کا کہنا ہے کہ ہم نے ایک طیارہ مرمت کے لئے ایران بھیجا تھا، ایرانی کمپنیوں کا کام قابل اطمینان اور قابل تعریف ہے، ہم نے حال ہی میں ایران کے ساتھ معاہدے پر دستخط کیے ہیں، ایرانی کمپنیوں کی جانب سے پیشکش آتے ہی ایرانی کمنیوں کو روس میں کام کرنیکا لائسنس جاری کر دیا جائیگا۔
ان کا کہنا تھا کہ 2021 سے معاہدے کے تحت روس نے طیاروں کی مرمت اور دیکھ بھال کا کام ایرانی کمپنیوں کے سپرد کر رکھا ہے۔ حالیہ دنوں میں روس اور ایران کے درمیان اسٹریٹیجک پارٹنرشپ کے معاہدے کی طرف اشارہ کرے ہوئے انہوں نے کہا کہ ایوی ایشن انڈسٹری پر اس کے مثبت اثرات مرتب ہونگے اور باہمی تعلقات میں بہتری آئیگی۔ واضح رہے ایرانی صدر ڈاکٹر مسعود پزشکیان اور صدر ولادیمیر پیوٹن کے درمیان طے پانے والے معاہدے کے آرٹیکل 21 کا تعلق مواصلات بشمول ریل، بری، بحری اور فضائی ٹرانسپورٹ سے ہے جس میں ماہرین کی تربیت بھی شامل ہے، اسی طرح دونوں ممالک کمپنیوں کو مختلف مواقع بھی فراہم کرینگے جن سے مزید پیش رفت ہو گی۔
ذریعہ: Islam Times
کلیدی لفظ: ایرانی کمپنیوں ایوی ایشن
پڑھیں:
ایران کیساتھ مذاکرات میں اہم پیشرفت ہوئی ہے، امریکی محکمہ خارجہ
اپنے ایک بیان میں بدر البوسعیدی کا کہنا تھا کہ ایران و امریکہ کے درمیان غیر مستقیم مذاکرات میں تیزی آ گئی ہے۔ انہوں نے کہا کہ اس وقت وہ بھی ممکن ہے جو کبھی ناممکن تھا۔ اسلام ٹائمز۔ اٹلی کے دارالحکومت "روم" میں ایران-امریکہ غیر مستقیم مذاکرات کے 12 سے زائد گھنٹے گزرنے کے بعد، امریکی محکمہ خارجہ کے ترجمان "ٹامی بروس" نے المیادین سے گفتگو میں کہا کہ ان مذاکرات میں قابل توجہ پیشرفت ہوئی ہے۔ انہوں نے کہا کہ ہم نے ایرانی فریق سے اگلے ہفتے دوبارہ ملنے پر اتفاق کیا ہے۔ اسی دوران ٹرامپ انتظامیہ کے سینئر عہدیدار نے امریکی میڈیا سے گفتگو میں کہا کہ روم میں تقریباََ 4 گھنٹے تک مذاکرات کا دوسرا دور جاری رہا۔ جس میں بالواسطہ و بلاواسطہ بات چیت مثبت طور پر آگے بڑھی۔ واضح رہے کہ امریکہ کے ساتھ بالواسطہ مذاکرات کے دوسرے دور میں ایرانی وفد کی قیادت وزیر خارجہ "سید عباس عراقچی" نے کی جب کہ امریکی وفد کی سربراہی مشرق وسطیٰ میں ڈونلڈ ٹرامپ کے نمائندے "اسٹیو ویٹکاف" کے کندھوں پر تھی۔
مذاکرات کا یہ عمل روم میں عمانی سفیر کی رہائش گاہ پر عمان ہی کے وزیر خارجہ "بدر البوسعیدی" کے واسطے سے انجام پایا۔ دوسری جانب مذاکرات کی تفصیلات بیان کرتے ہوئے سید عباس عراقچی نے کہا کہ فریقین کئی اصولوں اور اہداف پر مثبت تفاہم تک پہنچ چکے ہیں۔ انہوں نے کہا کہ رواں ہفتے بدھ کے روز ماہرین کی سطح تک مذاکرات کا یہ عمل آگے بڑھے گا جب کہ اعلیٰ سطح پر بات چیت کے لئے اگلے ہفتے اسنیچر کو اسی طرح بالواسطہ اجلاس منعقد ہو گا۔ سید عباس عراقچی نے کہا کہ اس وقت مذاکرات سے اچھی امید باندھی جا سکتی ہے لیکن احتیاط کی شرط کے ساتھ۔ ایرانی وزیر خارجہ کے ساتھ ساتھ اُن کے عمانی ہم منصب بدر البوسعیدی نے بھی دعویٰ کیا کہ ایران و امریکہ کے درمیان غیر مستقیم مذاکرات میں تیزی آ گئی ہے۔ انہوں نے کہا کہ اس وقت وہ بھی ممکن ہے جو کبھی ناممکن تھا۔
ایران میں قتل 8 پاکستانیوں کی لاشیں ابھی تک تفتان نہیں لائی گئیں، ڈی سی چاغی