پٹرول ایک، ڈیزل 4، مٹی کا تیل 3.20 روپے لٹر سستا
اشاعت کی تاریخ: 16th, February 2025 GMT
اسلام آباد (نمائندہ خصوصی ) وفاقی حکومت نے آئندہ 15 روز کے لیے پیٹرولیم مصنوعات کی قیمتوں کا اعلان کردیا۔پٹرول کی قیمت میں ایک روپے‘ہائی سپیڈ ڈیزل کی قیمت میں 4 روپے ‘ لائٹ ڈیزل آئل کی قیمت میں 5 روپے 25 پیسے اور مٹی کے تیل کی قیمت میں 3 روپے 20 پیسے لٹر کمی کر دی گئی ہے۔اعلامیے کے مطابق پٹرول کی نئی قیمت 256 روپے 13 پیسے اور ہائی سپیڈ ڈیزل 263 روپے 95 پیسے فی لٹر میں دستیاب ہوگا۔وزات خزانہ کا کہنا ہے مٹی کے تیل کی قیمت 171 روپے 65 پیسے لٹر مقرر کی گئی ہے۔اسی طرح لائٹ ڈیزل آئل کی نئی قیمت 155 روپے 81 پیسے لٹر مقرر ہو گئی ہے۔وزارت خزانہ نے پیٹرولیم مصنوعات کی قیمتوں میں رد و بدل کا نوٹیفکیشن جاری کردیا ہے، نئی قیمتوں کا اطلاق رات 12 بجے سے ہوگیا ہے۔
.ذریعہ: Nawaiwaqt
کلیدی لفظ: کی قیمت میں
پڑھیں:
آٹے کے بعد گھی کی قیمت میں بھی بڑی کمی
آٹے کے بعد گھی کی قیمت میں بھی بڑی کمی آ گئی تاہم چکن بدستور مہنگی ہے۔مارکیٹ ذرائع کے مطابق آٹے کے بعد گھی کی قمیتوں میں بھی کمی آئی ہے۔صدر کریانہ مرچنٹس ایسوسی ایشن کا کہنا ہے کہ آٹے کا 20 کلو والا تھیلا 200 روپے کمی سے 1550 روپے پر آگیا ہے جبکہ گھی کی قیمت میں 18 روپے کلو کمی ہوئی ہے۔صدر کریانہ مرچنٹس ایسوسی ایشن کے مطابق ایک ماہ میں گھی کی فی کلو قیمت میں 29 روپے کی کمی ہوئی ہے۔صدر کریانہ مرچنٹس ایسوسی ایشن کا کہنا ہے کہ انتظامیہ مٹن اور مرغی کے گوشت کی قیمت کم کرنے میں مکمل ناکام طور پر ناکام نظر آ رہی ہے۔
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی