’’ملک میں رئیل اسٹیٹ کا شعبہ کئی سالوں سے جمود کا شکار‘‘
اشاعت کی تاریخ: 16th, February 2025 GMT
اسلام آباد:
تجزیہ کار شہباز رانا کا کہنا ہے کہ پاکستان کی ایک خفیہ ایجنسی نے انٹیلی جنس ایجنسی نے کسٹمز افسران اور اسمگلروں کا 78 رکنی اسمگلنگ نیٹ ورک پکڑ لیا ہے، اس نیٹ ورک میں کسٹمز کے37 افسران اور ملازمین ان میں گریڈ 20 کے افسر بھی ہیں اور 41 اسمگلر اور ایک صحافی شامل ہیں، گرفتار افراد نے بہت انکشافات کیے ہیں انھوں نے نام بتائے ہیں کہ اس نیٹ ورک کو کون چلا رہا تھا۔
ایکسپریس نیوز کے پروگرام دی ریویو میں گفتگو کرتے ہوئے انھوں نے کہا کہ حکومت نے فیکٹ فائینڈنگ انکوائری کا حکم دیدیا ہے اسمگلنگ نیٹ ورک کی انکوائری چیف کلکٹر کسٹمز کریں گے۔
تجزیہ کار کامران یوسف نے کہا کہ پاکستان کی ایک پریمیئر انٹیلی جنس ایجنسی نے ایک ایسا نیٹ ورک بے نقاب کیا ہے جس میں مبینہ طور پر کسٹمز کے حکام اور اسمگلر مل کر پاکستان کی مارکیٹوں میں ڈیوٹی، نان ڈیوٹی یا سمگل شدہ اشیا کی بھر مار کیے ہوئے ہیں، سب سے اہم سوال ہے کہ یہ بات تو ہم جانتے ہیں کہ اس طرح کا کوئی غیرقانونی کام ہوتا ہے، اسمگلنگ ہوتی ہے تو یہ سرکاری اداروں اور سرکاری ملازمین کی شمولیت کے بغیر ممکن نہیں۔
انھوں نے بتایا کہ پاکستان میں ریئل اسٹیٹ کا شعبہ گزشتہ کئی سالوں سے جمود کا شکار ہے، اس کی کئی وجوہات ہیں، ان کا یہ بھی کہنا تھا کہ اقوام متحدہ کی سیکیورٹی کونسل کی خودمختار ماہرین پر مشتمل مانیٹرنگ ٹیم دنیا بھر کے دہشت گرد گروپوں کی سرگرمیوں سے متعلق سال میں دو مرتبہ رپورٹ جاری کرتی ہے، ٹیم نے پاکستان افغانستان ریجن کے بارے میں اپنی 24 صفحات پر مشتمل رپورٹ جواس ہفتے جاری کی ہے میں ہوش ربا انکشافات کیے ہیں۔
.ذریعہ: Express News
کلیدی لفظ: نیٹ ورک
پڑھیں:
عمرہ زائرین کی بس حادثے کا شکار ہوگئی، 4 پاکستانی جاں بحق 9 زخمی
مدینہ منورہ ( اُردو پوائنٹ اخبارتازہ ترین۔ 20 اپریل 2025ء ) سعودی عرب میں عمرہ زائرین کی بس حادثے کا شکار ہوگئی، جس کے نتیجے میں 4 پاکستانی جاں بحق 9 زخمی ہوگئے۔(جاری ہے)
میڈیا رپورٹس کے مطابق سعودی عرب میں بدر سے مدینہ منورہ جاتے ہوئے عمرہ زائرین کی بس کو مدینہ منورہ کے قریب حادثہ پیش آیا جس کے نتیجے میں 4 پاکستانی جاں بحق اور 9 زخمی ہوئے، یہ افسوسناک حادثہ مسافر بس اور ٹرالر میں تصادم کی وجہ سے ہوا، جس کے نتیجے میں جاں بحق پاکستانی شہریوں کا تعلق چشتیاں کی سب تحصیل ڈاہرانوالہ اور فورٹ عباس ہارون آباد کے گردونواح علاقہ سے تھا۔
ذرائع کا کہنا ہے کہ سعودی عرب میں ٹریفک حادثے میں جاں بحق اور زخمیوں کو اسپتال منتقل کردیا گیا ہے، عمرہ زائرین کا یہ گروپ چند روز قبل ڈاہرانوالا سے سعودی عرب روانہ ہوا تھا، تمام زائرین ڈاہرانوالہ کی نجی ٹریول ایجنسی کے ذریعے عمرہ کی سعادت کیلئے سعودی عرب گئے تھے، جاں بحق ہونے والی 1 خاتون کا تعلق 201 مراد سے ہے، 2 خواتین 228 نائن آر کی رہائشی تھیں اور 1 جاں بحق شخص کا تعلق 3/39 آر سے ہے جب کہ حادثے میں زخمی افراد کی تفصیل سامنے نہیں آسکی۔
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں