سید شیر شاہ بخاری نے عزاداری اور ذکر اہلبیت (ع) کو فروغ دیا، علامہ مقصود ڈومکی
اشاعت کی تاریخ: 15th, February 2025 GMT
جیکب آباد میں سید شیر شاہ بخاری کے مزار پر میڈیا سے بات چیت کرتے ہوئے علامہ مقصود ڈومکی نے کہا کہ سندھ دھرتی اولیاء اور صوفیاء کی دھرتی ہے، جنہوں نے لوگوں کو امن اور محبت کا پیغام دیا۔ اسلام ٹائمز۔ مجلس وحدت مسلمین کے مرکزی رہنماء علامہ مقصود علی ڈومکی نے کہا ہے کہ سید شیر شاہ بخاری جیکب آباد شہر کی ہر دل عزیز شخصیت تھے۔ جن کے عقیدت مندوں میں شیعہ، سنی مسلم اور غیر مسلم سبھی شامل تھے۔ یہ بات انہوں نے بانی فرش عزاء قبلہ سید شیر شاہ بخاری کے سالانہ عرس کے موقع پر ان کے مزار پر میڈیا سے گفتگو کرتے ہوئے کہی۔ اس سے قبل انہوں نے مزار پر چادر چڑھا کر فاتحہ خوانی بھی کی۔ سالانہ عرس کی تقریب میں شہر جیکب آباد کے مختلف مکاتب فکر کے عوام اور سیاسی، سماجی و مذہبی رہنماء شریک ہوئے، جن میں صدر چیمبرز آف کامرس میر احمد علی خان بروہی، جماعت اسلامی جیکب آباد کے صدر حاجی دیدار علی لاشاری، پاکستان تحریک انصاف کے صوبائی رہنماء میر راجہ خان جکرانی، میر گل حسن ٹالانی جیکب آباد، شہری اتحاد کے رہنماء ایڈوکیٹ عبدالحئی سومرو و دیگر شامل تھے۔
اس موقع پر میڈیا سے گفتگو کرتے ہوئے علامہ مقصود علی ڈومکی نے کہا کہ سندھ دھرتی اولیاء اور صوفیاء کی دھرتی ہے، جنہوں نے لوگوں کو امن اور محبت کا پیغام دیا۔ ہمارے ملک میں سب مل کر رہتے ہیں۔ سید شیر شاہ بخاری جیکب آباد شہر کی ہر دل عزیز شخصیت تھے۔ جن کے عقیدت مندوں میں شیعہ سنی مسلم اور غیر مسلم سبھی شامل تھے۔ سید شیر شاہ بخاری نے جیکب آباد میں عزاداری امام حسین علیہ السلام اور ذکر اہل بیت علیہ السلام کو فروغ دیا۔ آج بھی جیکب آباد کے ہر مسلک اور مکتب فکر سے تعلق رکھنے والے لوگ آپ کو عزت و احترام کی نگاہ سے دیکھتے ہیں۔ الحمدللہ ہمارے ملک میں آج بھی شیعہ سنی مسلمان مل کر رہتے ہیں، ان کے درمیان محبت اور اخوت پر مبنی تعلقات قائم ہیں۔
ذریعہ: Islam Times
کلیدی لفظ: سید شیر شاہ بخاری علامہ مقصود جیکب آباد
پڑھیں:
نوازشریف نے ملک میں خدمت کی سیاست کو فروغ دیا،وفاقی وزیر اطلاعات
نوازشریف نے ملک میں خدمت کی سیاست کو فروغ دیا،وفاقی وزیر اطلاعات WhatsAppFacebookTwitter 0 13 December, 2025 سب نیوز
لاہور(سب نیوز)وفاقی وزیر اطلاعات ونشریات عطا تارڑ نے کہا ہے کہ نوازشریف نے ملک میں خدمت کی سیاست کوفروغ دیا۔لاہور پریس کلب میں کتاب کی تقریبِ رونمائی سے خطاب کرتے ہوئے عطا تارڑ کا کہنا تھا کہ پی ٹی آئی نے خیبرپختونخوا کا کیا حال کیا جا کر دیکھ لیں، کراچی سے پشاور اور گلگت سے گوادر تک چپے چپے پر نوازشریف کے منصوبے ہیں۔
انہوں نے کہا کہ سینئرصحافیوں کے درمیان موجودگی میرے لیے اعزازہے، صحافت اورصحافیوں سے تعلق بہت پرانا ہے، سازش کے ذریعے نوجوان نسل کوگمراہ کرنے کی کوشش کی گئی۔وفاقی وزیر اطلاعات ونشریات کا کہنا تھا کہ نوجوانوں کے ذہن میں نوازشریف سے متعلق زہربھرا گیا، نوازشریف نے ملک میں خدمت کی سیاست کو فروغ دیا، ترقی کے ہر منصوبے کی تختی پر نوازشریف کا نام لکھا ہے۔عطا تارڑ نے کہا کہ کسی سیاسی جماعت نے آئی ایم ایف کوخط نہیں لکھا تھا، پی ٹی آئی نے ملک اورمعیشت کو شدیدنقصان پہنچایا، پی ٹی آئی نے کردارکشی اورنفرت کی سیاست کو فروغ دیا، کبھی کسی کو چور، گاڈفادر اور گالی گلوچ نہیں کی گئی تھی۔
ان کا کہنا تھا کہ پاکستان بین الاقوامی سطح پر بہت اہم ہے،دنیا کے سربراہان مملکت نوازشریف کا اچھے الفاظ میں تذکرہ کرتے ہیں، باغی چیئرمین پی ٹی آئی جب کرین سے گرے تو نوازشریف نے میٹنگ بلائی زخمی ہونے پر ن لیگ نے اپنے جلسہ منسوخ کردئیے،وفاقی وزیر اطلاعات ونشریات نے کہا کہ نوازشریف بانی پی ٹی آئی کی تیمار داری کیلئے ہسپتال گئے، اپوزیشن میں تھے تو قومی اسمبلی میں میثاق جمہوریت کی بات شہبازشریف نے کی تاکہ ملکی معیشت کو استحکام ملے تو کہا گیا کہ یہ این آر او مانگ رہے ہیں۔عطا تارڑ کا کہنا تھا کہ نوازشریف معمار پاکستان ہیں آج بھی ترقی کا سفر شہبازشریف اور مریم نواز اچھے انداز سے کررہی ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراس وقت ملک میں گلا سڑا نظام چل رہا ہے جو نوجوان کو مایوس کر رہا ہے،حافظ نعیم الرحمان اس وقت ملک میں گلا سڑا نظام چل رہا ہے جو نوجوان کو مایوس کر رہا ہے،حافظ نعیم الرحمان وزیراعلیٰ پنجاب مریم نواز کا ٹرانسپورٹ کے شعبے کو صنعت کا درجہ دینے کا فیصلہ پینتیس ویں نیشنل گیمز کا رنگا رنگ اختتام، فیلڈ مارشل عاصم منیرنے انعامات تقسیم کیے وزیراعظم شہباز شریف سے برطانوی وزیربرائے بین الاقوامی ترقی و افریقہ کی ملاقات ڈگری تنازع کیس میں بڑی پیش رفت، جسٹس طارق جہانگیری کا خود ہائیکورٹ کیسامنے پیش ہونے کا امکان جنگ کے سائے دروازے تک پہنچ گئے، امریکا پر انحصار ختم کرنا ہوگا، برطانوی وزیر دفاعCopyright © 2025, All Rights Reserved
رابطہ کریں ہماری ٹیم
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر