پاکستانی مردوں نے مجھے رُلا دیا، راکھی ساونت آبدیدہ ہوگئیں
اشاعت کی تاریخ: 15th, February 2025 GMT
بھارتی اداکارہ راکھی ساونت نے حال ہی میں پاکستانی میزبان متھیرا سے گفتگو کرتے ہوئے انکشاف کیا ہے کہ پاکستانی مردوں نے انہیں بہت رلایا ہے۔
انہوں نے بتایا کہ پاکستانی اداکار اور پولیس افسر ڈوڈی خان نے پہلے انہیں شادی کی پیشکش کی لیکن بعد میں اپنی بات سے پیچھے ہٹ گئے۔ راکھی کے مطابق ڈوڈی خان نے اپنے بھائیوں میں سے کسی سے شادی کرنے کا کہا اور اب دوبارہ کہہ رہے ہیں کہ وہ انگوٹھی اور پھول لے کر آئیں گے۔
متھیرا سے گفتگو کے دوران راکھی نے اشکبار آنکھوں سے کہا کہ وہ ڈوڈی خان پر اعتماد کر بیٹھی تھیں لیکن ان کے غیر سنجیدہ رویے نے انہیں سخت دُکھی کر دیا، وہ چاہتی تھیں کہ یہ رشتہ سادہ اور واضح ہو مگر مسلسل بدلتے بیانات نے انہیں الجھا دیا ہے۔
مزید برآں، راکھی ساونت نے دعویٰ کیا کہ مفتی قوی نے بھی انہیں شادی کی پیشکش کی تھی لیکن کوئی بھی اپنی بات پر قائم نہیں رہا اور ان تمام واقعات نے انہیں رلایا ہے۔
انہوں نے افسوس کا اظہار کرتے ہوئے کہا کہ ڈوڈی خان پہلے ان سے شادی کرنا چاہتے تھے لیکن اب وہ الجھن کا شکار ہیں۔ راکھی نے بتایا کہ انہوں نے پاکستانی ہونے کی وجہ سے ڈوڈی خان پر یقین کیا تھا لیکن پروپوز کرنے کے بعد وہ اپنی بات سے مکر گئے۔
یہ خبریں اس وقت سامنے آئیں جب راکھی ساونت نے متھیرا کے ساتھ ایک انٹرویو میں اپنے تجربات کا ذکر کیا۔
.ذریعہ: Express News
کلیدی لفظ: راکھی ساونت نے انہیں
پڑھیں:
کومل میر کی کاسمیٹک سرجری اور وزن میں اضافے پر لب کشائی
پاکستانی ڈرامہ انڈسٹری کی دلکش اور باصلاحیت اداکارہ کومل میر نے کاسمیٹک سرجری اور وزن میں اضافے پر خاموشی توڑ دی۔
کومل میر نے اپنی خوبصورتی اور شاندار اداکاری کی بدولت کم وقت میں بے پناہ شہرت حاصل کی ہے، تاہم حال ہی میں ان کے اچانک وزن میں اضافے اور چہرے کی تبدیلی پر سوشل میڈیا پر قیاس آرائیاں زور پکڑ گئی ہیں۔
گزشتہ دنوں کومل میر نے ایک پوڈ کاسٹ میں شرکت کی جہاں انہوں نے پہلی مرتبہ اپنی کاسمیٹک سرجری اور جسمانی تبدیلیوں سے متعلق افواہوں پر کھل کر بات کی۔
کومل میر نے کاسمیٹک طریقۂ کار سے متعلق گفتگو کرتے ہوئے کہا کہ میرا خیال ہے اب ہر کوئی کاسمیٹک پروسیجر کروا رہا ہے، عام لوگ تو مشہور شخصیات سے بھی زیادہ علاج کروا رہے ہیں، میں جب فیشل کے لیے جاتی ہوں تو گھریلو خواتین کو بھاری بل ادا کرتے دیکھ کر حیران رہ جاتی ہوں، مگر میں نے خود اپنے اوپر ایسا کچھ نہیں کروایا، قسم کھا کر کہتی ہوں! لوگ میرے گال دیکھ رہے ہیں مگر میری ڈبل چِن نہیں دیکھ رہے۔
انہوں نے کہا کہ مجھے نہیں معلوم لوگ مجھے موٹا ہونے پر کیوں شرمندہ کرتے ہیں، جب میں دبلی پتلی تھی تب بھی یہی کرتے تھے، میرا نہیں خیال کہ میں موٹی ہوئی ہوں، میں نے صرف 6 کلو وزن بڑھایا ہے، یہ ایک ڈرامے کے لیے کیا تھا، مگر بدقسمتی سے پروجیکٹ اب مؤخر ہو گیا ہے، میں نے کردار کو سنجیدگی سے لیا اور کھانے پینے میں نرمی برتی، ساری زندگی مجھے یہی کہا گیا کہ مجھے وزن بڑھانے کی ضرورت ہے۔
مزید بات کرتے ہوئے کومل میر نے اپنے ناقدین کو پیغام میں کہا کہ میں اپنے ٹرولرز کو پیغام دینا چاہتی ہوں کہ میرے وزن بڑھنے سے حسد مت کریں، مجھے جینے دیں، میں جلد ہی جم جاؤں گی اور اپنے جسم کو ٹون کر لوں گی اور جو لوگ ڈائٹ پلان مانگ رہے ہیں وہ بھی انتظار کریں، میں جلد ہی شیئر کروں گی۔
Post Views: 5
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش