5 لاکھ سولر پینلز ، مہنگی بجلی سے پریشان عوام کیلئے خوشخبری
اشاعت کی تاریخ: 15th, February 2025 GMT
ویب ڈیسک : صوبائی حکومت نے مزید 5 لاکھ سولر پینلز عوام کو دینے کیلیے منظوری دے دی ہے۔
سندھ کے وزیر اعلیٰ مراد علی شاہ کے جاری بیان کے مطابق چیئرمین پاکستان پیپلز پارٹی بلاول بھٹو زرداری نے کہا ہے کہ مہنگی بجلی کا بوجھ غریبوں پر نہیں ڈال سکتا، غریبوں پر جو مہنگی بجلی کا بوجھ ہے اس کیلیے سولر پینل دے رہے ہیں۔ انہوں نے کہا کہ ہمارے پاس وسائل نہیں تھے اس لیے عالمی بینک سے مل کر پروگرام شروع کیا۔
لاہور؛ زیر تعمیر عمارت کی دیوار گرنے سے 3 مزدور ملبے تلے دب گئے
مراد علی شاہ نے کہا کہ سرکار کی بجلی کا خرچ بچانے کیلیے عمارتوں کو سولرائز کریں گے، کراچی کی 35 سرکاری عمارتوں میں 18 میگا واٹ کے سولر سسٹم لگا چکے ہیں۔ انہوں نے کہا کہ ایک کمرے کا غریب آدمی بجلی کا بوجھ برداشت نہیں کر سکتا، غریبوں کیلیے 2 لاکھ سولر سسٹم منظور کیے ہیں جس کی تقسیم سندھ کے ہر ضلع میں ہوگی، بلاول بھٹو نے کہا ہے کہ صرف 2 لاکھ سولر سے کیا ہوگا لہٰذا سندھ حکومت نے مزید 5 لاکھ سولر کیلیے منظوری دے دی، بلاول بھٹو کا 300 یونٹ تک مفت بجلی کا پروگرام ہے، سندھ حکومت ان کی ہدایات کے مطابق کام کر رہی ہے۔
گھریلو ملازمہ کی پُراسرار موت، تحقیقات شروع
ان کا کہنا تھا کہ کچرے سے بجلی بننانے کا منصوبہ بھی شروع کیا ہے جلد اس پر کام ہوگا، مخالفین نہیں چاہتے تھے کہ تھر میں کوئی پروجیکٹ بنے، سب سے سستی بجلی تھر میں پیدا ہو رہی ہے، صوبے کے لوگوں نے مسلسل ہمیں چار بار حکومت دی ہے، سندھ کو دیکھ کر باقی صوبوں میں بھی لوگ ہمیں ووٹ دیں گے۔
سڑکوں کی صورتحال پر مراد علی شاہ نے کہا کہ کل اور آج ہونے والے ٹریفک حادثات پر لوگوں کی جان گئی، 8 سال سے انڈس ہائی وے کا یہی حال ہے، وفاقی حکومت سے درخواست کروں گا کہ سڑکوں کی تعمیر جلد مکمل کی جائے۔ انہوں نے کہا کہ جامشورو، قاضی احمد اور رانی پور ٹریفک حادثات میں اموات ہوئیں، وفاقی حکومت 8 سال سے انڈس ہائی وے کو مکمل نہ کر سکی، اتنی بری حالت ہے لگتا ہے یہ پاکستان کی سڑکوں میں سے نہیں۔
سستے ترین آئی فون کا انتظار بلآخر ختم
.ذریعہ: City 42
کلیدی لفظ: لاکھ سولر نے کہا کہ بجلی کا
پڑھیں:
وفاقی حکومت کسی وقت بھی گرسکتی: پیپلز پارٹی رہنما شازیہ مری
ویب ڈیسک: ترجمان پاکستان پیپلز پارٹی پارلیمنٹرینز شازیہ مری کا کہنا تھا وفاقی حکومت چیئرمین بلاول بھٹو زرداری کے انتباہ پر غور کرے ورنہ وفاقی حکومت کسی وقت بھی گرسکتی ہے۔
ترجمان پاکستان پیپلز پارٹی پارلیمنٹرینز شازیہ مری نے ’ کینالز‘ پر بیان دیتے ہوئے کہا کہ حیدرآباد کی عوام نے سندھو دریا پر نئی نہروں کے منصوبے کو مسترد کر دیا،عوام پہلے ہی پانی شدید قلت کا سامنا کر رہے ہیں، نئی نہریں نکالنےکا سوال ہی پیدا نہیں ہوتا، وفاق دریائے سندھ پر 6 نئی نہروں کی تعمیر کے اپنے متنازعہ منصوبے سے فوری طور دستبردار ہوجائے۔
اسحاق ڈار کی افغان حکام سے اہم ملاقاتیں، مشترکہ امن و ترقی کا عہد
شازیہ مری نے خبردار کرتے ہوئے کہا کہ وفاقی حکومت چیئرمین بلاول بھٹو زرداری کے انتباہ پر غور کرے ورنہ وفاقی حکومت کسی وقت بھی گرسکتی ہے، چیئرمین بلاول کہہ چکے ہیں کہ حکومت اور عوام کے درمیان کسی ایک کا انتخاب کرنا پڑا، تو وہ ہر بار عوام کے ساتھ کھڑے ہوں گے۔
پاکستان پیپلز پارٹی کے لئے طاقت کا سرچشمہ صرف عوام ہے،گزشتہ جلسے میں عوام صرف “ کینالز نامنظور” کا نعرہ لگاتے ہوئے سنائی دیئے، پانی کے حقوق کی جنگ بلاول بھٹو کو ورثہ میں ملی شہید محترمہ بینظیر بھٹو نے بھی کالا باغ ڈیم کے خلاف جنگ لڑی،متنازعہ آبی منصوبے کے خلاف جب شہید محترمہ بینظیر بھٹو نے آواز اٹھائی تو اس وقت ملک بھر سے جیالے باہر نکلے، بلاول بھٹو بھی اپنی والدہ کے نقش قدم پر گامزن ہیں۔
سرکاری گاڑی کا استعمال، سوشل میڈیا پر وڈیو وائرل کرنیوالے ڈان ساتھی سمیت گرفتار
پیپلز پارٹی پارلیمنٹرینز کا کہنا تھا کہ پیپلز پارٹی مخالفت برائے مخالفت پر یقین نہیں رکھتی وہ متنازعہ کینال منصوبہ کی اس لیے مخالفت کر رہی ہے کہ اُس سے وفاق کو خطرہ ہے،کوئی بھی منصوبہ جسے صوبوں کی عوام مسترد کردے وہ وفاق کے حق میں ہو ہی سکتا۔
بلاول بھٹو نے کہا ملک دہشتگردی کی لپیٹ میں ہے اور عین اس وقت ایک ایسا موضوع چھیڑ دیا گیا ہے جس سے بھائی کو بھائی سے لڑنے کا خطرہ ہے،چیئرمین بلاول نے یہ بات واضح کر دی کہ پیپلز پارٹی کو وزارتیں نہیں چاہیئں، لیکن پیپلز پارٹی کینالز کے معاملے پر بھی پیچھے نہیں ہٹے گی۔
کاروباری افراد کے جان و مال کا تحفظ ریاست کا فرض ہے؛ طلال چوہدری
پانی کی پہلے ہی ملک میں قلت موجود ہے، اور ایسے حالات میں کینالز بنانے کے منصوبے کا پھر کیا مطلب ہے؟جو لوگ سمجھتے ہیں کہ دھمکیوں سے پیپلزپارٹی کو ڈرایا جاسکتا ہے، تو وہ غلطی پر ہیں، پیپلز پارٹی کبھی پیچھے نہیں ہٹی۔
شازیہ مری کا مزید کہنا تھا کہ ہم اپنے ذاتی اور سیاسی مفاد کے لیے نہیں نکلے ہم تو دریائے سندھ اور وفاق کو بچانے کے لیئےنکلے ہیں، پاکستان پیپلز پارٹی کا اگلا جلسہ 25 اپریل کے روز سکھر میں ہوگا۔
شدید ردِعمل کے بعد فلم "جات" سے متنازعہ مناظر ہٹا دیئے گئے
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ