چین میں ڈوبتے شہری کو بچانے والا گھوڑا 6 دن بعد چل بسا
اشاعت کی تاریخ: 15th, February 2025 GMT
چین میں ایک شہری کو ڈوبنے سے بچانے کے لیے ریسکیو آپریشن میں شامل ہونے والا دلیر گھوڑا کچھ دن بعد بیماری کے باعث چل بسا۔
چینی میڈیا کے مطابق اس گھوڑے کی عمر سات سال تھی اور اس نے حالیہ دنوں میں اپنی بہادری کا مظاہرہ کرتے ہوئے ایک ڈوبنے والے شخص کی جان بچائی تھی۔
گھوڑے کے مالک نے بتایا کہ اس کے جانور نے کبھی بھی پانی میں قدم نہیں رکھا تھا، مگر اس ریسکیو آپریشن کے دوران یہ گھوڑا پہلی بار دریا میں اتر کر ڈوبنے والے شخص کی مدد کے لیے پانی میں تیراکی کرنے لگا تھا۔
چینی ذرائع کے مطابق شہری کی جان بچانے کے چھ دن بعد گھوڑا اچانک بیمار ہو گیا، اس نے کھانا پینا چھوڑ دیا اور بخار کی علامات ظاہر ہو گئیں، مقامی حکام نے گھوڑے کا علاج کروانے کے لیے ماہر ڈاکٹرز بھیجے، مگر بدقسمتی سے 11 فروری کو وہ جانبر نہ ہو سکا اور چل بسا۔
گھوڑے کے مالک اور وہ شخص جس کی جان اس گھوڑے نے بچائی تھی، کا کہنا ہے کہ وہ خود کو گھوڑے کی موت کا ذمہ دار سمجھتا ہے۔
چینی میڈیا کے مطابق 4 فروری کو صوبہ ہوبی میں ایک شخص پل سے دریا میں گر گیا تھا۔ اس کی بیٹی کی طرف سے مدد کی اپیل کے بعد، شہری اپنے گھوڑے کو لے کر دریا میں اتر آیا تھا۔
چینی میڈیا کے مطابق اس دوران گھوڑے نے 40 میٹر سے زائد فاصلہ تیراکی کرتے ہوئے طے کیا، جبکہ گھوڑے کے مالک نے ایک ہاتھ سے اس کی لگام تھام رکھی تھی اور دوسرے ہاتھ سے دریا میں گرنے والے شخص کو پکڑ کر پانی سے باہر نکال لیا تھا۔
ذریعہ: Jasarat News
پڑھیں:
کراچی میں نامعلوم افراد کی فائرنگ سے شہری جاں بحق، پولیس نے واقعے کو ذاتی دشمنی قرار دے دیا
شہر قائد کے علاقے گڈاپ سٹی مسلح افراد نے فائرنگ کرکے ایک شخص کو قتل کردیا۔
تفصیلات کے مطابق فائرنگ کا واقعہ ڈسٹرکٹ ملیر گڈاپ تھانے کے حدود میں واقعے گڈاپ سٹی میں پیش آیا۔
ایس ایچ او تھانہ گڈاپ سرفراز جتوئی کے مطابق فائرنگ کے واقعے میں جاں بحق ہونے والے شہری کی شناخت خورشید کے نام سے ہوئی ہے۔
ابتدائی تفتیش کے مطابق موٹر سائیکل سوار 2 مسلح ملزمان نے فائرنگ کرکے خورشید نامی شہری کو قتل کیا اور فرار ہوگئے۔
مقتول سے تاحال کسی قسم کی لوٹ مار کے شواہد نہیں ملے ہیں۔ واقعہ ابتدائی طور پر ذاتی دشمنی کا شاخسانہ معلوم ہوتا ہے تاہم جائے وقوعہ سے شواہد جمع کرکے مزید تفتیش کی جارہی ہے۔
دوسری جانب کراچی کے مختلف علاقوں میں فائرنگ کے واقعات میں بچی سمیت 5 افراد زخمی ہوئے جنہیں طبی امداد کیلیے اسپتال منتقل کردیا گیا ہے۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی