قبل از وقت الیکشن سے پیچیدہ مسائل جنم لینگے،ثمینہ فاضل
اشاعت کی تاریخ: 15th, February 2025 GMT
کراچی(کامرس رپورٹر) اسلام آباد ویمن چیمبر کی بانی صدر ثمینہ فاضل نے کہا ہے کہ سال رواں میں تجارتی تنظیموں کے الیکشن منعقد کروانے کی تجویز غلط ہے کیونکہ اس سے کئی پیچیدہ مسائل جنم لینگے۔ اس فیصلے سے نہ صرف خواتین کے چیمبرز پر مالی اثر پڑے گا بلکہ ان کے منصوبوں میں بھی خلل واقع ہو گا جبکہ عہدیداران اور ایگزیکٹو کمیٹی ممبران اپنے جائز حقوق سے محروم رہ جائیں گے۔ یہاں جاری ایک بیان میں ثمینہ فاضل نے کہا کہ ستمبر 2024 میں دو سالہ مدت 2025-26 کے لیے ہونے والے انتخابات شفاف تھے جنھیں کسی نے چیلنج نہیں کیا۔ انہوں نے مزید کہا کہ مختصر مدت کے اندر نئے انتخابات کا انعقاد استحکام اور تسلسل کو نقصان پہنچائے گا اورمحدود مالی وسائل پر کام کرنے والی تجارتی تنظیموں پرمنفی اثرات پڑیں گے۔ اس سے ملکی و غیر ملکی شراکت داریوں پر بھی اثر پڑے گا غیر یقینی صورتحال پیدا ہوگی اور کاروباری تعلقات کو خطرہ لاحق ہوگا۔متواتر انتخابات سے لاگت میں اضافہ ہو گا اور تجارتی اداروں اور ان کے اراکین پر بوجھ پڑے گا جس سے مجموعی کاروباری ماحول کو متاثر ہو کر اقتصادی ترقی کی کوششوں میں رکاوٹ ڈالے گا۔ثمینہ فضل نے حکومت پر زور دیا کہ وہ اس پر نظر ثانی کرے اور منتخب نمائندوں کو معاشی سرگرمیوں میں حصہ ڈالتے ہوئے اپنی مدت پوری کرنے کی اجازت دے اور ٹریڈ آرگنائزیشن آرڈیننس میں ترامیم اسٹیک ہولڈرز کی مشاورت سے کی جائیں۔ثمینہ فضل نے وزارت تجارت سے یہ بھی درخواست کی کہ استحکام تسلسل اور اقتصادی ترقی کو ترجیح دی جائے اوراس بات کو یقینی بنایا جائے کہ تجارتی ادارے مؤثر طریقے سے ملک و قوم اور کاروباری برادری کی خدمت کر سکیں۔
.ذریعہ: Jasarat News
پڑھیں:
کوآرڈینیشن کمیٹی کے اجلاس میں بلدیاتی انتخابات کرانے کا مطالبہ کیا، مرتضیٰ حسن
لاہور میں میڈیا سے گفتگو کرتے ہوئے راہنما پیپلزپارٹی کا کہنا تھا کہ اجلاس میں اتفاق کیا کہ ملکی حالات کے پیش نظر ملکر چلنا ہے۔ انہوں نے کہا کہ اجلاس میں ہم نے بلدیاتی انتخابات کرانے کا بھی مطالبہ کیا ہے، ہم نے گورننس کے حوالے سے بھی تحفظات سامنے رکھے ہیں۔ اسلام ٹائمز۔ راہنما پیپلزپارٹی حسن مرتضیٰ نے کہا ہے کہ ہم نے پنجاب میں بلدیاتی انتخابات کرانے کا مطالبہ کیا ہے۔ پیپلز پارٹی اور نون لیگ کے درمیان پاور شئیرنگ کے امور پر کوآرڈینیشن کمیٹی کے 5ویں اجلاس کے بعد گورنر ہاؤس میں محمد احمد خان کے ہمراہ میڈیا سے گفتگو کرتے ہوئے حسن مرتضیٰ کا کہنا تھا کہ اجلاس میں اتفاق کیا کہ ملکی حالات کے پیش نظر ملکر چلنا ہے۔ انہوں نے کہا کہ اجلاس میں ہم نے بلدیاتی انتخابات کرانے کا بھی مطالبہ کیا ہے، ہم نے گورننس کے حوالے سے بھی تحفظات سامنے رکھے ہیں۔ راہنما پیپلزپارٹی کا مزید کہنا تھا کہ اسمبلی میں پیش کیے گئے بلدیاتی الیکشن کے بل پر تحفظات ہیں، امید ہےکہ ہم مزید آگے بڑھیں گے۔
قبل ازیں پیپلز پارٹی اور نون لیگ کے درمیان پاور شئیرنگ کے امور پر کوآرڈینیشن کمیٹی کا اجلاس گورنر ہاؤس لاہور میں ہوا، اجلاس کی میزبانی گورنر پنجاب سردار سلیم حیدر خان نے کی۔ اجلاس میں پیپلز پارٹی کی جانب سے راجہ پرویز اشرف، ندیم افضل چن، علی حیدر گیلانی، مرتضیٰ حسن جبکہ نون لیگ کی جانب سے مشیر وزیراعظم پاکستان راناثناءاللہ، ملک محمد احمد خان، سینئر وزیر مریم اورنگزیب شریک ہوئے جبکہ نائب وزیراعظم اسحاق ڈار نے آن لائن شرکت کی۔
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش