ہرنائی: کول مائنز ایریا میں بم دھماکا: 9 مزدور جاں بحق، کئی زخمی
اشاعت کی تاریخ: 14th, February 2025 GMT
ہرنائی: بلوچستان کے ضلع ہرنائی میں واقع کول مائنز ایریا میں بم دھماکے کے نتیجے میں 9 مزدور جاں بحق اور درجن بھر کے قریب زخمی ہوئے ہیں۔
میڈیا رپورٹس کےمطابق کول مائنز ایریا میں دھماکا ایک پک اپ گاڑی پر کیا گیا، جس میں مزدور سوار تھے اور وہ کوئلہ کانوں میں کام کرنے جا رہے تھے، ابتدائی اطلاعات کے مطابق جاں بحق ہونے والے تمام مزدوروں کا تعلق سوات سے ہے۔
سکیورٹی ذرائع نے بتایا کہ دھماکہ آئی ای ڈی (Improvized Explosive Device) کے ذریعے کیا گیا ہے، جس کا ہدف پک اپ گاڑی تھی، بم دھماکے کے نتیجے میں گاڑی میں سوار مزدوروں میں سے 9 کی موت واقع ہوگئی جبکہ 7 زخمی ہوگئے جنہیں ابتدائی طبی امداد کے لیے فوری طور پر قریبی اسپتال منتقل کیا گیا۔
ڈپٹی کمشنر (ڈی سی) ہرنائی نے اس واقعے کی تصدیق کرتے ہوئے بتایا کہ تمام متاثرہ افراد کوئلہ کانوں میں مزدوری کرتے تھے، دھماکے کے بعد لاشوں اور زخمیوں کو قریبی اسپتال منتقل کیا جا رہا ہے جہاں ان کی حالت کا جائزہ لیا جا رہا ہے، زخمیوں میں سے کچھ کی حالت تشویشناک ہے۔
پولیس اور دیگر قانون نافذ کرنے والے اداروں کی ٹیمیں فوراً موقع پر پہنچی اور علاقے کی ناکہ بندی کر کے تحقیقات کا آغاز کر دیا، شواہد اکٹھے کرنے کے بعد دھماکے کے ملزمان کی تلاش شروع کردی گئی ہے۔ سکیورٹی فورسز نے علاقے میں سرچ آپریشن بھی شروع کر دیا ہے تاکہ کسی بھی ممکنہ خطرے کو فوری طور پر ناکام بنایا جا سکے۔
یہ دھماکہ بلوچستان کے حساس علاقے میں ہوا ہے، جہاں اس سے قبل بھی دہشت گردی کے واقعات رونما ہو چکے ہیں، حکام نے واقعے کی مذمت کرتے ہوئے متاثرہ خاندانوں کے ساتھ ہمدردی کا اظہار کیا ہے اور جلد از جلد انصاف کی فراہمی کی یقین دہانی کرائی ہے، دھماکے کی نوعیت اور اس کے پیچھے چھپے محرکات کی تفتیش جاری ہے۔
.ذریعہ: Jasarat News
کلیدی لفظ: دھماکے کے
پڑھیں:
دو ریاستی حل ہم کبھی بھی اسرائیل کو قبول ہی نہیں کرتے، فخر عباس نقوی
ایم ڈبلیو ایم کے زیراہتمام منعقدہ کربلائے عصر فلسطین سیمینار سے خطاب کرتے ہوئے آئی ایس او پاکستان کے مرکزی صدر کا کہنا تھا کہ آج ہماری ذمہ داری بنتی ہے کہ اسرائیلی مصنوعات کا بائیکاٹ کریں، اسرائیل نواز تنظیم کو آشکار کرنے کی ضرورت ہے، جب تک اس سرزمین پر قائداعظم کے معنوی فرزند موجود ہیں اسرائیل کو تسلیم نہیں کرنے دیں گے۔ اسلام ٹائمز۔ امامیہ اسٹوڈنٹس آرگنائزیشن پاکستان کے مرکزی صدر فخر عباس نقوی نے کہا ہے کہ آج دنیا نے ایک بار پھر دیکھا اگر کوئی انسانیت کا علمبردار ہے تو وہ سید علی خامنہ ای ہے، آج ہماری ذمہ داری بنتی ہے کہ اسرائیلی مصنوعات کا بائیکاٹ کریں، اسرائیل نواز تنظیم کو آشکار کرنے کی ضرورت ہے، جب تک اس سرزمین پر قائداعظم کے معنوی فرزند موجود ہیں اسرائیل کو تسلیم نہیں کرنے دیں گے۔ ان خیالات کا اظہار اُنہوں نے اسلام آباد میں کربلائے عصر فلسطین سیمینار سے خطاب کرتے ہوئے کیا۔ سید فخر عباس نقوی نے مزید کہا کہ حقیقی معنوں میں سید الشہداء کے حقیقی وارث شہدائے یمن، فلسطین، غزہ اور ایران ہیں، آج بھی ہمارا توکل صرف خدا پر ہونا چاہیے، ایک بار پھردشمن اپنا پراپیگنڈہ پھیلا رہا ہے، ہمارے ایوانوں کی شکل میں، ہمارے سینٹرز کی شکل میں اور بہت سارے افراد کی شکل میں اور میڈیا پرسن کی شکل میں، دو ریاستی حل ہم کبھی بھی اسرائیل کو قبول ہی نہیں کرتے، اب اس نظریے کے قائل ہیں جو قائداعظم محمد علی جناح نے نظریہ دیا تھا، ہم کسی صورت اسرائیل کو قبول نہیں کریں گے، جب تک ہماری جان میں جان ہم فلسطین کا راستہ اور مقاومت کا راستہ ترک نہیں کریں گے۔
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ